الموضوع: سؤال محيرنى

مساء الفل على احلى منتدى

عندى سؤال بسيط ومحير فى نفس الوقت

انا عربيتى اسبرانزا 516 a تاكسى بنزين+ غاز
يتم تغيير الزيت + الفلتر كل 10000 كيلو موبيل وان فى التوكيل
ومعروف عن الزيت ده انه تخليقى وما يكونش كربون
وفى نفس الوقت انا تقريبا كل شغلى على الغاز علشان التوفير والاقساط
ومعروف ان الغاز حامى على الموتور ولازم يكون فيه طبقة كربون علشان تحميه
اعمل ايه؟
هل الكلام ده مظبوط ولا كلام سواقين
انا بشوف السواقين بتغير مره فى التوكيل موبيل وان علشان الضمان ويمشى عليه 5000 كيلوا
وبعدين يغير الزيت فى بنزيمة كار جاز فيسكو 2000 وده زيت معدنى علشان بعمل طبقة كربون
وبمشى عليه 5000 التانيه وبعدين يروح التوكيل وهكذا
هل الكلام ده مظبوط انه يكون فيه الحمايه الكافيه
ارجو الرد هل اخلينى فى الزيت التخليقى فقط وهو يحمى الموتور
ولا اغير مره تخليقى ومره معدنى

هل فى اراء اخرى
متااااااااااااااااااابع