استاذ خالد حضرتك بتكرر نفس المداخلة اكتر من مرة
شكرا لحرصك علي ايصال المعلومة
لكن من الناحية التقنية ده مخالف لقواعد المنتدي
تقبل تحياتي
عرض للطباعة
اسف حبيت بس اخلي الرقم في مقدمة الموضوع علشان حضرتك او اي حد بيدور على معلومه او استفسار بس طالما مخالف مش هكتبه تاني
وشكرا للمعلومه والنصيحه
العفو ولو حضرتك مهتم اوي خلي الرقم ونبذة عن الموضوع في سطر واحد في توقيعك
واعتقد ان الحكاية مش مستاهلة لان الموضوع وافي
شكرا علي حرصك وتقبل تحيايت
مش بعرف اعمل توقيع
انا كنت في فرع الدقي وقابلت الاستاذ عامر وهو راجل محترم جدا بس للاسف قالي ان شركتي غير مدرجة عندهم وقالي مفيش حل تاني غير انك يكون ليك وديعة في البنك بقيمة ثمن العربية وقالي مش شرط تكون وديعة باسمك و ممكن تكون باسم حد من قرايبك.
ما الطبيعى بتاع اى بنك بتقسط معاه انه بيشترى العربيه الاول من المعرض وبعدين بيحدد معاك طريقة السداد يبقى ايه الفرق؟؟؟كلو بتدفع مقدم بيحددلك فايده و لو دفعت الجزء المتبقى كاش بعد كدة الفايدة بتقل..ياريت تفهمونى
حتى التقسيط مع التوكيل بيكون عن طريق بنك الاسكندرية...مش من التوكيل علطول ...ارجو التوضيح لان الموضوع ده شاغلنى جدا وانا مش عايز اعمل حاجة حرام
أنا كلمت الأستاذ عمرو
البنك الأهلي المصري بالقاهرة فعلا
وهو راجل محترم وذوق جداً
بس من ضمن الشروط بالنسبه للقطاع الخاص
إن الشركة تكون معتمده لدى البنك
وللأسف الشركة إللي بشتغل فيها
مش معتمده عندهم
والأوراق المطلوبه معقده شوية
للأسف مش ح اعرف أتعامل معاهم بالمرابحة الإسلامية
بس ح أحاول أطلب الأوراق
والله المستعان
طيب يا جماعه ما تحاولوا تقابلوا مدير الائتمان وتتفاوضوا الموضوع ممكن يكون فيه تفاوض البنوك عندها مرونه كبيرة
وموضوع الوديعة ده ضمان للمرابحة يعني وديعتك بتفضل في البنك كضمان لعدم اخلالك بالتعاقد
ولو مع حضرتك ثمن العربية وتقدر تدفع القسط ومش هيأثر على دخلك ومعيشتك يبقى نصيحتي انك تجيبها قسط بالمرابحه ويبقى كده جبت عربيتك ووديعتك بتحقق ارباحها وعوائدهافي البنك ووبارك الله فيما رزق
مش تروح تحط اللي حيلتك في العربية
المهم دي وجهات نظر انا معايا ياريت لو حد عنده سكانر ويقدر يقابلني ياخد صورة من العقود او لو البنك اقرب له يروح البنك ياخد صورة من العقود
ويرفعها للمنتدى
:satelite:
انا عيز كمان من حضراتكم حاجه بعد ما تتحروا زي ما انا تحريت انها معاملة حلال بفضل الله ياريت تحطوها هدف وفي نيتكم انكم تجاهدوا وتتفاوضوا وترخموا علشان في جزئين
الاول هتاخذ ثواب المعامله الحلال وتضمن انك في رضوان الله ولست في دائرة سخطه والعياذ بالله
الثاني هتاخذ ثواب نشر معامله اسلامية غير معروفة حيث ان البنك ولاشك سيعطي اهتمام اكبر بها ويدعمها بتخفيض الشروط وتيسيرها وزيادة استثماراته فيها وايضا تاخذ ثواب غلق الباب امام معاملات ربوية
اجعل نيتك حاضرة وما سعيت فيه لله لابد ان يقربة لك الله ولكن اصبروا وصابروا
عندك حق الموضوع فعلاً بياخد وقت جامد
لأنه قاللي إن في مندوب من البنك لازم يروح الشركة ويقابل حد مسئول
عشان إعتماد الشركة
يعني مش توديلهم صور السجل التجاري والبطاقة الضريبية وخلاص
لأ كمان لازم إثبات إن على الأقل 100 موظف متأمن عليهم
وإن الشركة مساهمة مصرية
ورأس مالها لا يقل عن 500000 جنية
كل ده عشان توفر 3000 جنيه في السنه
فرق الفوايد
تفتكروا في شركة ممكن تساعد موظفيها
وتديهم الأوراق دي بكل سهولة
لا طبعا ما يتحرقوا الموظفين
دا علشان يامن علي 100 موظف بس حيدفعله 250 الف في السنة علي الاقل تامينات
هوا حضرتك بتدور على توفير في الفوايد والا على معاملة اسلامية صحيحه
طيب ايه نظام بنك ناصر؟
الموضوع سهل او مش سهل المفروض معيارك حلال والا حرام ومن الاخر القرض القائم على اخذ مال ورده بزيادة عن قيمته هو ربا قطعي والقاعدة الوحيدة الشرعية التي تكسر هذا الربا وتجعله متاحا شرعا مع الكراهه هو الضروة
وتعريف الضرورة كما قال لي الشيخ في دار الافتاء الضرورة هي التي ان لم تفعلها هلكت
وانا لما بسال حضرتك علشان حرصي عليك كاخ مسلم الا تقع في الحرام وليس لاي شيء اخر فانا لا اعرفك ولم يجمعنا معا سوى فائدة النصيحه والاخرة اولى بالنصح
وقد اعلمتك وانا عذرت نفسي الى الله
اما كون حضرتك تقسط مع اي بنك وتخلص من وجع الدماغ فكل نفس بما كسبت رهينة
المشكلة ان البنوك الاسلامية بتعقد الموضوع وبتصعبه على الناس في الوقت نفسة هو لو سهل الاجراءات زي بقيت البنوك الي مش اسلامية تقريبا مصر كلها هتشتري عن طريقهم لان معظم الناس الي اشترت عن طريق بنوك عادية راحت للبنوك الاسلامية الاول ولاقت الموضوع معقد شوية فاكبرت دماغها وراحت للبنوك التانية ودا طبعا مش صح وانا مش موافق على الكلام دا و اي حد اعرفه بيروح يجيب عربية عن طريق بنك عادي بنصحه بانه لازم يصبر...بس ليه مفيش لحد دلوقتي بنك اسلامي اجرائاته سهلة..دايما لازم مقدم كبير اوي او تجيب ناس كتيرة تضمنك ويحولوا مرتباتهم او يقولك اصل شركتك مش معانا في الحسبه.
المفروض يكون النظام اسلامي هدفه انه يوفر للناس حل وميكنش معقد علشان محدش يلجأ للربا وفي نفس الوقت هو كمان ياخد ربحه..ولا هما خايفين الناس كلها تروح للبنوك الاسلامية والبنوك التانيه تشطب.
استاذ موحا انا ما بفتيش يا فندم ده خلاصة السؤال في الموضوع من اهل الفتوى سواء دار الافتاء او من د مصطفى عمارة او د حمدي وغيرهم خلال سنه كامله من البحث في الموضوع والله اعلى واعلم واساله ان اكون وفقت في تحري مايحبه ويرضاه.
اما العمل حال رفض البنك دخوله المرابحه الاسلامية فليس امامه الا ان يقوم بشيء واحد فقط الا و هو تحري الحلال ولسنا محل ولا اهل للفتوى زلهذا لا اعرف الا ان يتحرى ويفوم بالسؤال ممن يطمئن اليه قلبه وهو حريص على دينه قبل ان يكون حريصا على ان يحل او يحرم كل ما نستطيعه لبعضنا ان نتناصح بيننا حرصا على ديننا وحرصا على ان ننجي انفسنا من سخط الله فكما تعلم سيدي الكريم ان النبي صلى الله عليه وسلم امرنا بان ننصر اخانا ظالما او مظلوما
ونصرته ظالما ان تعينه على نفسه
واسف اني لا املك حلولا فكنت فعلا اتمنى ولازلت ان تعم مظلة الحلال معاملاتنا وان يوفقنا الله الى مافية صالح ديننا ودنيانا
وان يجعل لقائنا لقاء محبة وتناصح وليس يغض وتعالي
واسف للاطالة وربنا يوفق الجميع لما فيه الخير والصلاح فنحن اولا واخيرا اخوة شئنا ام ابينا
واعتذر لاي احد يجد غضاضه في كلامي او استشعر مني سؤ خلق او اي اسائه فانا اساله ان يغقر لي زلاتي ويغفر لي ويدعو لي بالهداية وحسن الخاتمه والبركه والستر لي ولاهلي وذريتي وللمسلمين
في البداية احب ان ااكد ان كل ما يلي هو رايي لشخصي وليست معلومات
استاذ محمد .. البنك كمؤسسة اقتصادية ملهاش دين وميهمهاش تحري الحلال في معاملاتها بقدر اهتمامها بالربح وده لسبب بسيط انها جزء من منظومة اقتصادية داخل دولة وبيشرف عليها بنك مركزي لاا يلتزم الا بالخطط الاقتصادية للدولة ووزاراتها
ثانيا خدمة المعاملة الاسلامية والمرابحة وخلافه هي مجرد خدمة يقدمها البنك ضمن عروضه الترويجية لمجرد اجتزاب العملاء ليس فقط للتقسيط وانما لصبغ البنك ونظامه بصبغة مقبولة لدي المجتمع الاسلامي اللي كلنا بنعيش فيه وده مش بس حينعكس علي ارباح زيادة في قطاع الاتمان انما ايضا في الودائع والادخار والتوفير .زالخ
ثالثا النظام المسمي مرابحة في نظر البنك زيه زي اي نظام تاني لكنه كحسابات اقتصادية اعلي في معدل المخاطرة لانه مبيمضيش العميل علي توكيل ومبيعملش حظر بيع وبالتالي لازم يظل نطاق التعامل فيه محدود
رابعا لو الحكاية اتسهلت تقدر تقولي حيحصل ايه؟؟ ... اقولك انا ... البنك محفظته الاتمانية متقدرش تغطي الناس دي كلها وبالتالي خسايره حتزيد مع ارتفاع المخاطرة
تقبل تحياتي
لا غضاضة ولا حاجة يا استاذ خالد
واسف لو انت فهمت كده
وطبعا واضح انك مبتفتيش وانا مقصتش بكلامي ابدا انك بتفتي
لكن انا او انت لما نحط نفسنا مكان العضو zegazi حنعمل ايه؟
وانت بنفسك قلت انك مش لاقي حلول..
طب فكر معايا لو كان طلبك للبنك الاهلي اترفض رفض نهائي لاي سبب كنت حتعمل ايه؟؟
انا عن نفسي كنت حقسط عادي
تقبل تحياتي
متابع باهتمام شديد الموضوع من اوله و اتمنى ان موضوع المرابحة ده يكون حلال وينتشر ويقضى على المعاملات الربوية ويجعلوا فى ميزان حسنات الاخ joso وشكر خاص ليه على جهده وصبره وسعة صدره وشكر لكل من شارك بالموضوع والواحد فعلا بيستفيد منكم.
بارك الله في الجميع وان شاء الله حلال والباب مفتوح لكل من اراد ام يطمئن فليطلب العقود من البنك او مني وانا مستعد ان اقابله في اقرب محطة مترو حتى يسال ويستعلم بنفسه والله المستعان
مفيش حد نفذ المعاملة يحكيلنا تجربته بدأت ازاي وانتهت ازاي
مافيش جديد في الموضوع ده ؟