رخصتى اتسحبت بسبب الفامية

**ainshouka** · 21-07-2010 02:18 PM

المشاركة الأصلية كتبت بواسطة memo_p910

لأ شاطر وبكده انت عودته وساعدته على الفساد وبالتالي هايبدأ يعمل كده مع الناس كلها وهايتلكك على اي حاجه عشان الفلوس اللي انت عملته ده قلة وعي ودين وثقافه وماتزعلش من كلامي بس للأسف احنا اللي بنعمل في نفسنا كده

طيب مش من حقي إني أعمل العربية فاميه في الحر اللي احنا فيه دا ولا اسوق تحت الشمس في عز الحر لغاية ميجيلي سرطان في الجلد مثلا
وبرة مسموح بيه عادي
ولو قلنا بلاش نحط اغمق درجة عشان العربية لا تستعمل في أعمال منافية للآداب بالرغم من إن عندنا كباريهات علني ومصرحة كمان
إلا إن برضه صاحب الموضوع رخصته أتسحبت برغم إنه حاطه أقل درجة
يبقي أكيد الرشوة هنا مش زي الرشوة في إني آخد حق مش حقي ولكن الفاميه أظن إنه من حقي

**levelpower** · 21-07-2010 02:56 PM

انا رخصى اتسحبت مرتين قبل كده من فترة كبيرة و مرة سبت الظابط من غير ماخد وصل و رجعت تانى خدت الرخصة و المرة التانيه خدت الوصل و روحت فحصت و الفامية موجود زى مهو مشلتوش

**agwaa** · 21-07-2010 03:36 PM

هي إشارة المحكمة الدستورية بغباوتها وشكلها العكر ( على رأي الفنان محمد القصبجي الله يرحمه ) ...
بدأت ترخم في الفترة الأخيرة وكل فترة بأسمع عنها شكوى
أنا شخصياً كل ما أقرب منها أدعي ربنا إنها ما تقفلش عليا
قبل كدة كانت إشارة مديرية أمن الجيزة كل ما تقفل يقوم الظابط ماسك الصف إللي في الأول وهاتك يا غلاسة على خلق الله
دلوقتي إتنقلت العدوي إلى إشارة المحكمة الدستورية
عموماً خللي بالكم وربنا يستر