استفسار بخصوص مواصفات رينو ميجان iii

**zsecsqxsw** · 20-07-2010 12:24 PM

السلام عليكم ورحمة الله وبركاته

كنت حابب اعرف مواصفات الرينو ميجان iii اعلى فئة اللى هي تقريبا ب 147000

لانى متردد بينها وبين الرينو فلوينس اعلى فئة برده

فاذا مكنش في تعب

لو امكن برده مواصفات الرينو الفلوينس اعلى فئة

وانا كنت شفت فيديوهات للرينو الميجان ... العداد بتاع السرعة ديجيتال فهل ده موجود في مصر ؟

يا رب مكنشي تقلت عليكم ... بس انا بره مصر وانتوا تقريبا اكتر ناس هيكون عندكم خلفياتعن الحجات دي

ولكم منى جزيل الشكر

**zsecsqxsw** · 20-07-2010 04:38 PM

هو الموضوع صعب قوي كده ؟

**Mustafa_Farouk** · 20-07-2010 04:57 PM

السلام عليكم،

أكيد إن شاء الله حيرد عليك واحد من الوحوش بس أكيد بيتم تجميع المعلومات مش أكتر، دي مجرد مسألة وقت.

**Gabrial** · 20-07-2010 05:16 PM

اتفضل يا باشا ،العدادات في الميجان اللي في مصر عادية مش ديجيتال.

**zsecsqxsw** · 20-07-2010 06:01 PM

معنى كده انه الميجان الهاي لاين فيها 2 ايرباج بس ومفيهاش كمان زينون ؟

والفلوينس فيها 4 ايرباج او 6 تقريبا

وفيها زينون

طيب و الاحسن في الاثنين دول ايه

ولا اسيب الرينو يعني مثلا عربيات تقليدية في نفس الفئة السعرية

معلش انا طولت عليكم انا اسف جدا

**Gabrial** · 20-07-2010 06:18 PM

المشاركة الأصلية كتبت بواسطة zsecsqxsw

معنى كده انه الميجان الهاي لاين فيها 2 ايرباج بس ومفيهاش كمان زينون ؟

والفلوينس فيها 4 ايرباج او 6 تقريبا

وفيها زينون

طيب و الاحسن في الاثنين دول ايه

ولا اسيب الرينو يعني مثلا عربيات تقليدية في نفس الفئة السعرية

معلش انا طولت عليكم انا اسف جدا

تمام كدة أعلى فئة في الميجان فيها ٢ airbag و مفهاش زينون،الفلونس فيها ٦ airbag و زينون و فرش جلد كمان ،أنهي أحسن ده حاجة ترجع لحضرتك ،حضرتك عايز هاتشباك ولا سيدان ،أنهي شكلها أفضل بالنسبة لك ،انما الاساسيات تقريباً واحدة، هي أعلى فئة في الفلونس ممتازة طبعاً و سعرها ١٦١ ألف ،حضرتك في حاجة تانية بتفكر فيها ؟

**zsecsqxsw** · 20-07-2010 06:21 PM

يعني كنت بفكر في التويوتا الهاي لاين . . بس حاجة تقليدي وعلى حسب الناس والاراء مملة

وفيه الشارك بس مكينتها ضعيفة قوي ومفيش فيها اوبشنز ذي الباقي

وفي كمان المازدا 3 الهاي لاين وانا معرفشي حاجة عن الاوبشنز بتاعها طبعا الشكل الجديد 2011 تقريبا

وايه اخبار السيفيك الهاي لاين ؟
والفوكس الهاي لاين . . ؟
انا متعبك معايا معلش
صراحتا انا عايز حاجة شبابية

**Gabrial** · 20-07-2010 06:33 PM

تحت أمرك يا باشا ،بلاش الشارك عشان مشاكل التوكيل بتاعة مع الشركة الام ،التويوتا تقريباً بنفس سعر الفلونس بس في وجهة نظري خليك في الفلونس أحلى و توكيل ممتاز و شكل جديد ،أصل الكورلا كلاسيكي أوي ،الفلونس فخمة أوي على الطبيعة،الفوكس شكلها خلاص قرب يتغير لو مش فرق معك نحطها في الحسبان بس حرام تجبها و تلاقي الشكل الجديد نزل .
الهوندا highline بتاعها سعره عالي أوي ١٩٠ ألف جنيه ،المازدا highline دلوقتي ١٥٣ ألف و بقت تبع غبور و شكلها جامد و شبابي بس قطع غيارها نار.

**zsecsqxsw** · 20-07-2010 06:42 PM

يعني كده احط المقارنة بين

الفلوينس و المازدا 3 الشكل الجديد و الفوكس ( بس شكل الفوكس الجديد هينزل امتى )

طبعا كلهم هاي لاين

والله انا محتار جدا طيب مين في دول مواصفاته اعلى وراحة وهدوء في المركبة ونعومة

وبرستج شبابي في نفس الوقت

وهو الفورد الفوكاس الهاي لاين الاوبشنز فيه يعني تقدر تقول كده كتييييييير ولا ايه ؟

هي دي الفورد الفوكاس الشكل الجديد
http://www.youtube.com/watch?v=GiT__E_866k

**Gabrial** · 20-07-2010 06:52 PM

الفوكس نزلة ٢٠١١ إن شاء الله ،شوف كدة الرابط دة
OFFICIAL: This Is The New Ford Focus 2011 – It’s Coming At The Detroit Auto Show 2010 – Mibz.com
هي المازدا شبابي أكتر من الفلونس ،المواصفات بتاعة المازدا HIGHLINE
موتورها 1600 و 105 حصان و بيجيب ال100 فى 12.2 ثانية.
Step-tronic
auto rain sensor
ٍSun roof
rear led light
xenon lights
cruise control
2 airbags
abs
radio-cd-mp3-bluetooth
Multi Information Display (عرض البيانات)
جنوط 16
تكييف بكر
أنذار
leather multifunction steering wheel