الف مبروك
اخترت العربية الممتازة بكل المقاييس
اول ما تستلمها اتأكد من وجود الاستبن وكتالوج العربية في الدرج وبص على الهيكل كويس واتأكد ان مفهوش اي خدوش او خبطات
فترة التليين بتكون لاول الف كيلو ليها معاملة خاصة
متزودش عدد لفات الماتور عن 4000 بأي حال من الاحوا ل خليك تحت 3000
متفضلش ماشي على سرعة ثابتة لفترة طويلة حاول تغير سرعتك كل فترة قصيرة
استخدم الفرامل برفق وبحنيه في الاول الا في حالات الخطر لا قدر الله . يعني حاول تفرمل قبل الهدف بكتير
متشغلش التكييف في كل مشوار الا في حالات الحر الشديد
اول ما تستلم العربية فورا . نصيحة اطلع على اقرب بنزينة نظيفة واظبط ضغط العجل على 32 لان في الغالب العربيات الجديدة بيكون فيها ضغط زيادة
او لو البنزينة بعيدة عن المعرض وهتمشي كتير يبقى خليها مرة تانية عشان لازم لما تكشف على ضغط الكاوتشات لازم يكون ( بارد ) ... يعني متكنش مشيت بالعربية اكتر من 2 كم
البنزين المناسب 92 وبلاش 90
حاول في اقرب وقت تفرش الكراسي فرش جلد او غيره عشان الفرش الاصلي ميتبهدلش
متركنش العربية في الشمس بقدر الامكان
حاول تشتري شمع للحفاظ على لمعة العربية من الاتربة و الخدوش الطفيفة
والف مبروك
المفضلات