الموضوع: للمرة الثالثة ... والعربية لم تكمل 30 الف ...

بسم الله الرحمن الرحيم
انا عاوز اساهم برأيي يمكن يساعد ..
انا اعتقد ان العيب ده عيب كهربي .. بنسبة 90 %
.... في احتمال يكون الحاجة المسؤولة عن ظبطة الكهربا اللي رايحة للطلمبة فيها مشكلة ما و غالبا هي كهربا زيادة رايحاله للطلمبة
.... في احتمال ان الجزء اللي بينظم عمل الطلمبة اثناء توصيل الكهربا باستمرار (اثناء سير العربية طبعاً) فيه الخلل و ممكن يكون هو اللي المسبب للي بيحصل كل مرة معاك بنفس الكيفية ..؟ طب ايه هي الحاجة اللي مسببة الخلل ده ..؟ ممكن يكون حساس او كتاوت او الجزء الخاص بتغزية البنزين عن طريق الكمبيوتر او حتى الفيوز اللي موجود امبيره عالي شوية... المهم انها حاجة ليها علاقة كهربيا بالطلمبة .. و دي محتاجه ياما التوكيل ياما حد فاهم اوي يكتشفها .
.... لو انبوب التوصيل من التانك للمكنة مسدود لاي سبب ده ممكن يعمل اوفرلود على الطلمبة و تقطع بردوا .. بمعى ان لو انبوب البنزين اللي رايح للموتور مسدود شوية ممكن يخلى الموتور بتاع الطلمبة اكنها بتبذل مجهود مضاعف أكنها بتلف على الفاضي في انبوب مكتوم يخليها تعطل .
.... منقدرش نقول شوائب بنزين او نوع بنزين ... والله اعلم!!! لان لو هو ده العيب اكيد اكيد مش هتغير طلمبة البنزين 3 او 4 مرات لنفس السبب .. ثم ان الموتور هيخرب ليه من نوع البنزين سواء 80 او 90 او حتى 100 ؟؟؟؟!!!
في فكرة كدا عاوزك تجربها انا فكرت فيها و ارجو من الاستشاريين لو يقولولنا صحتها
هنفترض ان الفيوز بتاع طلمبة البنزين 15 امبير احنا بقا نخليها مرة 5 و نشغل العربية و نجرب لو فصلت نجرب 10 امبير و نجرب لو فصلت نجرب فيوز تاني 15 غير اللي كان راكب فيها لو فصل يبقا في اكيد فعلاً كهربا زيادة .... ارجو من الاستشاريين الرد على هذه الفكرة لمعرفة مدى صحتها .. هل الفكرة دي ممكن انها تاكدلنا من اذا كان فيه كهربا زيادة بتهرب على موتور الطلمبة ولا لا

يارب اكون صح او رايي يكون فيه نوع من الصح علشان انا حاسيس انت مدايق قد ايه !! و الله يكون في عونك و المشكلة تتحل بإذن الله و حده
و في الاول و في الاخر سيبها لله و ان شاء الله الحل من عنده .. فإنه من توكل على الله فهو حسبه
gl
gl