الموضوع: ماهو اصعب قرار اتخذته في حياتك ؟؟

انا بالنسبالى اصعب قرار كان انى اسيب مصر، انا كنت فى هندسة اسكندريه ميكانيكا و خلصت هناك اربع سنين بتفوق و كان باقيلى سنه واحده بس و اخد البكالريوس، رحت باعت ورقى لجامعات فى استراليا و اتقبلت فيهم، رحت اخترت جامعة ملبورن عشان هيه اكبر جامعه فى استراليا و كان العرض بتاعهم انى اجى ادرس سنه و نص عشان اتخرج, و ادينى لسه و اخد البكالريوس فى شهر 12 مع مرتبة الشرف و بالنسبه لمشروع التخرج بتاعى، قدرت انى اعدى الاختبارات عشان التحق بفريق السباق بتاع الجامعه، و طبعا كان صعب جدا انى اقدر اقنعهم انهم ياخدو واحد لسه جاى من مصر و همه بيدوروا على نخبة الطلبه فى الجامعه، بس نجحت و بقيت فى قسم الAerodynamics و اتيحت ليا الفرصه انى اشتغل مع مهندسين من فورملا 1 فريق رينو و كانت تجربه حلوه لكن صعبه جدا و دلوقت بعمل ماجيستير فى الAerospace...بس كان اصعب وقت لما سبت مصر و انا عندى عشرين سنه و نص و معرفش حد خالص فى استراليا و معرفش اذا كنت هنجح ولا هفشل و لو فشلت يبقى ضيعت هندسة اسكندريه برضو ، ده غير انى مبتدئ فى مهارات الطبخ و اخرى كباية شاى تزقى بيها الزرع :)

المشاركة الأصلية كتبت بواسطة cpt_shawky

كلمنا شوية بقا عالـ Angle of Attack :D

هههههه ، خليها 90 و انت فى نص الجو و ابقى احكيلى حصلك ايه :D

المشاركة الأصلية كتبت بواسطة aif

هو مش قرار صعب وبس دي مجازفه بصراحة انا لو مكانك ما كنتش قدرت آخذ القرار ده... احييك

الف شكر و التحيه وصلت :)

المشاركة الأصلية كتبت بواسطة ams

ما شاء الله ايه الحلاوه دى ربنا يزيدك . احنا فى الكلية بتاعتنا دكتور تصميم الالات بدا بتصميم طرف الحله ليه هو لفوق ومش لتحت ودلوقتى هو طالب مننا طريقة لنقل مراكب الشمس وللعلم هو الدكتور ده اللى نقل رمسيس

الف شكر بس انا مفهمتش ايه الحله ديه اللى بتتكلم عليها :)

المشاركة الأصلية كتبت بواسطة CryptonX

اصعب قرار لي شخصي .. هو كان قرار جماعي لي وأسرتي
برفع اجهزة التنفس الصناعي عن اخي الرضيع " ماجد " ذو الخمس الايام بسبب اجماع جميع الاطباء المصريين و الالمان علي عدم اكتمال جهازه التنفسي و العصبي و بالتالي لا توجد اي فرصة لنجاته بعد شهر من الحضانة .

الله يرحمه .

اه فعلا قرار صعب جدا، الله يرحمه و البقيه فى حياتك.

المشاركة الأصلية كتبت بواسطة ams

قصدى تصميم طرف الحله بيبقى لفوق و محتوى الغطا ومش لتحت عشان الابخرة لا تطفىء النار و احتواء الغطا بشكل جيد لـ ــا ;)

معلش اصلى دايما ببقى مهتم بللى جوه الحله اكتر من اى حاجه تانيه :)

[B]السلام عليكم ورحمة الله و بركاته [/B]
اولا: انا بكالوريوس ادارة فندقية و عملت بها لمدة 3 سنوات بالغردقة و القاهرة الى ان احسست ان كل مكاسبى منها حرام و هدانى الله الى ان اتركها بدون ان يكون لى مورد رزق اخر و اخذت قرارى فى ليلة واحدة لم اذق فيها النوم اطلاقا - المشكلة ان الاسرة واصدقائى فى ذلك الوقت كانوا يسخرون منى لدرجة انهم كانوا يطلبون منى ان اذهب الى الصحراء و ارعى الغنم و اعيش فى خيمة:( ولكن الله سبحانه وتعالى اختبرنى فى ايمانى و قدرتى على تحمل القرار بالرغم من ان موهلى بالاضافة الى خبرتى كانت مطلوبة جدا فى هذا الوقت- وقد وفقنى الله بعد ذلك و رزقنى من حيث لم احتسب فقمت ببعض الاعمال البسيطة الى ان وفقت فى العمل بشركة كبرى بالمبيعات و كانت حجم مبيعاتى عالية فتمت ترقيتى مرتين فى خلال عام واحد و بدات دورات حرة فى مجال ادارة الاعمال و السكرتارية التنفيذية و خدمة العملاء و كان بعضا منها على حساب الشركة نظرا لتفوقى - واعتقد اننى حتى الان لم اندم على هذا القرار و اذا كان ممكن ان الزمن يعود للوراء فسوف اخذ نفس القرار باذن الله:) .
ثانيا : عندما سافرت الى الخليج لمركز مرموق اكثر و + زيادة الدخل خاصة مع زيادة النفقات بعد الزواج و كذلك اقساط شقتى التى اتملكها و عدت بعد 6 شهور فقط من السعودية حيث ان الكفيل الخاص بى لم يحترم التعاقد تماما بالاضافة الى اخذه حقى الذى تجاوز 30000 ريال سعودى عن هذه المدة البسيطة مما اضطرنى الى تركه و السفر الى القاهرة فى خلال احدى رحلاتى المكوكية بين الدول العربية بعد ان وصلت الى طريق مسدود معه تماما و قد اشتكيته فى مكتب العمل السعودى و لكن لاحياة لمن تنادى - و اعتقد اننى كنت غير موفق فى قرار السفر الى الخليج و لكننى كسبت عمرتين و حجة لبيت الله الحرام و زيارة سيدنا رسول الله صلى الله عليه وسلام و الحمد لله .
اسف على الاطالة يا اخوانى