فكره محل كشرى محتاج رايكم

**احمد المصرى** · 18-07-2010 09:49 AM

السلام عليكم

قدامى حاليا يا شباب محل مقفول وفيه كل الادوات بتاعه الكشرى ( المحل كان محل كشرى وقفل ) قفل علشان مكنش ماشى والاسباب من وجهه نظرى قله الدعايه ليه وعلى ما اعتقد ان مكنش فى صنيعى شاطر بيعمل الاكل

انا معروض عليا المحل حاليا بكل الاجهزه بتاعه طبعا ايجار وصاحب المحل مش هياخد منى ايجار لمده كام شهر لانه قريبى وكدا

ايه رايكم فى المشروع دا يا شباب

ولو فى اى حد عنده معلومات عن المشروع دا اماكن شراء الرز والمكرونه والعدس وخلافه

واشترى كميه قد ايه

وكمان العلب البلاستيك وخلافه

واى افكار علشان اخلى الناس تيجى والمحل يمشى ويبق مربح ان شاء الله

واحتاج كام عامل هل واحد يطبخ ويعبى العلب وواحد يخدم على الناس وواحد كاشير ولا اكتر

ومعدل المرتبات يبق كام

المحل ان شاء الله هيكون فى 6اكتوبر

منتظر رايكم

**kar!m** · 18-07-2010 11:04 AM

اعتقد ان شاء الله هيمشى فى 6 اكتوبر عشان فيها عمال كتير بيشتغلوا عشان مدينة جديده و كده.
نصيحه متفتحش الا لما المحل يتضبط كويس جدا .. و بعدين اعمل دعايه كويسه .. و خلى بالك لو الزبون جه و فى حاجه معجبتوش و بعد كده ضبطت الحاجه دى .. صعب جدا انك تقنعه يرجع تانى .. عشان كده بقولك ضبط كل حاجه قبا الافتتاح.
و ربنا يوفقك ان شاء الله.

**احمد المصرى** · 18-07-2010 11:40 AM

المشاركة الأصلية كتبت بواسطة kshussein

اهم حاجة من وجهة نظرى انك تبص على المكان اللى حوليك هل هو حيوى فية ناس يعنى وتانى حاجة هل فية محل تانى كشرى جنبك وتالت حاجة المكان الناس تعرف تركن فية والمحل كبير علشان يكلوا جوة واخيرا شطرتك فى الصنعة وربنا يوفقك

المحل الحمد لله فى مكان حيوى جدا بس يعيبه انه فى سنتر اغلب ال فى السنتر عمال وكدا دا اكبر عيب فيه

**احمد المصرى** · 18-07-2010 11:41 AM

المشاركة الأصلية كتبت بواسطة kareemz

اعتقد ان شاء الله هيمشى فى 6 اكتوبر عشان فيها عمال كتير بيشتغلوا عشان مدينة جديده و كده.
نصيحه متفتحش الا لما المحل يتضبط كويس جدا .. و بعدين اعمل دعايه كويسه .. و خلى بالك لو الزبون جه و فى حاجه معجبتوش و بعد كده ضبطت الحاجه دى .. صعب جدا انك تقنعه يرجع تانى .. عشان كده بقولك ضبط كل حاجه قبا الافتتاح.
و ربنا يوفقك ان شاء الله.

اهم حاجه الدعايه فعلا والمحل على محور يعتبر رئيسى بس عيبه انه مكنش ليه يافطه كبيره وانا ناوى ان شاء الله اعمل دعايه كبيره ان شاء الله

**احمد المصرى** · 18-07-2010 11:42 AM

طيب محدش يعرف العماله بتاخد كام مرتب ومحتاج كام عامل وكدا والعماله المدربه اجيبها منين وكدا

**احمد المصرى** · 18-07-2010 12:39 PM

المشاركة الأصلية كتبت بواسطة w-m-a

اسف جدا للتدخل لكن من باب انك سألت والامانه تقتضى الرد حرصا على مصلحتك
وربنا يوفقك لما يحب ويرضى ان شاء الله
واضح ان حضرتك معندكش اى فكرة عن تشغيل محل الكشرى
وده شئ صعب جدا ازاى هتدير محل فى صنعه وطعم بدون ما يكون عندك فكره
حاول تتدور على حد عنده فكرة او ده عمله وشاركه
وافكارك الحلوه فى الدعايه وتحسين الخدمه وهو بالخبرة
واهو اديك بتكتسب خبرة وتتعلم وربنا يكرمك وتفتح فروع تانيه
اسف مرة تانيه
ده مجرد راى
وربنا يوفقك لما يحب ويرضى ان شاء الله
صحيح ايه اخبار الحضانه ؟

كلامك صح جدا بس بكل اسف انا نفسى يكون ليا شريك علشان تبق 2 قلبنا على قلب بعض ونفكر مع بعض وكدا بس بكل اسف مش لاقى شريك اثق فيه

بالنسبه للحضانه لقيت ان مشاكلها كتير جدااااااااااا والتراخيص مش بالسهوله ال كنت متوقعها والايجارات هتكون مبالغ فيها جدا دا غير تجهيز الشقه

وكنت بفكر فى صيدليه ولما عملت دراسه عن الصيدليه لقيت ان كل 50 متر صيدليه تقريبا فى اكتوبر حتى بقيت بتريق وبقول لكل عيان صيدليه من كتر الصيدليات فى اكتوبر

**احمد المصرى** · 18-07-2010 01:16 PM

المشاركة الأصلية كتبت بواسطة airforces

اختار اسم يكون رنان للمحل واعمل يافته محترمة كدا اهتم بتصميمها والمينيو كذلك
العمال يبقا لبس موحد ويكون عليه شعار المحل واهتم بالنظافة جدا والأسعار لأنه دا اللى بيعمل سمعه فى الأول
ممكن تبدأ بعدد عمال قليل فى الأول ولما المحل إن شاء الله يكبر تبتدى تزود
انا مش متخصص بس حبيت اساعد بالتوفيق :)

ربنا يكرمك يا رب

انا فعلا بفكر اعمل يافطه محترمه حوالى 4 متر فى 6 متر علشان تبان من على بعد ويكون شكلها محترم وكبير

بالنسبه للعمال انا قلت يكنوا 3 عمال واحد للمطبخ وواحد على الفرشه وواحد فى الصاله دا غير الكاشير

ايه رايكم

ولو حد عنده معلومات اكتر يا شباب او يعرف حد عنده محل كشرى اقدر اقعد مع صاحبه اكون شاكر جداااااااااا

-

-

الموضوع: فكره محل كشرى محتاج رايكم

LinkBack

أدوات الموضوع

عرض

فكره محل كشرى محتاج رايكم - انشر الموضوع فى :

-

-

-

-

-

المواضيع المتشابهه

فكره وعايز رايكم

محدش خبره فى اداره محل كشرى

فكره خطرت علي دماغي و محتاج مشورتكم

فكره مشروع كويسه و محتاج ارائكم

فكره جديده محتاج رأي الخبراء

الكلمات الدلالية لهذا الموضوع

المفضلات

المفضلات

ضوابط المشاركة