كربراتير

**abokoko** · 21-07-2010 03:31 PM

اذا اردت تغيير الكربراتير لعربيتي ال لادا 2107 موديل 2007 1600 سي سي

بواحد استيراد

اولا == هل ينفع يركب كربراتير ماركات اخرى مثل الفيات 131 او اى انواع اخرى بس
تكون اداؤها اعلى واحسن

ثانيا == ايه الماركات والصناعه المفروض اسال عنها
مثلا الايطالى افضل او الالمانى او ..... ان وجد طبعا

ثالثا== متوسط الاسعار كام

رابعا == اذا كنت هشترى من مكان بعيد عن محل اقامتى ويصعب الاعادة او الاستبدال
فايه اللى يخلينى اعرف الكربراتير الاستيراد الكويس
شكرا

**midomizo** · 21-07-2010 04:50 PM

سؤال صغير بس تغير الكربراتير لية انت ممكن تنضف البكات وتضبطة وهيشتغل تمام

وواضح انة لسة جديد من 2007 فاكيد لسة عمرة الافتراضى منتهاش

ومتابع معاك لو حد عندة رد للاسئلة

**abokoko** · 21-07-2010 11:25 PM

انا لسه جاى من عند 2 ميكانيكى

الاول على لى العربيه من بيك السلانسيه
((العربيه على السلانسيه بتبقي على وشك تبطل ولمبى
الدينامو بتنور + التنتشه اللى مطلع عينيا على التانى لما اهدى
رغم انى غير طقم الكهرباء وعملت شغل فى الاسبراتير ونظفت الكربراتير بالبخاخ
الامريكى واكيد فى حاجات تانيه مش
فاكرها ....))
المهم مشيت من عنده ولقيت العربيه عاليه والتنتشه لسه زى ما هى وكمان بقيت اغرب
بقيت لما تنتش بتخلي العربيه كانها بتتزق قدام وورا ؟؟

رحت رجعت للميكانيكى الاصلى بتاعى
وقلت له على اللى حصل وقلى نفك الكربراتير علشان فيه حاجه وهوه السبب
انا رفضت بس قلت له نغير بك السلانسيه قلى ماشي فكه واداهولى
قعدت ادور عليه ملقتهوش فرجعت له فرشه بالمنظف وركبه تانى بس النتيجه
النهائيه تنتيشه التانى لسه زى ما هىى موجوده
وقالى ده عيب الكربراتير اكيد

**mohamed2002** · 22-07-2010 12:21 AM

متغيروووش دة لسة جديد,روح لواحد متخصص كربراتيرات

**midomizo** · 22-07-2010 02:43 AM

طب بص جرب وانتا واقف كدة دوس على البنزين واسمع صوت العربية لو فية تقطيع او دربكو وهو بيعلى صوتة ويوطى يبقى دة اكيد كربراتير لان معظم مشاكل الكربراتير بتبان على السلانسية وعلى السرعات العالية برضو بس السلانسية اكتر(وانت واقف بالعربية متحركتش)

اما لو زى مقولت على التانى او والعربية ماشية يبقا دة اكيد الصليبة فيها حاجة او الكرونة عايز زيتها يتزود هو وصندوق التروس

وخلى باللك وانت بتتعامل مع اخصائى الكربراتير عشان كلهم بيفتحو شغل وخلاص ومتفكرش تغير الكربراتير العندك عشان العربية جديدة وحرام تمد ايدك فيها الا على الاقل بعد 5 سنين

واتاكد من البيك الغيرتة انة نفس مقاس القديم

ولو المشكلة من الكربراتير مكنتش العربية هدور وتفضل دايرة متبطلش وهى واقفة
واتاكد ان البوجيهات الجبتها سليمة لان البوجيهات الصينى كتير منها مضروب

**abokoko** · 22-07-2010 10:55 PM

المشاركة الأصلية كتبت بواسطة midomizo

)

اما لو زى مقولت على التانى او والعربية ماشية يبقا دة اكيد الصليبة فيها حاجة او الكرونة عايز زيتها يتزود هو وصندوق التروس

انا هبقى ابص على الصلايب ده جديد بالنسبه لى

اما زيت الفتيس والكرونه انا لسه مغيرهم من اسبوعين تقريبا بزيت جديد بالكامل اسو 90

**smsm061274** · 24-07-2010 11:30 AM

يا شباب النتشه على التانى لما تهدى وتروح لما تزود بنزين ده عيب ظبطه موتور لان كان عندى نفس العيب ومرحش الا لما روحت لميكانيكى فى شدس بالاسكندريه ظبطها من الموتور .

**abokoko** · 25-07-2010 12:05 AM

المشاركة الأصلية كتبت بواسطة smsm061274

يا شباب النتشه على التانى لما تهدى وتروح لما تزود بنزين ده عيب ظبطه موتور ظبطها من الموتور .

يعنى عمل ايه وظبط ايه بالضبط
بك السلانسيه مثلا ولا الاسبراير ولا ......؟

**vmallek** · 28-07-2010 12:58 PM

اذهب لمتخصص اصلاح وضبط كربراتير وليس الميكانيكي ويفضل الضبط بالكومبيوتر

**monzer_500** · 30-07-2010 10:37 AM

انا حصل معايا نفس اللي حصل مع صاحب المشكله رحت للميكانيكي بتاعي لاقيته مشغول فرحت لواحد تاني لان كنت مستعجل فلعب لي فيبكات الهوا في الكربيتير .. المهم لاقيت العربية بتعمل كده بالظبط تنتش مني وممكن تبطل علي التاني ولمبه الدينامو منورة قدامه وكان كده بيزقها من را ومن قدام نفس الاحداث كده ... رحت للميكانيكي بتاعي كل اللي عمله ظبط المسمار ده بتاع الهو وطلعه ونفضه قالي كان مكتوم لان البنزين 80 مش كويس .. والعربية كانت نيفا المهم مشيت العربيه وبقت زي الفل علي طول

الموضوع: كربراتير

LinkBack

أدوات الموضوع

عرض

كربراتير - انشر الموضوع فى :

-

-

-

-

-

-

المواضيع المتشابهه

كربراتير

كربراتير 128

كربراتير 127

كربراتير 127

كربراتير 132

الكلمات الدلالية لهذا الموضوع

المفضلات

المفضلات

ضوابط المشاركة