الموضوع: الرجالة راحوا فين

المشاركة الأصلية كتبت بواسطة kamalsalem

الرجاله راحو فين ؟؟

راحوا فى الحرب


..

المشاركة الأصلية كتبت بواسطة نور القمر

مين امينة دي !! يعني واحدة بتغني معروفة في التليفيزيون
بس تصدق وتآمن بالله انا حسيت باحساسك وحاسة بحالة قرف من الوصف فما بالك اللي شاف وسمع بنفسه
هي الدنيا جرالها ايه!!!!!!!!!

امينة دي اللي طلعت اول ما طلعت مع سعد الصغير اللي بيدوق انتقام ربنا دلوقتي الوان.. وغنت معاه الحنطور... وعلى فكرة فرقة سعد الصغير نفس المنظر بالظبط

حضرتك بتسأل ليه شاب يشتغل كده ؟ عشان اهله ماربوهوش انه يبقى راجل
وارفع القبعه لكل من خرج من قاعة الفرح اعتراضا ... وده يديك صوره عن سبب وجود واستمرار الناس الزباله دي وهو ان الناس بتقبل عليها وتدفعلها الاف وتجيبها افراحها .. لو كل واحد اعترض وقاطع الناس دي او حتى الوجود في القاعه في وجود الناس دي الناس دي حتختفي .. يعني احنا في ايدينا حل
اخيرا متخيلك كده في القاعه بعد اللي قولته للولد ده ... وانتا بعد ماهزقته بتاخد بق من بيريل ... استرجل واشرب بيريل
دمت بصحه

المشاركة الأصلية كتبت بواسطة dr-mohamed

اهدوا بس يا جماعة الله يهديكم
طبعا انا مش عاجبني المنظر اللى حضرتك حكيت عنه
لكن ايه اللى يخلي شباب زي دول يعلم كدة اقول لحضرتك
لما يبقوا يلاقوا شغل تاني يعيشوا بيه ويأكلوا اهلهم او عيالهم انا متاكد انهم هايسيبوا القرف ده
ولو كان الواحد منهم بيضحك وبيهزر وبيحاول يضحك الناس فهو لا يزيد عن اراجوز في سيرك بيحاول يرضي الزباين مش اكتر علشان يفضل شغال
انا عرفت في وقت من الاوقات واحد من اللى بيمسكوا الميكروفون في الافراح ويفضل يقول نجم مصر وراقصة امبابة الاولي والكلام ده واتكلمت معاه قالي والله لو لقيت شغلانة تانية لاسيب الشغلانة دي في نفس الليلة بس هات لي شغل وايدي على ايدك وفعلا اول ما ربنا رزقه بعقد عمل في الجزائر سافر على طول وطلق الشغلانة دي للابد

تتفتح ابواب الرزق للناس وبعد كدة اللى يشتغل شغلانة زي دي نعاتبه ونوصفه بانعدام الرجولة
انما واحد بيشتغل شغلانة زي دي علشان ياكل اهله مقدرش اقوله سيبها وسيب اهلك يموتوا
الله يلعن اللى قفل ابواب الرزق في وجه الشباب وخلاهم يقبلوا الاعمال دي ويفضلوا الغرق في الهجرة لاوربا عن البقاء في دولة لم يعد فيها مجال الا للصوص وسارقي المال العام

كلامك انا معترف تماماً انه منطقي 100000% وفي ناس كتير بتقول زيك بالظبط بس هسألك سؤال.. هو الرزق بتاع مين؟ واللي حلف على نفسه انه هيرزقنا هو برضو اللي قال على لسان نبيه اللي لا ينطق عن الهوى "ومن يستغن يغنه الله"... اللي بيغني ف فرح وماسك مكرفون اكرم عندي من اللي يهز وسطه للناس... والله الغنى والفقر على الله... بس منعملش حاجة تغضب ربنا

لو بس الناس دي تتعلم تستغفر وتسعى في الحلال... استغفروا ربكم انه كان غفاراً... حاجة بسيطة جداً.. بس شوف النتيجة... يرسل السماء عليكم مدراراً... رزق ومطر وفير... مش بس كده... ويمددكم بأموال وبنين ويجعل لكم جنات ويجعل لكم انهاراً... عزب وأطيان يعني.. يبقى رزق ربنا اللي كتبهولنا واحنا لسة أجنة؟ ولا رزق امينة وهز الوسط؟