الموضوع: الصوت المحيطي

أنا قصدي Surround Sound مش Stereo sound

يعني زي كروت الصوت الجديدة في الكمبيوتر

يعني زي كروت الصوت الجديدة في الكمبيوتر sound 3d

لا طبعا مفيش

انت كدة جيت في صميم شغلى

بص يا سيدي

لصوت المحيطي 7.1 او ال 5.1 هو خاص بالسينما المنزلية و يعتمد على نظام صوتي دولبي ديجيتالDolby Digital / DTSو لا يمكن استخراج هذا الصوت من شريط كاسيت و لا سي دي CDو لا ام بي ثريmp3 و انما مصدرة هو الدي في دي DVD او الساتيلايت و يستخدم كمؤثرات صوتية مصاحبة لافلام الاكشن
يعني انك موزع 5 سماعات و صب او 7 سماعات و صب في الغرفة و الصوت بييجي مختلف من كل سماعه فيهم لو فية لقطات اكشن تسمع الصوت من كل اتجاة باصوات مختلفة
يعني لو فية هليكوبتر بتلف قدامك عالشاشة تلاقي صوت الهليكوبتر بيتنقل من سماعه لسماعه مع الحركة عالشاشة و تحس كان الهليكوبتر دي لفت حواليك فعلا و انت قاعد
زي السينمات الحديثة كدة
و الصوت دة ينتقل من الدي في ديDVD او الستالايت لجهاز الهوم سينماHome Cinema (هوم ثياترHome Theater ) من خلال كابل فايبر اوبتكFiber Optic او كابل كواكسلCoaxial ثم يتم خروج 6 او 8 اسلاك من رسيفر الصوت و توزع على السماعات , و زي ما الاخوة قالوا برضة في كروت الصوت للكمبيوتر الجديدة برضة ممكن بعض الموديلات ال 5.1 او ال 7.1

5.1System
خمس سماعات و صب (امامية يمني -امامية يسرى - سماعه سنتر - خلفية يمنى - خلفية يسرى - صب ووفر)

7.1System
سبعه سماعات و صب (امامية يمني -امامية يسرى - سماعه سنتر -جانبية يمنى - جانبية يسرى - خلفية يمنى - خلفية يسرى - صب ووفر)

و بالتالي لا يوجد منة الا في السيارات الفارهه جدا من البي ام الفئة السابعه مثلا او المرسيدس الحديثة او اللكزس مثلا

و هو غير مفيد بكامل امكانياتة في السيارات لان افضل صوت ممكن تحصل علية من اسطوانة CD او mp3 هو ال Prologic (Quadra Sound ) or Prologic II اي 4 قنوات سمعية للصوت المجسم 4.1 ولكن لن يوجد مصدر صوتي لاغاني يعطي 5.1 بسهولة و ان كان بدأ يتواجد في اوروبا بعض اسطوانات الدي في ديDVD لتشغيل الاغاني في السيارات بالانظمة دي من خلال السيارات الفارهه دي بنظامي 5.1 او ال 7.1 لكنها غير منتشرة بتاتا و غير مفيدة و لن تخرج امكانيات النظام كما في افلام الاكشن مثلا

تمام يا ادهم باشا انا كنت نفسي اقول كدا وقلت اكتب ازاي ده كله
تسلم ايدك