طلب مساعده من الرجالة

**ivanol84** · 18-07-2010 12:37 PM

السلام عليكم

رجاله انا ان شاء الله هاعمل صيانه ال 5000 لالافيو وانا عندي فيها عيوب كتير بدون ذكر تفاصيل علشان بطنكوا مش توجعكوا :d المهم انا كنت رحت قبل كدا الكيلو 4 ونص ومش هاروحوا تاني ولو هارجع اركب اتوبيس ورحت مركز خدمة ياسين ناس زي الفل ومحترميين جدا بس لالاسف مش فاهمين حاجه ههههههههه سمعت منكم هنا ان مركز الرحاب او التجمع الخامس افضل

من فضلكوا دلوني اروح انهي مركز الاقي فيه انسان محترم يقولي عيوب العربية ايه ويحللي المشكله بدون اي اشتغالات ترشحوا انهي مركز
وبالله عليكوا عايز العناويين ورقم التليفون ان امكن

ومش نشوفكوا في حاجه وحشه ابدا

**aymanmaly** · 18-07-2010 02:20 PM

لو كانت العيوب ميكانيكا او كهرباء فارشحلك فرع القاهرة الجديدة (دة تبع منصور نسة مش توكيل صيانة)
لو العيوب فى البودى يعنى محتاجة سمكرة و دهان او سروجى يبقى عليك و على فرع الهرم( استحمل)
ارقام التليفون هو نفس الرقم المختصر لمنصور
16424
علشان تحجز ميعا الصيانة
مدير المركز مهندس محمود دة محترم اتعامل معاة بدون عصبية و طول بالك
و اتمنى من ربنا تكون عيوب بسيطة و دة عادى مع عربية جديدة امال هم عاملين الضمان لية
و الف مبروك الصيانة و عقبال صيانة ال500000
بس ياريت ماتبخلش عى المنتدى بتجربتك مع اول صيانة و تقيمك للمركز الى هاتخذ قرار تروحة

**ahmedfra** · 18-07-2010 02:21 PM

ابعد عن فرع الطيران كمان . شوية بهايم و نصابين . و بما انك عندك مشاكل كتير حتحس انك بتكلم ناس بقروون . و حيقلولك روح فرع الكيلو 4.5 . انا لو حبيع العربية مش رايح الفرع ده تانى .

**ivanol84** · 18-07-2010 03:02 PM

المشاركة الأصلية كتبت بواسطة aymanmaly

لو كانت العيوب ميكانيكا او كهرباء فارشحلك فرع القاهرة الجديدة (دة تبع منصور نسة مش توكيل صيانة)
لو العيوب فى البودى يعنى محتاجة سمكرة و دهان او سروجى يبقى عليك و على فرع الهرم( استحمل)
ارقام التليفون هو نفس الرقم المختصر لمنصور
16424
علشان تحجز ميعا الصيانة
مدير المركز مهندس محمود دة محترم اتعامل معاة بدون عصبية و طول بالك
و اتمنى من ربنا تكون عيوب بسيطة و دة عادى مع عربية جديدة امال هم عاملين الضمان لية
و الف مبروك الصيانة و عقبال صيانة ال500000
بس ياريت ماتبخلش عى المنتدى بتجربتك مع اول صيانة و تقيمك للمركز الى هاتخذ قرار تروحة

الاو الف شكر علي درك الجميل يا معلم
العيوب كالاتي
1-حدفه شمال رحت فرع ياسين ادهالي بتحدف يمين ههههههههههه رحت 4 ونص ادهالي بتحدف شمال تاني كتر خيرهم + طبعا حرقة الدم
2-صوت كركرة تقريبا من الشكمان
3-صوت الفرامل عالي كاني بمثل فيلم اكشن
باختصار انا عايز انسان محترم يقولي العربية عيبها ايه لان خبرتي بالعربيات صفر لاني مهندس مدني اصلي بتاع طوب وحديد
علي العموم انا هاروح ان شاء الله فرع القاهرة الجديدة وربنا ييسر الخير

**ivanol84** · 18-07-2010 03:04 PM

اه صحيح نسيت حاجه صغيرة كدا كان فيه صوت تكه من ورا كشفت عليها عند واحد صاحبي قالي المساعد الشمال عايز يتغير اللي ورا :d

**aymanmaly** · 18-07-2010 06:11 PM

المشاركة الأصلية كتبت بواسطة ivanol84

اه صحيح نسيت حاجه صغيرة كدا كان فيه صوت تكه من ورا كشفت عليها عند واحد صاحبي قالي المساعد الشمال عايز يتغير اللي ورا :d

'

خلاص كدة تروح التجمع تقابل المهندس محمود
و قول لة انا غلبت مع العربية و نصحونى انى اجيلك علشان انت محترم
الكلمتين دول هايخلوة مبسوط و بالتالى يبسطك و هو هيقول لك كل حاجة
بس قول لة على ياسين بس ماتقولش على فرع الهرم لانة لو عرف ان فرع الهرم تدخل هايخاف يعمل حاجة علشان ميبقاش عدل على فرع الهرم
واظن المشاكل الى عندك اغلبها زواية و هو ماعندوش ضبط زواية فى التجمع و حتى الهرم مبيعرفوش يضبطوها
فلو القصة زواية يقى معلش اضبطها فى بريجستون فى بنزينة كالتيس فى مدينة نصر تقاطع عباس العقاد مع شارع الطيران انا مجربهم و هم كويسين
و بالتوفيق انا مستنى تقول عملت اية و بعد دة نشوف

**anonasad** · 18-07-2010 11:54 PM

فين بالضبط في التجمع ...

**fawzyyyy** · 19-07-2010 12:38 AM

المشاركة الأصلية كتبت بواسطة anonasad

فين بالضبط في التجمع ...

شارع التسعين عند البنزينة اللي فيها ماكدونالدز ....اللي قبل مستشفي الدفاع الجوي

**anonasad** · 19-07-2010 01:21 AM

وكيل مععتمد ولا فرع منصور عشان عندي مشكلة في غطا التاكيهات بيجيب زيت والعربية في الضمان ... وهل بيخلو العربيات تبات عندهم ولا بنروح في نفس اليوم وشكرا ...

**aymanmaly** · 19-07-2010 01:52 AM

المشاركة الأصلية كتبت بواسطة anonasad

وكيل مععتمد ولا فرع منصور عشان عندي مشكلة في غطا التاكيهات بيجيب زيت والعربية في الضمان ... وهل بيخلو العربيات تبات عندهم ولا بنروح في نفس اليوم وشكرا ...

هم فرع لمنصور
متهيئلى جوان غطاء التكيهات برة الضمان بس ياريت تتأكد من الشركة
مافيش بيات للعربيات و موضوع الجوان د مابيخدش اكثر من 30 دقيقة كحد اقصى
و بالتوفيق