يا باشا ألف مبروك ربنا يباركلك فيها ويكفيك شرها
عرض للطباعة
يا باشا ألف مبروك ربنا يباركلك فيها ويكفيك شرها
[QUOTE=joso;3872911377]المعامله اسمها المرابحه الاسلاميه
الفكره قيام البنك كجهه تمويليه بالتدخل لصالح الغير استثمارا لاموالها كطرف بائع بالتقسيط حيث يقوم بتدبير احتياجات الناس ثم بيعها لهم بالتقسيط والتعامل يتم على سلع فقط لا وجود لاي تعامل مالي بين طرفين وفي اتجاه واحد من البنك الى العميل بمعنى ان البنك لايدفع اي مبالغ ماليه للعميل الذي يدخل البنك معه في المرابحه
التفاصيل
1- بيان مفردات مرتب معتمد من جهة العمل
2- ايصال كهرباء حديث ( اخر 3 شهور ) قبل التعامل
3- اخر فاتورة كهرباء
4- عرض سعر مبدئي من اي معرض بدون رقم موتور ورقم شاسيه ( قمت بالتعامل مع معرض شاهين بترشيح من البنك لوجود سابق معاملات من خلال هذا المعرض ولعدم قدرة باقي المعارض على فهم التعامل بنظامالمرابحه كون مفهومها وتطبيقها مختلف كليا عن الانظمه الربويه وهو في الواقع اجراءاته نفس اجراءات الشراء كاش
الذهاب الى البنك الاهلي المصري فرع التحرير للمعاملات الاسلاميه فرع الدقي ( بجوار محطة الدقي لمترو الانفاق)
عند تقديم مستنداتك يقوم البنك بعمل استعلام عنك ومطلوب 35 جم لبدء الاستعلام ثم يعطيك خطاب موجه الى جهة عملك يطلب فيه تحويل مرتبك او القسط ويحدد فيه بعض شروطه في حالة الاجازه بدون مرتب او الاستقاله وهكذا ويعطيك بعض الاوراق تملأها هناك منها وثيقة تامين على حياتك مقابل مبلغ 220 جم يدفع لمره واحده فقط
المطلوبمن حضرتك تاخد الجواب وتجيب عليه موافقات من العمل وايضا توقيعات اصحاب حق التوقيع على الشيكات بجهة عملك توقيع اول وتوقيع ثان .
بعد الموافقه وانهاء التوقيعات مختومه بخاتم العمل تذهب بها الى البنك وسيقوم بفتح حساب جاري لك مقابل 10 جم مصاريف فتح حساب ثم يقوم البنك بالطلب منك بان تنسق مع المعرض الذي ستقوم بالتعاقد معه وتؤكد عليه بوجود السياره واحضار عرض جديد منه فيه رقم الموتور والشاسيه مقابل قيام البنك بارسال جواب تخصيص ثم يقوم البنك فورا باصدار شيك باسم المعرض ويرسله له بالفاكس ثم يقوم البنك بتسليم الشيك الموجه للمعرض لحضرتك لتسليمه الى المعرض ثم يقوم البنك بالحصول على توقيع حضرتك على عقد المرابحه ( البيع ) محددا فيه قيمة السياره مضافا لها ربح البنك .
ثم تذهب تستلم سيارتك بامان الله طالما موجوده بالمعرض وورقها جاهز كل هذا لايستغرق اكثر من اسبوع بالكثير
وانا معي صور من العقود ساحضرها معي في تجمع اللوجانيه بالتجمع الخامس يوم الخميس ان شاء الله
لمن يريد ان يطلع ويفهم اكثر ارجوا ان اكون قد وفقت في ايصال الصوره كامله
اه نسيت بتدفع كمان 103 جم مصاريف فتح مرابحه وكمان بتدفع قسط اول شهر نقدا وكل ده بيبقى في حسابك واي زياده بتقعد لك في الحساب
وبعد 10 ايام تروح البنك تستلم كارت ال atm علشان تبقى تصرف فلوسك من الحساب يعد تحويل المرتب
ألف شكر موضوع جامد جدا يا ريت كل اللي يدخل يعلق على الموضوع علشان ادارة المنتدى تقوم بتثبيته
وتعم الفائدة
يا ريت كل اللي يدخل يعلق على الموضوع علشان إدارة المنتدى تقوم بتثبيته وتعم الفائدة للجميع وألف شكر
موضوع فعلا مفيد جدا.ياريت لو يتم تثبيته
السلام عليكم ورحمة الله و بركاتة,,,,
مشكلتى ان الشركة مش موافقة على تحويل المرتب للبنك الاهلى لأنهم لسة محولينة على كريدى اجريكول.وانا ممكن احول قيمة القسط او اى قيمة اخرى للبنك أون لاين.
فهل ممكن ينفع كدة ولا لأ؟؟؟؟
وجزاكم الله خيرا,,,
سؤال كمان ازاى الطريقة دى اسلامية وهم بيحددوا الفايدة؟؟؟؟
وعليكم السلام ورحمة الله وبركاته
اولا يمكن تحويل القسط فقط للبنك بس مش عارف يعني ايه اون لاين ممكن حضرتك تراجع البنك فرع التحرير بالدقي للمعاملات الاسلاميه
ثانيا : الفائده بالطريقه التي شرحتها لحضرتك دي اسمها ربح البنك ( التاجر ) نظير تاجيل تحصيل قيمة مبيعه لحضرتك وهي معامله جائزه ويحق لكل تاجر حساب نسبة ربحه بدون حد اقصى شريطة الا تكون متغيره لنفس العقد ولايذكر بالعقد ان المبلغ كذا مثلا وهامش الربح او الفائده 7% وانما يذكر ان قيمة المبيع كذا 64000 مثلا يضاف اليها ربح البائع نظير التاجيل ( التقسيط ) مبلغ كذا ليصبح اجمالي قيمة البيع كذا وهذا هام جدا
ثالثا ردا على سؤال متوقع وهو ان هذا تحايل وان المعامله واحده ومجرد مسميات لجذب الناس فقط بوازع ديني
ان هذا القول خطأ لان هذا ليس تحايلا بل هو الشعره التي تفصل بين الحق والباطل بين البيع والربا ولهذا ذكر الحق سبحانه وتعالى في الايه الكريمه قوله ( احل الله البيع وحرم الربا) والشاهد هنا ان البيع والربا بينهما شعره وايضا ان المعامله متشابهه الا في نقاط ولهذا اراد الحق سبحانه ان يفهمنا انه رغم التشابه الكبير الا ان الله احل البيع فقط اما الربا فهو محرم
وهنا نجد الاركان المحققه في هذه المعامله كفارقبين البيع والربا
المرابحه ( البيع ) التعامل يتم على سلعه تتوسط بين البائع والمشتري ويحق للبائع ان يحدد هامش ربح للبيع النقدي واخر للبيع الاجل بدون اي حد اقصى .
الربا ( القرض ) التعامل يتم على اموال تتوسط بين المقرض والمقترض لايحق رد اي مبلغ مقترض وعليه اي زياده سواء لاجل او لاتفاق فهذا محرم قطعا ويقينا .
التملك يجب على البائع ان يتملك المبيع تملكا تاما ولايعني التملك التام ضرورة الاستحواذ على المبيع وايداعه المخازن فهناك تملك اخر اسمه التملك الحكمي وهو مايعني ان انتقال الملكيه يتم حتما ويقينا بحلول الحق في المبيع من خلال انهاء اجراءات التعاقد والبيع فمثلا يعتبر بحكم العرف ( القانون المدتي ) مشتري الشقه رقم كذا في الدور الخامس في العقار الغير مبني من المرحله الثانيه التي لم تمتد لها المرافق بعد هو المالك لهذه الشقه حكما نافذا ويتمتع بكامل حقوق المالك يقينا رغم عدم استحواذه على الشقه لا حالا الا اجلا في اجل معلوم بالتعاقد
ومثال اخر الشراء بالعتماد المستندي ( النقديه مقابل المستندات ) حيث يصبح الشاري مالكا للسياره او الماكينه او اي سلعه اخرى بمجرد اتمام اجراءات التعاقد يحسب شروط التعاقد ومن خلال تملكه لاوراق المبيع مقابل سداده لقيمته وهناك طرق اخرى بقواعد متغيره والشاهد هنا ان التملك هنا في 80 % من الشراء والتملك حكمي وبفارق زمني عن الاستحواذ وهو غير مخل ابدا بحقيقة التملك لان هذه هي القواعد العرفيه للتملك والتي يقف المجتمع كله خلفها ردا لحق صاحبها بمجرد تقدمه باوراق اثبات ملكيته وان لم يستحوذ
الحظر لايوجد فرض للحظر على السلعه المباعه ( السياره فهو شرط هادم لاركان البيع وهو حق الشاري في تملك والتصرف فيما يملكه وهو ما يحصل في المرابحه
في البنك الاهلي المصري فقط فرع المعاملات الاسلاميه رغم وجود مسمى المرابحه في بنوك اخرى ولكنها كلها مجرد اسم وهمي ونفس اجراءات القرض يقينا
اخيرا لايحق للمشتري رغم توسطه في احضار العروض وتسليم الشيكات انيكون له اي تعامل نقدي بدفع اي مبالغ ولو جنيه واحد الى البائع الول ( المعرض ) خيث تطلب بعض المعارض ان يقوم المشتري بدفع دفعة حجز وهنا نحن لسنا المشترين نحن مجرد حاملي امانه احضار عرض وتسليم شيك لاصفة لنا مع البائع الاول بل البيع هنا بين البنك كمشتري اول وباشع ثاني لنا بالاجل فبرجاء الانتباه حتى لاتسقط المعامله منك في باب التحريم
وهو مايقوم البنك به حيث يقوم باستخراج الشيك باسم صاحب المعرض ( البائع ) ثم يرسله بالفاكس للبائع لاتمام التعاقد ومحل العقد هو عرض السعر من المعرض متضمنا تخصيص سياره بعينها بلونها وارقام الموتور والشاسيه
وهو ما يؤكد عليه البنك بخطاب تخصيص ثم يرد بخطاب تسليم السياره للمشتري ( حضرتك ) مرسل معه قيمة السياره المشتراه (صورة الشيك ) وخطاب التخصيص
ومن استزاد فليزيدنا من المعلومات
واخيرا لقد سالت اكثر من عالم وذهبت لدار الافتاء واطمئن قلبي تماما وانا ادعوكم من باب يقين وطمئنئه لصحة التعامل والله اعلى واعلم والله الموفق
ارجو ان اكون وفقت في الشرح وان اكون وفقت في الفهموالشرح
شكرا لك اخى الكريم على الشرح وطمأن الله قلبك كما طمأنت قلوبنا ,,,,
التحويل اون لاين : هو ان اقوم بتحويل مباغ القسط عن طريق الانترنت بصفة دورية من حسابى فى كريدك اجريكول الى الحساب فى البنك الاهلى.
وشكرا
احب ايضا ان ااقول لكم ان العصمة لله وحده ونا ادعوكم بنية خير ونصرة للاسلام وغلق لباب الربا وسوف اذهب ان شاء الله
للدكتور علي السالوس بالعقود واننا كنت اتصلت بيه وقالي ان الجماعه بتوع المعاملات الاسلاميه في البنك الاهلي بيجتهدوا علشان يحققوا معامله اسلاميه صحيحه وطلب مني العقود واحب ان اقول ان من احالني عليه ايضا هم العاملين بالبنك الاهلي انفسهم
اخيرا العقود محققه من المجمع الفقهب ومعتمده منه
دكتوررررر موضوع يتسحق التثبيت فعلا ....
مفيش حاجه سبتها
الموضوع مهم جدااااااااا
انا مهتمة بالموضوع ده
دلوقتي عاوزة اعرف بالنسبة لموضوع مفردات المرتب
يعني لو واحد دخله مش مرتبه بس
لو فيه حوافز وكان قيمة القسط اعلى من المرتب كله لكن ممكن تتغطى بالحوافز يبقى ايه الوضع؟
وهل لازم تتخصم من الشغل ولا الواحد بنفسه يروح يدفع أحسن والا إيه؟
طيب يا جماعه انا مشفتش حد قالي انا عايز منك صور العقود علشان اسال الشيخ علي السالوس وانا سالت وارسلت لكل من قيل لي عنهم ووصلني ممن اطمئن لهم ولدينهم ومن دار الافتاء واستخرت الله ولي سنه او اقل قليلا اسأل في الموضوع وقد وصلت لما استقر اليه يقيني بانه حلال والحمد لله بلا ادنى شيهه وقولي اني ساذهب للشيخ علي وقد اتصلت به وافاد ابتداااااااااااااااء انه الافضل ولاحظ الافضل لم يقل لا تتعامل مع البنك الاهلي ولكنه اشار بالافضليه لبنك فيصل ولعلم حضراتكم الافضليه لفرعين في فيصل الذين يشرف عليهما الشيخ علي لان لي صديق اشترى من بنك فيصل بعد اتصاله بالشيخ علي وحدد له فرعان فقط للتعامل اي انه جعل لهما الافضليه
والافضليه هنا تعني ان الامر غير محرم وان به سعه والا لقال لا تتعامل الا مع بنك فيصل والشاهد هنا ان الامر لا حرمانيه فيه ولكن هناك افضليه ترجع الى معرفة الشيخ التامه باجراءات بنك فيصل وليس كل فروعه لانه يشرف على الفرعين ولهذا عنده القدره على مراقبة الاجراءات لانه ومع كون المعامله حلاال باذن الله وفضله الا ان قيام احد الموظفين باستباق الخطوات اي بتوقيع ااعميل على عقد البيع (المرابحه) قبل اصدار الشيك للبائع خطأ ولكنه يقع على عاتق الموظف طالما انك لا تعلم
الخ.....
واخيرا ما ذكرته ليس لاني لا اريد سؤال الشيخ على السالوس لاني اتصلت به فعلا واخذت صور من العقود لاطلعه عليها فعلا ليس لعدم طمأنينه ولا لشك ولكن لاضع بين ايدي من انشر عنده المرابحه الاسلاميه كبديل رائع للاقتراض الربوي اسم كل عالم قيل لي عنه وهو ليس اولهم ولن يكون اخرهم فانا ان شاء الله ابتغي الاجر من الله في نشر هذه المعامله وليس العكس
انا الان ظروفي لم تسمح لي منذ استلام السياره والعقود للذهاب الى الشيخ واتمنى ان القاه قبل رمضان والله الموفق
واضح من كلامك انك انسان محترم و ملتزم و بتخاف الوقوع فى الشبه نحسبك على خير و لا نزكى على الله احد
و واضح انك ملم ببعض الامور الشرعيه ان لم تكن طالب علم حسب ظنى
و بالتالى يبقا الناس موكلاك عنهم بسؤال الشيخ و غيره
و نتمنى لك الاجر و الثواب من الله و ندعوا لك بظهر الغيب و ربنا يوفقك
موضوع جمييييييييييييييييييييل
ومينفعش يقرأ مرة واحدة
ده لازم يتذاكر
على فكرة دى مش اول خطوة
اول خطوة تسأل تشوف البنك بيتعامل مع شركتك ولا لأ.:B4_237:
أنا كلمت استاذ /عامر و سألنى عن اسم شركتى وان كانت مساهمة ولا لا . وبعد البحث اخبرنى ان عدد الشركات المساهمة اللى بيتعامل معاها البنك محدودة وان شركتى مش من ضمن القائمة.:whtauwant:
حسبنا الله و نعم الوكيل:ask:
كدة هضطر اتعامل مع كريدى اجريكول او العربى الافريق:fdsa:
سؤال للاخوة , اللى عاوز يشترى قسط حلال يعمل اية لان المرابحة مع البنك الاهلى مش نافعة ؟؟؟؟؟؟؟؟؟؟
طيب أنا موظف في جهة حكومية
متعاقد طبعا علشان مفيش تعيينات زي ما أنتم عارفين
رغم إني في المكان ده بقالي أكتر من عشر سنين
بس الحمد لله شغال في جهة حكومية مرموقة ومحترمة ومرتباتنا كويسة
المشكلة في نقطتين
الأولى إن خطاب مفردات المرتب بيبقى فيه أصل الراتب فقط بدون المكافآت والحوافز المستديمة
يعني من الآخر الجواب اللي هيروح للبنك موش هيزيد عن 1750 جنيه تقريبا
الثانية إن شغلي موش هيعمل لي أي دعم مع البنك
يعني إنسى تحويل المرتب، وآخره إنه يحول لي مبلغ القسط فقط وربنا يعلم ممكن أعمل إيه علشان أجيب الموافقة دي
وطبعا شغلي موش هيضمني عتد البنك لأن الأوبشن ده للمثبتين الحكوميين فقط
إيه الحل؟
البنك بيقبل تحويل القسط مش لازم تحويل المرتب كله
وتاني حاجه الشركه بتاعتك مش بتضمنك في اي شيء سوى موافقتها على تحويل القسط او المرتب والموافقه على اخطار البنك عند تقديمك للاستقالة او تركك للعمل وعند عمل اجازة بدون مرتب
الضمان هو توقيعك على شيكات للبنك بقيمة القسط السنوي المستحق عليك والمرتب اللي حضرتك بتقول عليه 1750 جم ده يعطيك قسط حتى 850 جم شهريا يعنيلو دفعت حضرتك مقدمه 18 الف جنيه تجيب لوجان فول اوبشن بالقسط ده وبالتوفيق ان شاء الله
طيب حضرتك ماسالتوش لو انه ممكن حد يضمن حضرتك يكون بيشتغل في جهة حكزمية او في احد الجهات الليبيتعامل معاها البنك
وكمان ممكن حضرتك تتصل برئيس ا / عامر وتتكلم معاه لان ا عامر روتيني شوية اسال عن ا / سلامه
وممكن لو جكان في اكتر من واحد من جهه واحده ممكن يعملوا طلب للبنك وفي مسئول مخاطر هوا اللي بيحدد الاستاذ عامر زي ماقال لي انه مجرد بيحضر الاوراق وبيستوفي البيانات انما مسئول المخاطر هوا صاحب القرار
وياريت بلاش اليأس بسرعه اتصلوا بالبنك وحاولوا وصدقوني هيبقى في نتيجه ان شاء الله وعايز اقول حاجه اخيره كان في شرط اسمه الحظر وربنا كرم واتشال انا هحطلكم تليفونات الناس اللي اشتغلنا معاهم وشلنا من خلالهم الحظر
ا/ خالد حسني مدير الائتمان فرع البرج 0121739542
الخط الساخن للبنك واسالوا عن ا خالد لو مش بيرد على التليفون
أكرمك الله
أنا ممكن أدفع مقدم 30 ألف
أو حتى 35 ألف لو المصاريف الجانبية موش كتير لأني أعرف إن فيه فلوس بتندفع مصاريف إدارية وحاجات زي كده
القسط ممكن يكون 850 زي ما حضرتك قلت
الحسبة دي ممكن تجيب لي عربية إيه؟
أنا موش عايز لوجان على فكرة، هي عربية جميلة بس أنا موش مستريح لها نفسيا
آسف للإثقال عليك، بس ردك علىّ ممكن يخليني أغير كل خططي، لأني فعلاً باشتري اليومين دول
ولك كل الشكر
طبعا كان نفسي تكون لوجان لكن ده فرارك ويحترم بلاشك وربنا يعطيك الخير ويكفيك الشر
المصاريف الاخرى بخلاف المقدم
35 جم استعلام + 10جم فتح حساب بالبنك + 18 جم قيمة دفتر شيكات + 103 جم مصاريف مرابحه + حوالي 220جم حسب العمر تامين على الحياة مرة واحدة
يعني قول كله 400 جم .
+ 850 جم قيمة اول قسط بتدفعه كاش
حضرتك لو دفعت مقدمه 35000 جم زقسطك 850جم ممكن تجيب عربيه في حدود مبلغ85000جم كقيمة اجمالية شاملة المقدمة يعني 35000 جم + 50000جم
بجدب بجد أنا شاكر جدا لاهتمامك وردك
وممتن جدا لذوقك والله
بس عايز أستوضح نقطة، ومعلش للرزالة،
هل القيمة الإجمالية اللي حضرتك ذكرنها تعني كل قيمة المدفوع، يعني شاملة قيمة المرابحة؟
أم تقصد القيمة الشرائية لما سأدفعه؟
يعني هل سيكون من حقي شراء سيارة قيمتها بالدفع الفوري يعادل 85000 جنيه؟
ولو حضرتك تحب ألا أزعجك كثيرا، هل من الممكن أن تشرح لي وسيلة الحساب علشان أعمله بنفسي فيما بعد؟
تدفع كام واشرحلك
عايز بس دعوة كويسة بخير الدنيا والاخرة وحسن الخاتمة والستر والبركة في اولادوي وابي وامي وزوجتي واهلي واذا زدت فمنك الفضل
شوف ياباشا لو العربية 85000 جم
حضرتك هتدفع 35تبقى000 جم مقدمه للبنك
الباقي 50000 جم *7% =3500 جم
3500*7سنوات =24500 جم
24500+50000جم=74500جم
74500/84شهر= 886جم قسط شهري
وده معناه انك محتاج تدفع كمان 2000جم في المقدمه علشان تظبط القسط 850 يبقى كده المقدمه37000جم والباقي 48000:verygood:
تليفون استاذ عامر الموظف التنفيذي للمرابحه 0125687463
للرد على اي استفسار
تليفون استاذ عامر الموظف التنفيذي للمرابحه 0125687463
للرد على اي استفسار
فيه معلومه احب اضيفها يا جماعه على التقسيط الاسلامى اللى بيكون تابع لبنك ابوظبى انه بيعمل تقسيط على سنه بدون فوائد بحد اقصى يقسط 17 الف جنيه من ثمن العربيه
ليه يا جماعه محدش بيقولنا هوا استفاد من النظام ده واشترى والا لا ولو لا ليه وايه الملاحظات يعني ليه مفيش تفاعل كله اسئله ثم اختفاء محدش بيفيدنا بتجربته سواء ايجابية او سلبية للفائدة
انا رحت امبارح (الخميس 19 اغسطس 2010) في زيارة للبنك الاهلي بالاسكندرية الفرع الرئيسي
وبعد السؤال عن المظام قالولي لا مفيش حاجة اسمها كده!!!
طبعا صدمة
فاتصلت باستاذ عامر (شكرا لاستاذ خالد انه وفر الرقم) وقالي ان في واحد في بنك الاهلي اسمه محمد حمادة وقالي اروحله
لما رجعت تاني اصر موظفوا خدمة العملاء ان لا عندهم نظام اسلامي ولا مرابحة ولا حتي حد اسمه محمد حمادة!!
حد عنده حل؟
خصوصا استاذ خالد صاحب الفكرة والموضوع وهو مشكور طبعا وجزاه الله كل خير
طيب حضرتك اتصل تاني باستاذ عامر وقولة يخلي حد من فرع اسكندرية يتصل بحضرتك وممكن حضرتك تتصل بالرقم الساخن للبنك الاهلي وتقولهم على مشكلتك وهما اكيد هيوصلوك بحد وخلي عندك اصرار على طلبك سواء مع عامر او مع اي حد احنا ما بيهمناش حد بس انتا خليتني ميكيافيلي على حتة مسند ربنا يسامحك
تليفون استاذ عامر الموظف التنفيذي للمرابحه 0125687463
للرد على اي استفسار
تليفون استاذ عامر الموظف التنفيذي للمرابحه 0125687463
للرد على اي استفسار