الموضوع: ساعتين تمنهم 16 مليار جنيه!!!!!!

المشاركة الأصلية كتبت بواسطة hazoom2006

انا معاك فى الموضوع ده

لصاحب الموضوع دلوقتى احنا استهلاكنا زاد عن السنة اللى فاتت وهما مش عايزين يصرفو على تطوير شبكات الكهربا على اساس ان ساعتين مش هتفرق كتير طب السنة الجاية الساعتين هيبقو 4 ساعات واللى بعديها هيبقو 8 ساعات وبرده هيقولو ترشيد الاستهلاك طب ومستنين اية ؟؟

يبدأو من دلوقتى فى التطوير وخلال السنتين يكون الشبكة كلها اتجددت لكن من دلوقتى يقولو ترشيد استهلاك وبعد سنتين يقطو النور خالص لما الشبكات تنهار من الضغط المتزايد

انا مش بشجع الاسراف لانه اصلا الاسراف حرام فى اى حاجة بس الاعتدال مطلوب يعنى مش اسراف ولا توفير

أنا مع حضرتك تماما لازم يكون فى تطوير و انشاءات جديدة بجانب الصيانة و ترشيد الاستهلاك زى ما أعداد السكان بتزيد و شراءهم للاجهزة الكهربية بيزيد لازم نزود قدراتنا الكهربية بدلا من ان تنهار من الضغوط الزائدة عليها و لوحتى لأقل وقت و الوضع الحالى مؤشر على هذا الانهيار .
وفعلا زى ما حضرتك قلت بدل ما كنا بنخفف احمال بالليل بس ساعتين ، أصبح الان بالليل و النهار احيانا
و بعد ما كنا بنقطع الكهرباء عن الارياف والاقاليم اصبحنا نقطعها عن المدن الكبيرة ايضا
مع تحياتى لك و لصاحب الموضوع ..

المشاركة الأصلية كتبت بواسطة tifana2010

أنا مع حضرتك تماما لازم يكون فى تطوير و انشاءات جديدة بجانب الصيانة و ترشيد الاستهلاك زى ما أعداد السكان بتزيد و شراءهم للاجهزة الكهربية بيزيد لازم نزود قدراتنا الكهربية بدلا من ان تنهار من الضغوط الزائدة عليها و لوحتى لأقل وقت و الوضع الحالى مؤشر على هذا الانهيار .
وفعلا زى ما حضرتك قلت بدل ما كنا بنخفف احمال بالليل بس ساعتين ، أصبح الان بالليل و النهار احيانا
و بعد ما كنا بنقطع الكهرباء عن الارياف والاقاليم اصبحنا نقطعها عن المدن الكبيرة ايضا
مع تحياتى لك و لصاحب الموضوع ..

طيب يعنى راي حضرتك انهم فعلا يبنوا محطات ب16 مليار جنيه ولا حتى ب 5 مليار جنيه؟ ولا تتوفر لحاجة اولى وما اكثرهم من تعليم وصحة وطرق وغيره

خاصة انهم بيردوا ببساطة ان الاستهلاك عامة مش مرتفع وبالتالى الشبكات قادرة تستحمله لكن فى وقت من 8 -10 الشبكة مبتقدرش تستحمل الضغط ومش معقولة نبنى شبكات جديدة علشان توفر طاقة لساعتين فى اليوم لمدة 3 شهور وبقية السنة معطلة بدون داع

طبعا رايك يحترم بس حتى لو بنوا شبكات جديدة احنا محتاجين كمجتمع نرشد استهلاكنا فى كل حاجة

- المياه
-الكهربا
-البنزين
-الاكل
-الموبيل
-السجاير
-الملابس
-الكومبيوتر
-الانترنت


كل ده استهلاكنا غير طبيعى مقارنة بكل العالم فيه رغم اننا شعب فقير وحالتنا ضنك

شوف يا أستاذ أحمد الاسراف احنا متفقين انه حرام فى اى شئ و الترشيد والاقتصاد نصف المعيشة أنا معاك
و الكلام بتاع وزارة الكهرباء بتاع حكاية نصرف عشان ساعتين بس مليارات بقاله 3 سنين و مش جديد و كنا مقتنعين بيه ومصدقنهم
ومبدئيا كان تخفيف الاحمال فى شهر 7 و8 بس و بعدين بقينا نخفف فى شهر 6 و 7 و8 و بعدها بسنه بقينا نخفف فى شهر 3و 4و 5و6و7 حتى الان والله اعلم حنعمل ايه فى رمضان و الشهور الجاية و السنين الجاية
وكمان بعد ماكنا بنخفف ساعتين الذروة بالليل اصبحنا بنخفف بالنهار كمان و بعد ما كنا بنفصل الكهرباء عن القرى الغلابة والاقاليم بس اصبحنا نفصل الكهرباء عن المدن الكبيرة كمان و الهم طال الكل
وبعدين المفروض انه يكون فى تنمية وتطوير هى حاجة كانت بتكفى 60 مليون حتكفى 80 مليون طبعا مش منطقى باى حال من الاحوال
و الكهرباء سلعة استراتيجية و لاغنى عنها لكل بيت أو مصنع أو مستشفى أو مطحن أو معهد أو ......... و أى استثمار و تطوير فيها حينفع على المدى القريب والبعيد ومش خسارة 16 مليار لتطويرها ...نسبتهم كام من ميزانية الدولة اللى تقريبا 300مليار و بعدين محطات الكهرباء بتتبنى فى اكتر من سنة يعنى المبلغ دا حيتقسم على 3 سنين مثلا و مش كل سنة حتبنى محطات جديدة و لكن الصياتة الدورية العادية . ..

والله كلام حضرتك سليم وجميل واكيد شريحه كبيرة منا بينفذ دة والله مستعان

المشاركة الأصلية كتبت بواسطة Tifana2010

شوف يا أستاذ أحمد الاسراف احنا متفقين انه حرام فى اى شئ و الترشيد والاقتصاد نصف المعيشة أنا معاك
و الكلام بتاع وزارة الكهرباء بتاع حكاية نصرف عشان ساعتين بس مليارات بقاله 3 سنين و مش جديد و كنا مقتنعين بيه ومصدقنهم
ومبدئيا كان تخفيف الاحمال فى شهر 7 و8 بس و بعدين بقينا نخفف فى شهر 6 و 7 و8 و بعدها بسنه بقينا نخفف فى شهر 3و 4و 5و6و7 حتى الان والله اعلم حنعمل ايه فى رمضان و الشهور الجاية و السنين الجاية
وكمان بعد ماكنا بنخفف ساعتين الذروة بالليل اصبحنا بنخفف بالنهار كمان و بعد ما كنا بنفصل الكهرباء عن القرى الغلابة والاقاليم بس اصبحنا نفصل الكهرباء عن المدن الكبيرة كمان و الهم طال الكل
وبعدين المفروض انه يكون فى تنمية وتطوير هى حاجة كانت بتكفى 60 مليون حتكفى 80 مليون طبعا مش منطقى باى حال من الاحوال
و الكهرباء سلعة استراتيجية و لاغنى عنها لكل بيت أو مصنع أو مستشفى أو مطحن أو معهد أو ......... و أى استثمار و تطوير فيها حينفع على المدى القريب والبعيد ومش خسارة 16 مليار لتطويرها ...نسبتهم كام من ميزانية الدولة اللى تقريبا 300مليار و بعدين محطات الكهرباء بتتبنى فى اكتر من سنة يعنى المبلغ دا حيتقسم على 3 سنين مثلا و مش كل سنة حتبنى محطات جديدة و لكن الصياتة الدورية العادية . ..

انا طبعا مش معنى كلامى ان الحكومة المفروض متعملش حاجة خالص ..طبيعى تستثمر فى البنية التحتية بس بمقدار الزيادة الطبيعية يعنى كل سنة بنزيد سكان بمقدار معين وبالتالى استهلاك بمقدار معين فهى تزود استثمارات على اساسه ولو معملتش كده يبقى ده عين التقصير والاهمال

ولكن مشاكل الكهرباء مبتظهرش الا فى الصيف فقط وباليل فقط لكن بالنهار بتبقى طبيعية إلى حد ما...اذا ده معناها ان الطاقة الموجودة كافية للاستهلاك الطبيعى...لكن السنة دى لان الحرارة رهيبة فالاستهلاك ارتفع بشكل كبير...جميل اوى محدش طلب من حد يقفل التكييف...لكن على الاقل اقتصد فى الحااجات التانية ...يعنى اصرف مليار واحد حتى على الكهربا ولا كل واحد يقفل النور فى الاودة اللى مش قاعد فيها (وده طبيعى من غير ازمات)

لكن لما يقولوا ان امس 27 يوليو كان اكتر يوم استهلاك كهرباء فى تاريخ مصر لدرجة انه يساوى انتاج السد العالى مرة ونص!!!!!!!!!!!!!!!!!!!!!!!!!!!!1 يبقى فى حاجة غلط

ظ„ط£ظˆظ„ ظ…ط±ط© ظپظٹ طھط§ط±ظٹط® ظ…طµط±.. ط§ط³طھظ‡ظ„ط§ظƒ ط§ظ„ظƒظ‡ط±ط¨ط§ط، ظپظٹ ظٹظˆظ… ظˆط§ط.ط¯ ظٹط¹ط§ط¯ظ„ ظ…ط±ط© ظˆظ†طµظپ ط·ط§ظ‚ط© ط§ظ„ط³ط¯ ط§ظ„ط¹ط§ظ„ظٹ


انا برده مستعد اسكت عن المناقشة لو كل واحد هنا شهد ان استهلاكه عادى من الكهرباء ومبيسرفش فيها بدون داع...ساعتها يبقى هى الحكومة فعلا هى السبب فقط وعليها حل المشكلة

المشاركة الأصلية كتبت بواسطة ahmed4000

انا طبعا مش معنى كلامى ان الحكومة المفروض متعملش حاجة خالص ..طبيعى تستثمر فى البنية التحتية بس بمقدار الزيادة الطبيعية يعنى كل سنة بنزيد سكان بمقدار معين وبالتالى استهلاك بمقدار معين فهى تزود استثمارات على اساسه ولو معملتش كده يبقى ده عين التقصير والاهمال

أحنا كدا متفقين جدا وخصوصا اننا بنحتاج كل سنة نمو بنسبة 7 % تقريبا من الطاقة الكهربية

المشاركة الأصلية كتبت بواسطة ahmed4000

ولكن مشاكل الكهرباء مبتظهرش الا فى الصيف فقط وباليل فقط لكن بالنهار بتبقى طبيعية إلى حد ما...اذا ده معناها ان الطاقة الموجودة كافية للاستهلاك الطبيعى...لكن السنة دى لان الحرارة رهيبة فالاستهلاك ارتفع بشكل كبير...جميل اوى محدش طلب من حد يقفل التكييف...لكن على الاقل اقتصد فى الحااجات التانية ...يعنى اصرف مليار واحد حتى على الكهربا ولا كل واحد يقفل النور فى الاودة اللى مش قاعد فيها (وده طبيعى من غير ازمات)

لا الموضوع بقى اكبر من حكاية الصيف صدقنى بس الصيف عز الازمة عشان كدة الكل بيحس بالموضوع دا فى الصيف

المشاركة الأصلية كتبت بواسطة ahmed4000

لكن لما يقولوا ان امس 27 يوليو كان اكتر يوم استهلاك كهرباء فى تاريخ مصر لدرجة انه يساوى انتاج السد العالى مرة ونص!!!!!!!!!!!!!!!!!!!!!!!!!!!!1 يبقى فى حاجة غلط

ظ„ط£ظˆظ„ ظ…ط±ط© ظپظٹ طھط§ط±ظٹط® ظ…طµط±.. ط§ط³طھظ‡ظ„ط§ظƒ ط§ظ„ظƒظ‡ط±ط¨ط§ط، ظپظٹ ظٹظˆظ… ظˆط§ط.ط¯ ظٹط¹ط§ط¯ظ„ ظ…ط±ط© ظˆظ†طµظپ ط·ط§ظ‚ط© ط§ظ„ط³ط¯ ط§ظ„ط¹ط§ظ„ظٹ

الكلام اللى نسمعه المفروض نحلله ونفهمه و اليك كلام الوزير

"وأكد الوزير أن المحطات المنتجة للكهرباء من "الانحدرات المائية "ستتلاشى مستقبلا .. موضحا أن إنتاج الكهرباء من هذه المحطات يمثل 8 % فقط من الإنتاج بعد أن كان السد العالى فى الماضى يمثل نسبة 60 % بمفرده فى إنتاج الكهرباء ، وعلى رغم ما تم فى العمل على زيادة قدرة السد العالى إلا أن مصر لم يعد لديها مصادر مائية جديدة ."
http://www.ndp.org.eg/ar/News/ViewNe...x?NewsID=70552

يعنى السد العالى لا ينتج سوى 8% من كمية الكهرباء المنتجة فى مصر حاليا ايه رأيك بقى !!!!
و مرة ونصف من انتاجه دى تبقى كام يعنى هما بيضحكوا علينا باى تصريحات و خلاص

المشاركة الأصلية كتبت بواسطة ahmed4000

انا برده مستعد اسكت عن المناقشة لو كل واحد هنا شهد ان استهلاكه عادى من الكهرباء ومبيسرفش فيها بدون داع...ساعتها يبقى هى الحكومة فعلا هى السبب فقط وعليها حل المشكلة

يا سيدى الفاضل موضوعك جميل وهادف و احنا المفروض نرشد الاستهلاك فى كل حاجة و بردو الحكومة تعمل اللى عليها من تطوير ونمو طبيعى لسد الاحتياج من سلعة استراتيجية مهمة زى الكهرباء بتشغل البلد كلها بلا جدال
و تقبل فائق شكرى واحترامى