الموضوع: الانترا 2008

بص يا سيدي ،،

أنا هاقولك علي تجربة واحد اعرفه شريكي بس مش تجربة شخصية

الأول ماكنتش عجباه العربية لأنه عربيته الأساسية اوكتافيا a5

فطبعا حس بفرق ثبات و تقل وزن فظيع

لحد ما سافر بيها ،، و غير رأيه تماما ،،

بقه معجب بيها جدا ،،

بيشتكي بس من انها بتجري بطريقة فظيعة و طبعا ده ميزة مش عيب

الثبات بعد ما كان بينتقده ،،

غير رايه لأنه جاب بيها 170 بيقولي من غير ما حس و العربية ممتازة

و الميزة التالتة اللي اكتشفها النعومة ممتازة

اساسا في النقطة دي كنا بنصلحها ي مركز خدمة لأنها اتخبطت ،،

صاحب المركز كان تعليقه عليها ،، دول فجروا ،، قصده علي هيونداي من متعة قيادتها

طبعا الشكل الخارجي و الصالون , و انوار التابلوه فأكيد فيه اجماع انه ابداع

عيوبها من وجهة نظري الشخصية و من اللي سمعته

نظام الباور الجديد ناعم بطريقة مخيفة للي مش واخد عليه

افتقاد اوبشنز المفروض تبقي اساسية في عربية بالمستوي ده زي الإيرباج و abs

بحس ان حجم العربية كبير نسبيا و ابعادها محتاجة تعود

الكماليات اللي غبور بيركبلها في مصر

قطع غيارها مازالت غالية لأنها لسه جديدة

و من المعلومات الممتازة عن الإلنترا الجديدة ،،

و التطور اللي حصل ليها عن موديلها السابق ،،

منقولة من منتدي سيارات خليجي ،،

الموديل الجديد يمتاز عن الموديل السابق بالتالي .
1- المحركات اكثر تطور وهي من نوع Cvvt اكثر استجابه واوفر وقود واقل صيانه لان سير التيمن مصنوع من الحديد ولا يحتاج تغيير .

2- قاعدة العجلات اطول يعني راح اكثر وسعه اكبر .

3- تعليق جديد متعدد الوصلات يعطي ثبات اكبر للسياره

4- الشنطه لموديل 2007 اكبر من 2006 السابقه

5- المقود متطور اكثر وهو من نوع الكتروبور اقل قطع لايوجد به طرمبة زيت دركسون او علبة

زيت دركسون او سير دركسون او ليات ومواسير زيت وبالتالي يعني اقل صيانه واقل تاثر بظروف

الطريق لانه لا يوجد عمود دركسون بين المقود والكفرات فلا تنتقل الاهتزازات الى المقود مثلا عيون

القطط اكثر دقه لعدم وجود مايسمى بالدوده واكثر سلامه في الحوادث لا قدر الله لانه لا يوجد عمود

خلف المقود ويوجد فقط اسلاك كهربائيه . وهذا النظام تم تجهيزه في اكسنت 2006 قبل كذا واثبت

فعاليته والان تم اعتماده من تايوتا في سيارتها كورلا الجديده 2008


بخصوص اللانسر القديمة ،، معنديش خبرة فيها ،،

بس من غير سؤال ،، الإلنترا افضل بكثير من كل النواحي كسيارة ،، و كقيادة ،،

و ممكن تشوف المقارنة الشاملة دي

http://www.nilemotors.net/Nile/showthread.php?t=1728

لكن اللانسر تتميز بأنها ياباني و دي نقطة تفرق جامد عند ناس كتير ،،

اسم ليه سمعته في مصر كذا جيل ورا بعض ،، أعلي اعادة بيع في فئتها ،،

أنا معايا إلنترا 2008 أوتوماتيك و الحقيقة أخونا أحمد أنور جابلك من الآخر و تقييمه أكثر من ممتاز و كله سليم بس حبيت أقول على بعض الأشياء المكملة لكلامه.

العربية ناعمة و العزل كويس و كمان الأوتوماتيك بتاعها ناعم و غالباً مابتحسش بالنقلات.
a rigid body structure and the vehicle’s optimized door sealing strategy contribute to reduced road noise (two decibels below a comparably equipped Honda Civic -- based on internal testing).
http://www.autospectator.com/cars/mo...yundai-elantra

العربية واسعة و مصنفة من الـ EPA كـ midsize car و ليس compact car زي السيارات اللي نفس الفئة يعني حجم فراغها الداخلي 112.1 قدم مكعب يعني أكبر من civic و كورولا و لانسر.
سير الكاتينة timing belt جنزير و ليس جلد يعني تنساه و لا يتم تغييره.
Elantra’s total interior volume of 112.1 cubic feet easily beats the 2007 Civic sedan (102.9 cu. ft.), 2007 Nissan Sentra (110.8 cu. ft.) and 2007 Corolla (103.9 cu. ft.), and, surprisingly, even surpasses the interior volume of the near-luxury Acura TL (110.4 cubic feet). Elantra trunk volume at 14.2 cu. ft. also beats Civic and Corolla.
http://www.autospectator.com/cars/mo...yundai-elantra

الباور بتاعها فعلاً كأنه لعبة خفيف جداً لإنه مش بطرمبة زيت لكن بمتور كهربائي منفصل EPS و به سنسور يحس بسرعة السيارة و يخف و يتقل على أساس السرعة و هو أبسط و قطعه أقل بكتير من النظام التقليدي بس فيه ناس بره في reviews عن العربية بتشتكي إن الموضوع ده خلاها تفقد الإحساس بالطريق (lacks any steering feedback) بس على فكرة هوة ده الإتجاه الحديث دلوقتي و نازل في الكورولا الجديدة. بس مش متأكد من موضوع إن مفيش وصلة من المقود للعجل ده..

شكلها أعتقد إنه جميل و شيك و هي متصممة في ستوديوهات هيونداي في كاليفورنيا بأمريكا بواسطة فريق أمريكي بس أنا شايف السيفيك أجمل.

و زي ما قال أخونا أحمد أنور فعلاً العربية اللي بتيجي مصر فقيرة في بعض الكماليات اللي بتنزل برة قياسياً و غالباً غبور عامل كدة علشان سعر العربية ينزل و يمسك بيها شريحة في السوق لوحده بعيد عن حرب تكسير العظام مع الكورولا و الانسر و السيفيك... و على فكرة الإلنترا اللي بتنزل بره نفس سعر الكورولا و اللانسر و السيفيك و النيسان سنترا و الشيفروليه كوبالت تقريباً.

الحقيقة انا ماجريتش بالعربية لسببين أولاً إني لسه بلين ثانياً أنا أصلاً مبحبش الجري و موضوع 150 و 160 و الكلام دة معرفوش خالص بس أخونا أحمد أنور غطى النقطة دي كمان كان في زميل في المنتدي إسمه حسام منير معاه العربية و أوتوماتيك برضه قال في موضوع له إنه جاب بيها 200 أو 220 في طريق شرم الشيخ و كانت ثابتة و معقولة.

الحقيقة أنا قبل ماجيب العربية شفت كل الريفيوهات اللي عنها في النت و سألت ناس أعرفهم في أمريكا و قالوا العربية عاملة هناك شغل جامد و الناس بتشكر فيها. طبعاً هناك العربية بتنزل 2000cc و كماليات قصة ثانية خالص و موتور PZEV يعنى Partial Zero Emission Vehicle مناسب لقوانين الولايات الخضراء في أمريكا زي كاليفورني و أوريجون.

بالنسبة للمقارنة بالانسر فالانسر عربية ممتازة طبعاً بس أعتقد الإلنترا تكسب ... على الأقل الشكل القديم من الانسر.

أرجو إن كلامي ميزعلش حد من ملاك الكورولا و الانس و السيفيك كلها عربيات رائعة كل واحدة تتميز في حاجة و تقل في حاجة و هي دي طبيعة الأشياء و إلا ما كناش شفنا كل العربيات دي منتشرة في الدنيا كلها.

و زي ما قال الزميل أحمد مشكلة العربية فعلاً عند بعض الناس فقط إنها كوري و للأسف دي مشكلة عندنا إحنا و لازم نغير تفكيرنا و أسها حاجة شوفوا الأمريكان بيقولوا عن هيونداي إيه دلوقتي في الـ expert & consumer reviews و كمان في الخليج.

المشاركة الأصلية كتبت بواسطة mido777

الأستاذين / أحــــــــــــــمــــــــ د

كنت عايز اقول كل الكلام اللى حضرتك قولتوه ده

بجد انتم ماسبتوش حاجه ماتقلتش

انا معايا النترا وفعلا عرية ممتازة جدا جدا فى معظم النواحى

بس العيب اللى فيها هو ابعاد العربية
مشكلة فى الركن بس اناركبت سنسور باركنج حل المشكة دى

بصرة :)
ركبت باركينج سنسورز برضه أول ما جبت العربية لإني كنت ببص ورا مبشوفش اي حاجة خالص.

المشاركة الأصلية كتبت بواسطة mido777

ياترى لون عربيتك ايه ؟؟؟؟

اصل انا عربيتى لونها ذهبى (شامبين) والسنسور لونهم اسود فعملين تناقض فى شكل الأكصدام وغالبا ح ارشهم بس قلقان انهم يأثرو على اشارة السنسور

بتنجاني و السينسورز كان لونهم نبيتي غامق فمبانش فرق لون.
أعتقد الإسود ممكن يكون شكله شيك برضه على الشامبين.. بس موضوع إشارة السينسورز ده مش متأكد منه الحقيقة بس أنا أسمع إنهم ممكن يترشوا عادي بس يا ريت تتأكد الأول.

أنا بقى بيجيني أرتيكاريا :) من الترييحات المعتادة اللي بتقشر اللون من الإكصدام و يبان من تحته اللون الإسود رغم إن فعلاً أكتر لون كان عاجبني هو الذهبي الرملي (الشامبين) لإنه فعلاً ماشاء الله أحسن لون بجدعليها و بيفوقها جامد..
أنا فكرت في الإسود و في الحجز طلبت الإسود و الإختيار الثاني بتنجاني و جت البتنجاني...:)
بس عندك حق فعلاً اللون الغامق بايخ في موضوع النظافة ده