استشاره فى لانسر البومه

**ahmedsaiad** · 15-07-2010 11:54 PM

السلام عليكم معايا لانسر2007 1600سى سى المنطقه بين الكراسى الاماميه بتسخن من عند حامل الاكواب هل دا طبيعى

**مصراوي جدا** · 16-07-2010 01:14 AM

لو الفتيس اوتوماتيك فطبيعي ان المنطقة حول الفتيس بتكون ساخنة نتيجة اللمبات اللي حواليه وناس كتير اشتكت من الموضوع ده وماكنتش عارفه ان السبب اللمبات دي

انما لو السخونة في منطقة تانية يبقى موضوع مختلف

**mr_vampire** · 16-07-2010 05:54 PM

متهيالي منطقة الفتيس كدة كدة لازم تسخن بسبب تروس الفتيس والحركة سواء كانت اوتوماتيك او مانوال. علي مااعتقد يعني

**mr_vampire** · 16-07-2010 05:57 PM

كمان حاجة كنت عايز اضيفها لو فعلا السخونة ناتجة عن سخونة اللمبات فهل من الممكن ان لمبة واحدة ( لمبة واحدة بس بتنور في الاوتوماتيك لان عمر مالمبتين ينورو في وقت واحد لان كل حركة في الاوتوماتيك بلمبة بيان ) تتسبب في السخونة ده . فارجح ان السحونة ناتجة عن الفتيس وتروسه. وفي انتظار الردود لاهمية الاستفسار لان فعلا زي ماقال الباشمهندس لو السخونة من منطقة تانية يبقي لازم اكتشافها بسرعة

**ahmedsaiad** · 17-07-2010 05:41 AM

ياريت ياجماعه لوحد معاه لانسر يلاحظ الحكايه دى يشوف دا طبيعى والالا

#ff0000

**wael2sh** · 19-07-2010 01:38 PM

نفس المكان بيسخن عندي وال حتة الجنب الفتيس وال راوس قال لي طبيعي
لانسر 2006 خليجي أوتوماتيك

**DrMax** · 19-07-2010 02:25 PM

انا عربيتى مانيوال وفى سخونية بسيطة خالص...نقدر نقول بتبقى دافيه يعنى

**M.Akef** · 19-07-2010 03:28 PM

انا عربيتي اوتو الفتيس من اخره خالص الي هي الحته الحديد الي مش مطليه بالجلد بس الي بتجون دفيه بس باقي العربيه مفهاش سخونه خالص
ممكن السخونه من الشمس مثلا!!!!

**mohamedway** · 19-07-2010 03:57 PM

للعلم الشكمان ماشى من تحت العربية فى المنتصف و بالضبط تحت المنطقة اللى بتتكلموا عليها و هو سبب السخونة و للعلم الفتيس قدام فى حوض الموتور سواء مانوال او اتوماتك و اللى فى النص ده ما هو الا عصاية تحكم الفتيس و ليس الفتيس نفسه.

مفيش اى ضرر من هذه السخونة و ده شىء طبيعى و هتلاقوه فى كل العربيات اللى فى نفس فئة الانسر و عشان تبقه عربيه معزولة كويس و ميحصلش فيها الكلام ده يبقه بتتكلموا فى عربية فئة أعلى ألمانى زى مرسيدس أو بى ام .........الخ