الموضوع: الحمد لله اشتريت الرينو سينيك

السلام عليكم يا شباب،
من فترة كبيرة كنت أخدت رأيكم في شراء عربية رينو سينيك مستعملة من صديق لي والحمد لله بعد صلاة الاستخارة واستشارة الوحوش والكشف على العربية ومن قبل ده كله الثقة في صديقي توكلت على الله واشتريت العربية
الحاجة الوحيدة اللي مضايقاني هي أني حرمت صاحبي من عربية كانت غالية عليه وحسيت أنه مفتقدها رغم أنه شاب والعربية الشبابية مش هوايته
الحمد لله العربية حالتها كويسة رغم أنها 2001 وقفلت الـ210 ألف كيلو لكن حالة الموتور رائعة لأنها عاملة كيلوهات كتير بسبب السفر شبه الدائم بين الغردقة والقاهرة شبه أسبوعيا
استهلاك العربية للبنزين كويس جدا الحمد لله
بكرة بإذن الله نازل التوكيل أعمل صيانة
الحاجات اللي قال لي صديقي أني محتاج أعمل لها صيانة هي
تغيير سير الكاتينة
تغيير جوان أويل سيل
طقم بوجيهات
زيت وفلتر زيت
سألته عن الفرامل والمساعدين والسيور والفلاتر قال لي الفلاتر غيرتها من ألفين كيلو ففمن تغيرها على 220 والمساعدين لسه قدامها 20 ألف والفرامل قدامها 10
لو بس ينفع إفادة ايه هي الحاجات اللي محتاج أخلي بالي منها، أيه اللي أعمله في الصيانة دي وفيما بعد بصفة دورية
أنا حابب أني أبدأ مع العربية وكأنها زيرو بالظبط ومش طالبة استخسار الحمد لله
مستني ردكم يا شباب