الموضوع: استفسار عن الجى ام ال4channel

الف شكر يا باشا
هي اهم حاجة كنت عايز اتاكد منها انى ال4شانيل 2 جين يعنى كل 2شانيل ليهم جين لوحدهم
هيا الفكرة مش فكرة ضعاف يعنى بايظين او حاجة
الفكرة كلها عندى سماعتين jbl فى الرف الخلفى 100rms وما شاء اللة عليهم كل ما تعلى فى الجى ام اكتر كل ما تعلى معاك وتظبط من غير خروشة وبوظان صوت
وعندى فى البابين الى ادام سماعات سونى 60rms كمبونانت موصلهم بالكاسيت عادى جربت مرة اوصلهم الجى ام وافصل الjbl وكان صوتهم احسن كتير اوى بالجى ام بس طبعا وطيت الجى ام جامد اوى عن لما كنت موصلة بالjbl لان الجى بى ال بيضاوى السونى مداورين عادى بس كمبيوننت فا دى كانت الفكرة كلها انى عايز جى ام اوصل علية الاربع سماعات بس يبقة عندى تحكم لكل جوز سماعات على حد وفى نفس الوقت زى ما قولت مش عايز اجيب جى ام تانى عايز اغير الى عندى واجيب واحد بنفس الحجم مش المقصود بالحجم الوات لا حجم الجى ام نفسة صغير عشان ميدخش مكان فى العربية واقدر اركبة فى الشنطة من غير ما يبان زى الى عندى ال350 دلوقتى دى الفكرة كلها يا باشا

معلش بعد ازنك عايزك تاكدلى بس على المعلومة دى تانى اخر مرة علشان اتخد القرار الجى ام ال4شانيل بيبقة فى 2 جين يعنى بيدينى تحكم لكل سماعتين على حدى

لا يا باشا صادق الفكرة بقة دلوقتى اة اصغر حجم ووات المرادى جى ام ممكن اجيبة 4شاننيل

وهل فى حاجة مستعملة ممكن ابدلها بالجى ام الى عندى الكينود ال350 هوا لسة مكملش شهرين وهيبقة فرق اد اة معلش انا عارف انى زهقتك

بص يا باشا
كلمة 4 اتشانل
يعني 4 مخارج متساوية في مخرج عدد الواتات
يعني لو فرضنا ان الجي ام 1000 وات مقسمه الي 4 شانل
يبقي كل مخرج بيخرج 250 وات
سواء حطيت حاجة عالية او ضعيفة هتاخد 250 وات
ففي ناس بتوصل الحاجة العليا علي مخرجين عشان تاخد كفائة مخرجين
والحاجة الضعيفة علي مخرج واحد بس وممكن توصل حاجة تاني معاه لو كانت ضعيفة اوي

كلام زى الفل طيب انا عندى الوضع دلوقتى سماعات ابواب سونى كمبونانت وانا متاكد انها لازم تتوصل على جى ام لانها بتدى صوت احسن كتير وكمان لانى الكاسيت 50rms والسماعات 60 rms يعنى كد كدا محتاجة جى ام وانا معنديش غير جى ام كينود350 وات موصلة بسماعات بيضاوى جى بى ال 100rms رايك اعمل هل اوصل الاربعة دول على الجى ام دا وخلاص ولا اجيب جى ام 4 شانيل ولا اعمل اة ويا ريت الاسعار
بس ملحوظة لما بوصل السماعات السونى لازم اوطى الجيت جامد اوى عن الجى بى ال

كلام جميل انت ادتني كل المعلومات ما عدا الجي ام كام اتشنل وكل شانيل بيدي كام rms

اة نسيتها دى الجى ام كينود 350 وات 2شانيل عشان كدة انا عايز اغيرة واركب جى ام 4 شانيل عشان اوصل الاربع سماعات ال2 بتوع الباب وال2 الى ورا بس الفكرة كلة سماعة عايزة ظبطت جين لوحدها يعنى الى قدام مش زى الى ورا دى الفكرة كلها الموضوع انى مش عايمز اجيب جى ام تانى ووصلات تانى والقلق دا عايز جى ام اوصلة علطول مكان القديم والحاجة التانسية انى عايز حجم الجى ام نفسة يكون صغير نفس حجم ال350 عشان انا مركب ال350 فى الشنطة بطريقة كويسة ومش باينة خالص عشان حجمة صغير فا عايز حاجة تكون نفس الحجم والف شكر يا باشا على ردك ومعلش تعبتك معايا