للمرة الثالثة ... والعربية لم تكمل 30 الف ...

**walidabdelaziz** · 26-07-2010 08:41 PM

المشاركة الأصلية كتبت بواسطة kisho55555

اه بشوفه كتير ده ...

حاضر هنزل اغيره ... وربنا يكرمنا ويكرمكم على قد ما تعبتكم معايا

على فكره يا هندسه انا حطت فى دماغى دايما بصفة عامة ان الطلمبه الكهرباء بتبوظ نتيجة 3 مسارات بسيطة
1 ماشى بالتنك وهو فاضى حتى ولو كان الربع,....... لان الطلمبة بتسخن وبالتالى تدريجيا تنخفض كفاءتها
2 عدم تغذية كافية للتنك............. بمعنى يكون فى انسداد مسار تغذية البنزين مما يؤدى الى هلاكها
3 الكهربا.....خلى كهربائى يكشف لك على الكهربا اللى داخل للطلمبة....(انا عايز اعرف هى الطلمبة تقطع خالص ولا تضعف)

**hon** · 27-07-2010 03:43 AM

السلام عليكم
مين قال ان البنزين مابيقصرش على الطرمبة؟
طبعا بيأثر وكل انواع البنزين فى مصر فيها نسبة شوائب عالية جدا
شوف حضرتك التانك بيبقا عامل ازاى من جوة أكيد دا بيأثر على ماتور الطرمبة وشفطة للبنزين
حتى المواسير بتتسد
يجب استعمال منظف دورة كاملة بأنتظام كل 6 شهور على الأقل أو 10000 كيلو لتزلليل الشوائب
والله أنا بغير فلتر البنزين على 10000 وبحط 92 وبينزل بنزين أسود الله المستعان

**sala7** · 27-07-2010 11:17 AM

المشاركة الأصلية كتبت بواسطة hon

السلام عليكم
مين قال ان البنزين مابيقصرش على الطرمبة؟
طبعا بيأثر وكل انواع البنزين فى مصر فيها نسبة شوائب عالية جدا
شوف حضرتك التانك بيبقا عامل ازاى من جوة أكيد دا بيأثر على ماتور الطرمبة وشفطة للبنزين
حتى المواسير بتتسد
يجب استعمال منظف دورة كاملة بأنتظام كل 6 شهور على الأقل أو 10000 كيلو لتزلليل الشوائب
والله أنا بغير فلتر البنزين على 10000 وبحط 92 وبينزل بنزين أسود الله المستعان

البنزين مالوش علاقة بالطلمبة لان الطلمبة ابعد بمسافة بسيطة عن قاع التانك
منظف الدورة الكاملة مش هيشيل الرواسب و الشوائب و طلعها بره التانك
منظف الدورة الكاملة هينضف المواسير تنظيف بسيط لكن هينضف البخخات تمام
و بعدين هتفرق ايه في بنزين 92 او 95 او حتى منظف الدورة الكاملة و حضرتك لسه قايل ان كل انواع البنزين فى مصر فيها نسبة شوائب عالية جدا

انا بأييد الرأي اللي بيقول ان البنزين مالوش دعوة بالموضوع .. الموضوع ده موضوع كهرباء و الله اعلم
و الدليل : ان مصر كلها بتمون بنزين من نفس النوعية و نفس الخامات و الشوائب و الحمد لله مابيحصلش للناس اي مشاكل ذي المشكلة دي بالظبط

صح الكلام ولا ايه ؟؟؟؟

**kisho55555** · 27-07-2010 11:49 AM

طب انا كنت عاوز اعرف البنزين من بعد طرمبة البنزين اللي في التنك بيعدي على ايه من( فلتر و خلافه) و انا اراجع على حاجة حاجة يمكن يكون فلتر مسدود او كذا بيضعف الطرمبة و يخليها تبذل جهد اكبر
منتظر ردودكم افادكم الله

**arakysolom** · 27-07-2010 01:11 PM

انا عن نفسي التقطيع ده حصل معايا و العربية عاملة 75000 وطلع من الموبينة و السلك اللي واصل منها للبوجيهات وكنت بفتكر التقطيعة من البنزين لأني كنت بستخدم نص 80 و نص 90

**kisho55555** · 28-07-2010 12:19 AM

المشاركة الأصلية كتبت بواسطة arakysolom

انا عن نفسي التقطيع ده حصل معايا و العربية عاملة 75000 وطلع من الموبينة و السلك اللي واصل منها للبوجيهات وكنت بفتكر التقطيعة من البنزين لأني كنت بستخدم نص 80 و نص 90

التقطيعة بتاعت طقم الكهربا معروفة ومختلفة تماما عن التقطيع بتاع الطرمبة ...

**kisho55555** · 28-07-2010 10:53 AM

اانا رايح التوكيل دلوقتى .. اشوف كهربا الطرمبة ...

**kisho55555** · 28-07-2010 07:47 PM

النهاردة روحت التوكيل واخدت ميعاد بكرة الساعة 9.30 ...

كتبت فى التقرير :
1-الكشف عن بيض الدريكسيون .
2-الكشف عن خطوط البنزين والطرمبة
3-صيانة كاملة على العفشة ..

ربنا يسهل .. وابقى اقول لكوا على التفاصيل ..