......بسم اله الرحمن الرحيم ......

مش عارف اكتب فى الموضوع ايه ... بس انا قبل اخويا (مؤمن )موضوع ( لاو الف لل بنزين ال 80 ) ... واغلب الردود جاءت بالسلب وان العربية هى اللى فيها حاجة ...

الموقف الاول ....

الحكاية بدأت لما كانت العربية لسه جديدة ومكملتش ال 11 الف .. وكنا مسافرين بيها راس سدر فى سينا .. وفى طريق الرجوع ... العربية وقفت .. ولما تيجى تدور متلاقيش صوت موتور الطرمبة .. المهم فكيت الطرمبة وحاولت انها تشتغل حتى على البطارية مش راضية .. قولت دى بقى عيب موتور ...

سافرت فى اول ميكروباص والعربية كانت مع مؤمن ... ورحت جبت العربية التانية واشتريت طرمية البوش الالمانى ب 250 جنيه .. ورجعت بالعربية التانية ... المهم حاولت انى افك الطرمبة من بعضها معرفتش رحت وصلت لغاية رأس سدر عند واحد ميكانيكى هناك وطبعا بكل عنف حط مفكين فى الجنب وشرخ العلبة الخارجية ... المهم طلع وركب الجديدة ...

ورجعت ركب الطرمبة ولقيت العربية أشتغلت والحد لله مشينا وروحنا البيت ... المهم وقفنا على الطريق من 10 الصبح لغاية 5 العصر ....


الموقف التانى .....
العربيةعاملة 23 الف كيلو ...

مؤمن وبابا كانوا طالعين القاهرة يشتروا شوية حاجات وراحيين اوراسكم فى 6 اكتوبر .... المهم العربية بدأت تقطع ... قالوا يمكن البنزين مش نظيف .... المهم العربية وصلت لغاية السويس الحمد لله وده الاهم وكانوا حاطيين ايديهم على قلبهم ... بابا بعدها على طول راح المستشفى (دكتور وليس مريض ) ... وركن مؤمن العربية تحت المستشفى ... نزل عشان يدور مفيش طرمبة ... يحاول يضرب عليها مفيش امل ...

مؤمن وبابا راحوا اشتروا موتور جديد وركبوه ... المهم العربية مشيت ... ومن ساعتها بابا قال اشترى طرمبة كاملة احطياطى زى الاستبن .... المهم اشتريها من اسماعلية نظيفة جدا وقيسنا الضغط بتاعا وكان جميل ... وحطيناها فى العربية .... جنب الاستبن ...


الموقف التالت ...
العربية لم تكمل 30 ألف ....

الموقف حاصل دلوقتى حالا ... يعنى انا بكتب الموضوع ومؤمن واقف على الطريق بيغير الطرمبة ...
العربية لم تكمل ال 30 الف كيلو واخويا مكانش متوقع ابدا انها تحصل بالسرعة دى ... قدر الله ماشاء فعل ...
الحمدلله انى كنت أشتريت طرمبة كاملة احطياطى .... ودلوقتى مؤمن هغيرها وهو معايا على التليفون ... ربنا يسهل وتستمر معانا شوية ...

انا كتبت الموضوع ده عشان دمى محروق من العربية وعشان اقول لكل واحد معاه لانوس ... يحط معاه طرمبة كاملة معاه احطياطى ...

الحمد لله على كل شئ ... وربنا يستر طرقنا كلنا ...