30 دقيقة بالكتير قوي .. بيخرم الإكصدام بالشنيور في 4 أماكن و يركب السينسورز فيهم كبس و اسلاكهم من الخلف بتطلع على جهاز قد علبة السجاير بيتحط في شنطة العربية. بيفك كلبس من اللي ماسك فرش الشنطة الجانبي و يركبه وراه. الجهاز ده بقى بياخد كهربه من كهربة فانوس المارشدير و بيطلع منه سلك بيمشي في العتب الجانبي بسهولة و بيطلعوا من ورا التابلوه لحد الشاشة اللي بتبين المسافة و فيه سماعة بتطلع صوت متقطع لو المسافة من 1.5 متر لحد نص متر تقريباً و بعد كدة صوت متصل.
الموضوع سهل جداً و ميخضش زي ما باين من الخطوات و الشكل بيطلع نضيف جداً بس أهم حاجة الراجل اللي بيخرم بالشنيور خليك معاه علشان ميعملش واحد فوق و واحد تحت و لا مش مسافات متساوية و الحاجات الغبية بتاعت الصنايعية دي.
و الأخ إسلام شاهين كان شرح الخطوات بتفصيل أكبر في موضوع تاني و كمان الأخ محمد خلف.
الحقيقة معتقدش غبور أصلاً بيركب الحاجات دي بس ممكن تسأل.
المفضلات