الموضوع: لخبراء الكاميرات Panasonic Lumix DMC-TZ10 (vs) Samsung WB650

المشاركة الأصلية كتبت بواسطة Dr.Karim Emam

بص هو بالنسبة لموضوع صيني و كوري ده ماتقلقش منه قوي

و أعتقد هتكون برده صيني عشان انا لسه جايب كاميرا نيكون من امريكا و طلعت برده صيني (مع اني قلت هتبقى امريكاني بقى و دلع)
بس بصراحه طلعت كويسه جدا

الفكره انها تقفيل صيني بس المكونات ياباني عشان العمالة طبعا في الصين رخيصة جدا بس الخامات نضيفة

انا بصراحة ماجريتش لا الباناسونيك ولا السامسونج بس هما طبعا ماركتين محترمتين جدا

شكرا لحضرتك ولنقل تجربتك :)

المشاركة الأصلية كتبت بواسطة blazer

انا افضل كاميرا جربتها على الاطلاق
كانت canon
فى رئى اقوى شركه فى صناعه الكاميرات الان على الساحه
كواليتى عالى و خفيفه الوزن و تكونولوجيا حديثه جدا

أنا معاك ان الكانون تعتبر من ملوك الكاميرات بس بقى فى منافسين ميستهنش بيهم :)

المشاركة الأصلية كتبت بواسطة د.محمود صلاح

الكاسيو هاي سبيييد سابقة سنها بكتييييير وبعد عناء البحث في جميع الموديلات مع احترامي لها .. بتؤدي عمل كاميرات تصوير لقطات اهداف الكرة ذات السرعة الشديدة high speed shutter
بتصور فيديو بسرعة 1200 لقطة في الثانية
وبتصور بهاي سبييد شتر 40 لقطة في الثانية للصور الثابتة
وفيها حساس coms شديد الدقة وزوم 10 وهي 14 ميجا بكسل
بتاخد 3 لقطات في التصوير الليلي بإعدادات مختلفة وبتدمجهم مع بعض في صورة واحدة
ال iso بتاعها لحد 3200
وبتاخد 1000 لقطة في الشحنة الواحدة ودي ميزة لن تجدها في كاميرا اخري

وسعرها معدي ( حوالي 180 ريال عماني )

وصناعة صيني

اسمها exilim FH100
والعادية بدون سرعة تصوير عالية وبها العديد من الإمكانات
اسمها
exilim H15

EXILIM | CASIO DIGITAL CAMERAS | CASIO

دكتور صلاح بنفسه :))) يا أهلا وسهلا بدكتورنا الكبير :)

ماشاء الله معلوماتك هايلة يادكتور

وفعلا الكاسيو من مواصفاتها قوية جداا

وكمان موقع dpreview مرشحها ومتصدرة هيا والسامسونج لو تلاحظ فوق فى أخر لينك

بس أعتقد الكاسيو نادرة الوجود فى مصر وأكيد صعب ألاقيها ولذالك فكرت فى السامسونج والباناسونيك وأعتقد جميع مميزات الكاسيو اللى حضرتك ذكرتها موجودة فى السامسونج والباناسونيك عشان هما فئة واحدة

ومتشكر جداا يا دكتور محمود :))