يا رجاله أنا مسافر أمريكا الأسبوع المقبل أن شاء الله
رايح كورس فى HOUSTON
يا ترى ايه الحاجات أيلى أسعارها حلوه هناك ؟؟:U_thin1[1]:
عرض للطباعة
يا رجاله أنا مسافر أمريكا الأسبوع المقبل أن شاء الله
رايح كورس فى HOUSTON
يا ترى ايه الحاجات أيلى أسعارها حلوه هناك ؟؟:U_thin1[1]:
ترجع بالف سلامة.تكساس جميلة وهتفكرك شوية بمصر.لو فضيت هناك روح Port Arthur على المحيط جميلة.
لو عاوز شوبنج اسال على اقرب فرع Wall mart جنبك وروح بنفسك لانهم عندهم ملابس تحفة ورخيصة وتجنن وتخفيضات غير طبيعية.
اكسسورات عربيات ومعطرات من الاخر.
شوفلك كاميرا ديجيتال كانون واشتغل بيها شوية هناك واطحنها صور وفيديو ولو معجبتكش فى خلال 14 يوم ابقى روح غيرها بموديل تانى بس حافظ على علبتها-ورقها وكل حاجتها زى ما هيا.
شوفلك كوتشى حلو نايكى-اديداس-بوما مع انه اغلبه صينى هناك بس ممتاز.
شوفلك كام بنطلون جينز ماركات هتلاقى اسعارهم رائعة
يعنى ببساطة 1000 دولار هترجع شايل حاجات رائعة
اهم حاجة بقى خلى بالك من الوزن وانت راجع.متخدش حاجات كتير من هنا واشترى براحتك من هناك.:S_thum1[1]:
كل حاجة هناك زي الفل واسعارها رخيصة بالمقارنة بالجودة..يعني لو قلنا في الإلكترونيات هاتلاقي الاب توب ارخص 1000 جنيه على الأقل من مصر..والكاميرات...وغيره كتير..فقط خد بالك من الاختلافات مثلا الكهربا هناك 110 فولت وكاميرات الفيديو NTSC و ADSL router فيه فتحات RJ45 فقط!!!
الهدوم هناك حكاية والجزم الجلد او الرياضية برضة جامدين جدا..وتروح وترجع بالسلامة إن شاء الله
ألف شكر يا باشا على المعلومات الجامده ديه :hlopaet_prv:
ترجعلنا بالسلامة يا ريس.
الله يسلمك يا حبيبى
ونسيت اقولك حاجة مهمة جدا.
اوعى تقول لواحد اسود او غامق او قمحى هناك او تتكلم عنه او توصفه لحد وتقوله the black guy او dark skinned man. تكساس فيها ناس متعصبين جدا للون البشرة وموضوع العنصرية عندهم زيادة شوية.
ومتقولش انك middle eastern ابقى قول Egyptian.
لو شفت طفل جميل ولا حاجة اوعى تلمسه من بعيد لبعيد كدة هزر معاه وابقى اسال دايما اهله ممكن؟May I بابتسامة خفيفة كدة لو خارج تتمشى شوية متخدش معاك الباسبور ابقى اعمل منه صورة وخليها معاك ومتشيلش فلوس كتير.الفيزا او الماستر احسنلك بكتير.
ولو افتكرت حاجة تانى هاقولك.
تنور أمريكا ، نحب لو فيه فرصة نشوفك في بلد disney land في فلوريدا the sun shine state .
لازم تطير من تكساس لانها 24 ساعة سواقة ، بس لو حبيت وفكرت ، أنا تحت أمرك ولو عايز shopping كمان كويس قولي، فيه حاجات علي النت أرخص بكتر من المحلات . وتجيلك لغاية عندك
عايزينك تروح وتيجي بالسلامة
مش موضوع امان بس.موضوع انك تلاقى فكة والباقى هيبقى متعب شوية.حياتهم كلها هناك كروت و ديبيت.ولحد ما الامان هناك كويس طالما انت ماشى سليم بمعنى انك بلاش موضوع الحمقة والخناقات مع اى حد ان كان.انت ضيف فى بلادهم.
اسعار الساعات زي هنا تقريبا.بس برده Wall mart عروضه فظيعة زى كارفور هنا كدة.
How is the Humidity there?fadod is it still as Bad as it used to be.!
skype voice شغال يا جماعه ولا مقفول ؟؟
بص هي أذواق ، بس ال-wall mart هنا عامل ذي صيدناوي أو القطاع العام ...يعني الساعات فيه رخيصة علشان ديه هي ال-basic . يعني تلاقي فيه ساعة ب-30-40$ كويسة ، بس مش حاجة من الحاجات الشيك..ومعلش أنا أسف ومقصدش أقول حاجة بس هي أذواق..إنت ممكن تتفرج علي كل حاجات wall mart وإنت في بيتكم
العنوان أهه
Walmart.com: Save money. Live better.
الساعات هتلقيه تحت jewelry >>watch
أو أهه
Search results for watch - Walmart
اى حاجة من هناك هتبقى حلوة ده لو حتى علبة كبريت اكيد الكبريت عندهم بينتج عن احتراقه اكسجين مش يورانيوم عندنا
ترجع بالسلامة
تروح وترجع بالسلامة ياباشا
انا بجد لو مكانك هشترى شوية حاجات الكترونية اصلى مدمن الحاجات دى
كاميرا ديجيتال نضيفة اوى _ i pod _ موبايل سونى اريكسون نضيف
شوية جينزات حوالى 15 ولا حاجة علشان الواحد يلبس شوية نضيف وكان كوتشى كده
انا اهلي هناك في نيويورك
انت هتقعد اد ايه؟
لان التخفيضات هناك تحففففففففففه و تخفيضات بجد بس بتبقي في شهر 1 و 2 لو هتقعد هتعرف تجيب حاجات اصليه و رخيصه في نفس الوقت
ربنا يرجعك بالسلامة ان شاء الله
ربنا يخليكو ليا يا جماعه ومتشكر جدا على نصايحكم الجامده
تروح و تيجى بألف سلامه و يا ريت و النبى تعبيلى جيركن هوا و تديهولى أصل نفسى بقى صدرى ينضف من هوا مصر
ترجع بالسلامة .. هات معاك :
Radar detector
Laptop
HTC TyTN2
sharing receiver
digital camera
handy cam
السفارة ديه بجد حالات....ساعات تفتحها علي البحري وتلقي ناس متحلمش تسافر الصومال جايين أمريكا بذلع مش...وساعات تانية ناس محترمة وجاية بيزنس أو سياحة وتترفض .مفيش أي معايير ولا أي ظوابط خالص، بس ساعات بشوف هما بيعملو كدة ليه من كتر الناس اللي بتقدم.أنا شفت ناس بتقدم بالعشر مرات وتاخد رفض ..ومع كدة باردو بيقدمو تاني..روحهم الرياضية مرنة جداً
فين أيام التسعينات لما الناس كانت تروح علي الباب من بدري وتقف طابور ، من غير حجز ولا حاجة وكان الفيزا ب 90 جنيه
لو إنت عاوز تشتري حاجه من هناك تكون فعلاً فارقه عن مصر في السعر كتير يبقى عليك على الإلكترونيات.
إشتري:
point and shoot Digital cameras
SLR cameras
Apple products such as Ipads and Apple Macbook
GPS
فعلاً الحاجات دية بتفرق عن مصر كتير جداً في السعر والجوده كمان
بس نصيحه بلاش تجيب حاجات ممنوعه هنا عشان أنا أصدقائي حصلهم مشكله كبيره جداً في المطار وهو راجعين عشان كان معاهم سبراي فلفل. فا مافيش داعي تجيب جهاز كاشف الرادار وخاصة إنه مالوش لزمه أصلاً أنا جربته وكان فاشل.
صعب أوي إنك تلاقي هناك ريسيفرز ممكن تشتغل هنا.
أنا هاقولك على محل رائع، هو عباره عن هايبر ماركت للإلكترونيات حجمه لا يقل عن كارفور المعادي. إنت محتاج لا يقل عن 4 ساعات لف هناك لإنه بصراحه يهبل. وأسعاره رائعه.
أنا إشتريت من هناك كاميراات لي ولناس و2 لابتوب أبل وبصراحه أنا كان لي واحد صاحبي شغال في الإلكترونيات في محل في نيويورك قال لي إن الأسعار اللي أنا جبت بيها الحاجه دية أسعار خياليه رخيصه جداً.
المحل إسمه
Frys
وده رابط لموقع الفرع الموجود في هيوستن:
FRYS.com
بالتوفيق إن شاء الله
http://www.neowin.net/forum/uploads/...1250759007.jpg
لو تعرف تنزل بدي
تبقا بطل ...ويتعملك تمثال كمان