ياسلام يا جماعه لو نيتكم كمان تبقى نشر نظام المرابحه من خلال تشجيعه ولو بشراء اشياء بقيم قليله دعما للمعامله وتثبيتا لها كمعامله اسلاميه وحيده بين الاف المعاملات الربويه
عرض للطباعة
ياسلام يا جماعه لو نيتكم كمان تبقى نشر نظام المرابحه من خلال تشجيعه ولو بشراء اشياء بقيم قليله دعما للمعامله وتثبيتا لها كمعامله اسلاميه وحيده بين الاف المعاملات الربويه
جزاكم الله خيرا على هذه النية الصالحة وربنا يباركلك في السيارة الجديدة ويرزقك خيرها ويكفيك شرها وأنا مستعد للمجئ معاك لاستلام السيارة أرجو ابلاغنا بالموعد وتكون فرصة جيدة للتعارف
أخي العزيز اشكرك ولكن لي سؤال انا من سكان محافظة البحر الأحمر فهل ينطبق ه>ا النظام عليا ولا ده مخصص لسكان محافظة القاهرة فقط فأرجو من حضرتك الاستفسار وان ترد عليا وفي حالة الموافقة ما هي المستندات المطلوبة مني .
يا جماعه انا جبت تليفونات مدير خدمة العملاء لفرع التحرير للمعاملات الاسلاميه بس انا عايز منكم خدمه ياريت توصوه عليا يخلصولي ورقي بكره علشان الحق اخد العربيه احضر بيها فرح اخي وياسلام لو تشرفونا يا لوجاناويه
المهم اسمه أ / علي ابراهيم عبد العزيز
وتليفوناته اولا 25945000
ثم داخلي 77724 - 77726- 77731 - 77734
والداخلي بتاع استاذ عامر 77736
اخوكم خالد محمود خضر
مشكوووووووووووووور جدااااااا
جزاك الله كل خير أنا بشتغل مأمور ضرائب في البحر الأحمر فياريت تسألي
وانا عندي اقتراح لو يرضى اي حد من البنك ان حضرتك تجمعلوه استفسارات رواد الموقع وهو ير د عليا تبقى الإستفادة عالية وينتشر النظام الإسلامي ونخلص بقى من نصب البنوك بس ده هايكون في تعب على حضرتك
وفي النهاية اتمنى انك تستفسرلي وانشاء الله ا>ا جاءت الموافقة ممكن استعين بحضرتك
وشكرا
طيب في حاجه كمان البنك كان بينظم وهينظم زي ما قالولي زيارات للجهات الشركات لنشر الموضوع وكمان ممكن يقدموا عروض كويسه لو في اقبال وزي ما قلتلكم ياريت نحط في نيتنا كمان نشر معامله اسلاميه وسد اخرى ربويه
انا هتكلم معاه واستطلع رايه
بس ياريت لو كل واحد مهتم يبلغني بالموافقه من جهته ان البنك يجي يشرح وبيوزع ورق فيه شرح وافي للموضوع وكيفية التطبيق وكمان ممكن يدي عروض تخفيض على الارباح بتاعته
لو في حد ممكن يحط تليفونه ويقولي بس ان الجهه موافقه وانا هدي تليفونه للمسئول في البنك وهوا هيتصل وينسق معاك
وشكرا وربنا يوفق الجميع
برضة انا في انتظار الرد هل يوجد يصلح ه>ا النظام لقاطني المحافظات الأخرى غير القاهرة
وشكراً
انا لسه داخل حالا من البنك وسالت لحضرتك وينفع طبعا بس حضرتك ياريت تحاول تتصل بيهم وتنسق معاهم علشان تحاول تقلل عدد المرات وتختصر الخطوات على قد ما تقدر الجزء الاخير ده نصيحه مني انا اخوك خالد خضر
عموما هما ناس محترمين جدا جدا في البنك
تيلفونهم25945000
داخلي 77736 ا / عامر
77726 الائتمانا/ سلامه او ا/ عمر وبالتوفيق
اليوم انتهت اجرائات المرابحه الاسلاميه وتبقى خطوه ولكن سبب تاخير الخطوه الاخيره لعدم تنفيذ مندوب البيع بمعرض السبع لوعده لي بارسال عرض للبنك فور وصولي الى هناك وقام بالمساومه المهم بفضل الله جبت عرض اخر افضل من معرض محترم بيتعامل مع البنك واوصوني به ولكن الوقت قد تاخر قدر الله وماشاء فعل انا منتظر من حضراتكم ان حد يجي معايا استلم العربيه يوم الجمعه غالبا ان شاء الله
وان شاء الله انقل لكم كل التفاصيل خطوه خطوه علما ان الاجرائات بدأت يوم 25 / 7 وانتهت ببساطه اليوم 28/7 باذن الله وتبقى خطوة المعرض ان شاء الله تتم على خير دعواتكم وفي انتظاركم معي لاستلام السياره
انا شاكراً والف مليون مبروك وربنا يبارك للك فيها ويكفيك شرها وبص انا ليا خدمة تانية انا عارف اني تقلت عليك بس لما تجربها تقولنا رأيك فيها بصراحة وانا اثق في كلام حضرتك لاني انشاء الله هاقبض جمعية كمان شهرين وحطها مقدم مع البنك واجيب اللوجان
مبروك مقدما يا باشا
بعد اذنك ممكن اعرف هو تحويل المرتب بيكون للبنك الاهلى عموما ولا للفرع دة بالذات لان عندى سهل احول المرتب على البنك اللاهلى
ربنا يباركلك في العربيه ويرزقك خيرها ويكفيك شرها
اخي العزيز انا اتصلت بالنمرة الي حضرتك كتبتها لقيت واحد بيرد عليا بيقولي ده معمل البرج فأرجو التدقيق وكتابة الرقم مرة أخرى بس ياريت يكون سليم
وانا شاكر جدا لحضرتك لأني من سكان البحر الأحمر فمش عايز اخبط المشوار ده دلوقتي وعايز اعرف ايه الطلبات وشكرا
سلام عليكم. هو لازم اللي هيشترى السيارة بهذه الطريقة يبقى موظف بجهة حكومية؟
مش عارف الحقيقه بس
ممكن تسالهم في النمر دي 25945000
داخلي 77736 ا/ عامر
و77734 و 77731 و 77726 و 77724 ا/ علي ابراهيم عبد العزيز مدير خدمة العملاء وتليفونه الشخصي
0128141520
كل التليفونات المذكوره اعلاه انا اتصلت بيها وهي من على منشور البنك الشارح للاوعيه الخاصه بالفروع الاسلاميه
ممكن تسالهم في النمر دي 25945000
داخلي 77736 ا/ عامر
و77734 و 77731 و 77726 و 77724 ا/ علي ابراهيم عبد العزيز مدير خدمة العملاء وتليفونه الشخصي
0128141520
كل التليفونات المذكوره اعلاه انا اتصلت بيها وهي من على منشور البنك الشارح للاوعيه الخاصه بالفروع الاسلاميه
وممكن حضرتك لو محدش بيرد عليك او اي حاجه حاول تتصل بالدليل وتاخد نمر البنك الاهلي فرع التحرير للمعاملات الاسلاميه بالدقي قسم الائتمان
ياريت لما تتصل حضرتك تسال عن استاذ عامر انا كلمته عن حضرتك بس قوله انا مامور الضرائب اللي من البحر الاحمر علشان يتسق مع حضرتك ازاي تختصر الاجراءات في يوم واحد او اقل عددمن الايام وربنا يوفقك انت والجميع
الشراء بهذه الطريقه رائع مثل شرائك بالكاش
وعايز اقول لحضرتك هما نصحوني بمعرض كويس هما بيتعاملوا معاه اسمه معرض شاهين هيرد عليك الاستاذ عمرو شاهين راجل ممتاز وصادق معي حتى الان وصدره رحب استحملني بصراحه كتير ياريت لما تكلمه تشكره باسمي هحط لحضرتك نمرته حالا
ا / عمرو شاهين
0124635651
عنوان المعرض 1 ميدان مدكور بالهرم بجوار مسجد السلام على شارع الهرم مباشرة هتركب المترو وتنزل محطة ميدان الجيزه زتركب ميكروباص هتنزل امام المعرض
ومعلومه اضافيه البنك قريب جدا من محطة مترو انفاق الدقي
انا استلمت السياره يم الخميس وان شاء الله هرخص يوم الاثنين بالكتير علشان اقدر اعمل اجازه لاني راجع من اجازه لظروف زواج اخي
يا باشا ربنا يباركلك فى العربية بس لو سمحت عاوز منك بعض المعلومات ضرورى
اولا ممكن اعرف تفاصيل المعاملة بالظبط يعنى الخطوات بالترتيب
ثانيا الضمانات المطلوبة و بالنسبة لتحويل المرتب هل للفرع الاسلامى و لا للبنك الاهلى عموما
بعد اذنك عاوز المعلومات دى ضرووووورى
و شكرا لتعبك معانا
استاذ joso الف مبروك على العربيه وربنا يبالرلك فيها ويكيفيك شرها
انا سالت عند سمير ريان قالى مش بنتعامل مع البنك الاهلى (مرابحه) وقالى سعرها 66500
سالت بعد كده عند محمد ذكى معرض نظيف ورايق (فرع القطاميه) قالى الموظف ان السعر عنده 68000 جم قلته غالى انا سالت عند سمير ريان والسعر كان 66500. قالى ان سمير بياخد مننا بسعر 66000 وبيعلك بسعر 66500
على اساس ان سعر 66000 سعر كاش لو عايزها كاش اديهالك بسعر 66000
قولته انا ان شاء الله عايز اتعامل مع البنك الاهلى (مرابحه) قالى مفيش مانع قولته بس البنك هيديك فلوسك وانا هاتعامل مع البنك
زى ما عرفت من حضرتك .
اسف على الاطاله بس انا عاز اعرف انت حضرتك قولت
يضيف البنك قيمة ارباحه عند البيع بالتقسيط على المبلغ الذي يتبقى من قيمة السلعه بعد خصم اي مبالغ تدفعها كمقدمه ولا تذكر كنسبه مئويه .
يعنى البنك بيقبل اى مقدمه ولا هناك حد ادنى للتقديم
ثانيا السعر اللى حضرتك جبته كام من المعرض اللى البنك رشحهولك (شاهين) ؟
شكرا لردك وسعه الصدر
تقبل منى اخوك احمد عبد المنعم
ملحوظه
مندوب معرض محمد ذكى قالى السعر من اول يوم 8/2 هيبقى 69500 موديل 2011
ومش هيبقى فى خصومات حتى اخر السنه
اهلا وسهلا بحضرتك
لو تحب حضرتك اني اجي معاك عند محمد زكي او اي معرض تحبه انا تحت امرك علشان اساعد في توصيل المعلومه خصوصا اني قد اتممت المعامله
معرض شاهين اداني سعر 67000 للفل اوبشن و 63000 للهاف
يس ناس مخترمه
كل نقاط الشك اللي كانت عندي والكلام اللي بقولهولي استاذ عمرو بكتشف بعد التحري انه صادق وان كلامه صح وده زود ثقتي في المعرض جدااا بصراحه وكمان الناس في البنك رشحوه وزكوه ولانزكي على الله احد
انا معايا صور من العقود فاضيه
ومعايا عرض موجه للمصنع عندي
يشرج النظام والمعامله لما نتجمع ان شاء الله الخميس القادم ممكن اللي يحب ياخدهم يصورهم
ومعرض شاهين بيبعت عرض للبنك وفاهم النظام انما عايزين نشرح النظام لباقي المعارض لعموم الفائده
مين مندوب البيع اللي اتعامل مع حصرتك في محمد زكي
شكرا لردك و يشرفنى التعارف عليك
ان شاء الله اول اما اقرب هاكلمك
المندوب اسمه محمد ابراهيم
طيب هى العربية المفروض سعرها النهائى بعد إضافة الاقساط يبقى كام
وجزاكم الله كل خير
حسب حضرتك هتدفع كام وهتبقي كام حدد وانا احسبها لحضرتك
مبدئيا لو هتبقي 28000 من تمن العربيه البنك يمولهم وتدفع الباقي مقدمه هتدفع قسط 500 جم على 7 سنوات.
ولو هتبقي 40000 هتدفع حوالي 750 جم قسط شهري على 7 سنوات
بس ما قولتيش الحد الادنى للمقدمه كام ؟؟
يعنى ممكن ادفع 15000 جم !!!!
كل نقاط الشك اللي كانت عندي والكلام اللي بقولهولي استاذ عمرو بكتشف بعد التحري انه صادق وان كلامه صح وده زود ثقتي في المعرض جدااا بصراحه وكمان الناس في البنك رشحوه وزكوه ولانزكي على الله احد
ايه هى الشكوك معلش افيدونا افادكم الله كى يستفيد كل الاعضاء من نقل التجربه
واسف على الاطاله
ههههههه مش قصدي سك بمعنى الكله انا اقصد اني كنت داخل تجربة شراء سياره جديده لاول مره وسامع عن بلاوي في المعارض هنا في المنتدى وعندي احساس ان الوكيل او موزع معتمد وبعد كده الدنيا في الضياع
فكان عندي قلق كبير وشك وما كنتش بقتنع بالكلام يعني مثلا للتوضيح
كنت بساله عن شركة تامين عملي شوية اتصالات وجابلي اسعار وحذرني ان الاسعار الاقل ممكن تيجي بان المنتج بتاع التأمين يدخل اسمك ضمن شركة بيأمن على عربياتها وبكده يديني سعر اقل فقلت اشتغاله علشان اتعامل من خلاله المهم سبته وروحت شركه لقيت الراجل بيقولي نفس الكلام هدخلك مع شركه ولولا شرح ا / عمرو شاهين كنت فرحت بالتخفيض الكبير ووافقت
وصلت :120105~352:
جزاك الله خيرا ..وصلت يا باشا
خلى بالك موضوع التامين فيه شبهه ..والافضل التامين التكافلى (التعاونى)
واسال برضه ؟!!!
وربنا يكفينا شر الطريق
انا عارف وسالت في دار الافتاء قالي التأمين التجاري والتكافلي الاثنين جائزين شرعا
وانا فضلت التكافلي وامنت اجباري في وثاق
لكن المفاجأه اني لما رحت علشان اعمل تأمين شامل على السياره لقيت منتج التامين بيقولي تامين تجاري عادي
فسيبته ورحت شركة مصر للتامين التكافلي لقيته بيقولي تجاري عادي تكافلي ده اسم الشركه
فتركتهم ورحت امنت في مصر للتامين بما ان كله تجاري وهيه شركه كبيره وحكوميه
طب لو انا ناوى ادفع اخى الكريم 15000 يبقى القسط هيبقى كام
المعامله اسمها المرابحه الاسلاميه
الفكره قيام البنك كجهه تمويليه بالتدخل لصالح الغير استثمارا لاموالها كطرف بائع بالتقسيط حيث يقوم بتدبير احتياجات الناس ثم بيعها لهم بالتقسيط والتعامل يتم على سلع فقط لا وجود لاي تعامل مالي بين طرفين وفي اتجاه واحد من البنك الى العميل بمعنى ان البنك لايدفع اي مبالغ ماليه للعميل الذي يدخل البنك معه في المرابحه
التفاصيل
1- بيان مفردات مرتب معتمد من جهة العمل
2- ايصال كهرباء حديث ( اخر 3 شهور ) قبل التعامل
3- اخر فاتورة كهرباء
4- عرض سعر مبدئي من اي معرض بدون رقم موتور ورقم شاسيه ( قمت بالتعامل مع معرض شاهين بترشيح من البنك لوجود سابق معاملات من خلال هذا المعرض ولعدم قدرة باقي المعارض على فهم التعامل بنظامالمرابحه كون مفهومها وتطبيقها مختلف كليا عن الانظمه الربويه وهو في الواقع اجراءاته نفس اجراءات الشراء كاش
الذهاب الى البنك الاهلي المصري فرع التحرير للمعاملات الاسلاميه فرع الدقي ( بجوار محطة الدقي لمترو الانفاق)
عند تقديم مستنداتك يقوم البنك بعمل استعلام عنك ومطلوب 35 جم لبدء الاستعلام ثم يعطيك خطاب موجه الى جهة عملك يطلب فيه تحويل مرتبك او القسط ويحدد فيه بعض شروطه في حالة الاجازه بدون مرتب او الاستقاله وهكذا ويعطيك بعض الاوراق تملأها هناك منها وثيقة تامين على حياتك مقابل مبلغ 220 جم يدفع لمره واحده فقط
المطلوبمن حضرتك تاخد الجواب وتجيب عليه موافقات من العمل وايضا توقيعات اصحاب حق التوقيع على الشيكات بجهة عملك توقيع اول وتوقيع ثان .
بعد الموافقه وانهاء التوقيعات مختومه بخاتم العمل تذهب بها الى البنك وسيقوم بفتح حساب جاري لك مقابل 10 جم مصاريف فتح حساب ثم يقوم البنك بالطلب منك بان تنسق مع المعرض الذي ستقوم بالتعاقد معه وتؤكد عليه بوجود السياره واحضار عرض جديد منه فيه رقم الموتور والشاسيه مقابل قيام البنك بارسال جواب تخصيص ثم يقوم البنك فورا باصدار شيك باسم المعرض ويرسله له بالفاكس ثم يقوم البنك بتسليم الشيك الموجه للمعرض لحضرتك لتسليمه الى المعرض ثم يقوم البنك بالحصول على توقيع حضرتك على عقد المرابحه ( البيع ) محددا فيه قيمة السياره مضافا لها ربح البنك .
ثم تذهب تستلم سيارتك بامان الله طالما موجوده بالمعرض وورقها جاهز كل هذا لايستغرق اكثر من اسبوع بالكثير
وانا معي صور من العقود ساحضرها معي في تجمع اللوجانيه بالتجمع الخامس يوم الخميس ان شاء الله
لمن يريد ان يطلع ويفهم اكثر ارجوا ان اكون قد وفقت في ايصال الصوره كامله
اه نسيت بتدفع كمان 103 جم مصاريف فتح مرابحه وكمان بتدفع قسط اول شهر نقدا وكل ده بيبقى في حسابك واي زياده بتقعد لك في الحساب
وبعد 10 ايام تروح البنك تستلم كارت ال atm علشان تبقى تصرف فلوسك من الحساب يعد تحويل المرتب