السيلفي و ال Crosswind

**doctor_eid** · 18-07-2010 09:13 PM

السلام عليكم
انا كان عندي مشوار العريش
و االي جرب الطريق ده يعرف ان بعد الكوبري السلام ممكن تجري على قد ما عربيتك تسمح
فكنت ماشي بين 140 و 160 و ده مش المشي المعتاد بتاعي.
اللي فرق المرة دي اني كنت مزود الهواء في الإطارات قبل ما ابتدي المشوار
انا مشيت كتير بالسيلفي على نفس السرعات بدون مشاكل تذكر
و لكن المرة دي الولد بتاع الكاوتش قاللي ده الضغط في العشرينات كله
ولمكتوب في العربية انك تعمل قدام 32 و ورا 30
فانا عملت كده
المهم كان احساسي ان الرياح العرضية و خصوصا لو معدي من عربية نقل او اوتوبيس بتحدف العربية زيادة شوية فوق سرعة 140. بس مش لدرجة التعويم يعني - تقدر برضه تلم نفسك.
هل الناس اللي راكبين تيدا عندهم نفس الإحساس و انا باسأل التيداوية لأنها اقرب حاجة للسيلفي.
انا ما باسألش عن الصني لأنها اثبت شوية لأنها منخفضة شوية و انا عارف كده
و هل الحل ان الواحد لو بيحب يجري شوية يريح ضغط الإطارات شنة يعني مثلا 28-29
علما بأن ده يزود استهلاك الوقود و الإطارات
و لا رأيكم ايه
مع تحياتي
د.عيد

**Ahmed.TV** · 18-07-2010 09:34 PM

هو فعلا يا دكتور العربية عندى بتحدف بعد ال160 فقط
اذا عديت من جنب عربية كبيرة نقل او اتوبيس
بس زى ما حضرتك قولت , حدفة خفيفة جدا مش تعويمة

فا افضل حاجة متجريش اوى خاليك لغاية 140 وده كتير بردوا عشان مفاجاءات الطريق وسلامتك

ومستنين منك تقرير عن البلوبيرد يكون مفصص وقوى جداااااا

**Bishoy.Girgis** · 19-07-2010 12:36 AM

يا دكتور عيد امشي بطئ توصل اسرع و احنا بنحبك و بنخاف عليك

**doctor_eid** · 19-07-2010 08:41 PM

المشاركة الأصلية كتبت بواسطة karaktar

مفروض وده فى اعتقادى ان فى السفر بالذات هواء الكاوتش لازم يتظبط على حسب الحمولة فى العربية
لو مثلاً حضرتك مسافر لوحدك لازم تقلل نسبة الهواء فى العجل عشان موضوع الثبات
ولو العربية فيها حمولة مثلاً 5 افراد بشنطهم بالتأكيد هاتعمل العجل على الوضع الطبيعى لإن الحمولة دى كلها هاتضغط على العجل نفسة . والعفشة هاتكون مريحه شوية على الارض
التيدا لأنها مقببه من فوق وعاليه عن الارض وصاجها خفيف من الطبيعى انها تعوم مع الرياح العرضيه القوية بس مش تعويم جامد إذا كنت بتجرى بيها بعد 120 او 140 ك

انا معاك و ده كان السبب اني وقفت زودت العجل اساسا لأني حسيت ان العربية واطية شوية لأنها محملة الأسرة كلها و كمان شوية شنط.

المشاركة الأصلية كتبت بواسطة largeman

يا دكتور عيد امشي بطئ توصل اسرع و احنا بنحبك و بنخاف عليك

اشكرك يا بيشو بس الحقيقة الطريق ده يخليك تجري من غير ماتحس.

مع تحياتي
د. عيد

**د.أحمد السعيد** · 19-07-2010 10:33 PM

المشاركة الأصلية كتبت بواسطة doctor_eid

انا معاك و ده كان السبب اني وقفت زودت العجل اساسا لأني حسيت ان العربية واطية شوية لأنها محملة الأسرة كلها و كمان شوية شنط.

د. عيد

دكتورنا العزيز ..تزويد الهوا فى العجل المفروض و الكاوتش بارد يعنى اول ما تطلع على الطريق علشان بعد ما تمشى شويه و احتكاك التيل بالطنابير و الكاوتش بالطريق الهوا بيتمدد و بيلخبط الضغط خالص

فنصيحه اضبط الهوا عند اول بتاع كاوتش يقابلك زى ما هو مكتوب للسياره و جرب و ادعيلى و ممكن تحط نيتروجين بدل الهوا ( و فى الحاله دى الراجل بيرفع العجله بكريك و يفضى كله و يملى نيتروجين سواء الكاوتش سخن او لا لان الهوا السخن بيتفضى)

و عن تجربتى الشخصيه النيتروجين ممتاز
و ربنا يسترلك طريقك

**doctor_eid** · 19-07-2010 10:46 PM

المشاركة الأصلية كتبت بواسطة ahmediak

دكتورنا العزيز ..تزويد الهوا فى العجل المفروض و الكاوتش بارد يعنى اول ما تطلع على الطريق علشان بعد ما تمشى شويه و احتكاك التيل بالطنابير و الكاوتش بالطريق الهوا بيتمدد و بيلخبط الضغط خالص

فنصيحه اضبط الهوا عند اول بتاع كاوتش يقابلك زى ما هو مكتوب للسياره و جرب و ادعيلى و ممكن تحط نيتروجين بدل الهوا ( و فى الحاله دى الراجل بيرفع العجله بكريك و يفضى كله و يملى نيتروجين سواء الكاوتش سخن او لا لان الهوا السخن بيتفضى)

و عن تجربتى الشخصيه النيتروجين ممتاز
و ربنا يسترلك طريقك

الف شكر عالنصيحة يا دكتور احمد و ربنا يستر طريقنا و طريقك

د.عيد