رابطة مالكي المكواة...لانسر 2001-2002-2003

**A7MED_PHARMA** · 16-02-2012 06:52 PM

الــ gps
خش قسم خرايط الملاحة .. هناك هتلاقي عشروميت جي بس إس
=====
فوجات الدي ماكس
تركب عادي من غير تعديل... لو معاك قرشين زيادة .. هاتهم إستيراد شكلهم هااايل بس غاليين
=====
الكاوتش
ماتسألنيش
أنا مركب 205/45/17
إندونيسي..

**A7MED_PHARMA** · 17-02-2012 12:58 AM

المشاركة الأصلية كتبت بواسطة hanycar

متشكر لاهتمامك يا دكتور احمد بس نوع الكاوتش ايه وملكش اى محاولة مع الكربراتير والفوانيس قصدك دى مكس استيراد والا مكواه استيراد وفى حدود كام

الفوانيس
المكوة لها فوانيس إستيراد .. شوفتها كام مرة عند بتوع الاستيراد
تحفة
شبكة وفيها فانوس مدور صغير
هايلة على فكرة..
فوانيس الدي ماكس.. ماتجبش منها الصيني الرخيص
بعد كام يوم إستخدام.. بتسود وتبقا شكلها كأنها قديمة فحت
=====
الكاوتش
انا مركب الــــ 17
يعني منشف العفشة شويتين..
كان فيها قبل ماغير الجنوط..كان الــ 14 الي كان فيها.. كان بريدجستون
كان مريح العملية ع الأخر بصراحة هههههههههه
جامد ومريح
=====
الكربيراتير
أنا بظبطه عن ميكانيكي إسمه أبوكريم(حموكشة) في ديرب
راجل فنان جدااااااا

**A7MED_PHARMA** · 20-02-2012 09:25 PM

عربية هيثم
بيبيعها................
لونها أخضر فسدقي..حالتها كويسة

**Mohammedgamal** · 24-02-2012 02:46 AM

سلام عليكم يا شباب..... بعد اذنكم كنت عاوز اعرف سعر المقصين الامامي استيراد و شكرا ليكم مقدما

**faiad1** · 24-02-2012 03:00 AM

المشاركة الأصلية كتبت بواسطة mohammedgamal

سلام عليكم يا شباب..... بعد اذنكم كنت عاوز اعرف سعر المقصين الامامي استيراد و شكرا ليكم مقدما

و عليكم السلام ورحمة الله و بركاته
انا سألت عليهم النهارده عند بتوع الاستيراد قالي انهم ب 550 ج و ممكن تنزل معاهم انت وشطارتك
هو حضرتك عاوز تغير مقصات علشان الدبدبه اللي في العفشه الاماميه
وياريت العفشجي يبصلك علي المقصات علشان اهم حاجه الجلب و البيض يكونو كويسين

**faiad1** · 24-02-2012 03:03 AM

المشاركة الأصلية كتبت بواسطة hanycar

يا خبر ابيض هيثم بيبيع وشوتر اختفى وفامبير انقطعت اخباره مين بقى فاضل فى المكوجيه
لوسمحت يا دكتور كنت عاوز اسال عن تغيير جلب المقصات ايه الوحش فى تغييرها او ما العيب الذى يحدث بعد التغيير لانى غيرتها اول ما جبت العربية من سنة
وبعدين لما بمشى فى الشوارع الغير ممهدة بلاقى دبدبة ونقر فى العفشة من قدام مش عارف سببها ايه
هل ده ممكن يكون من احد اسباب تغيير جلب المقصات والا ممكن يكون من البارات الداخلية اللى هى الاتياش مع العلم البارات الخارجية جديدة
وبعدين العفشجى مرة قالى على فكرة انى الاتياش القديمة الاصلية بتاعة الفبريكة بدل ما اغيرها اروح لبيها للخراط بيعيد كبسها على المكبس وبترجع احسن من الجديد الموجود دلوقتى فهل عديت بالتجربة دى او سمعت عن الفكرة دى وايه رايك فى مسمار الميزان التايوانى افضل واللا اليابانى
وايه ممكن يكون سبب الدبدبة الموجودة فى العفشة دى

نفس المشكله اللي عندي دبدبه في العفشه الاماميه في الطرق الغير ممهده
مش عارف ممكن تكون ايه خايف اغير مقصات يطلع حاجه تاني
اللي مر بالتجربه دي يا جماعه يفدنا
انا بضم صوتي لصوت الاستاذ هاني

**Mohammedgamal** · 24-02-2012 03:20 AM

المشاركة الأصلية كتبت بواسطة faiad1

و عليكم السلام ورحمة الله و بركاته
انا سألت عليهم النهارده عند بتوع الاستيراد قالي انهم ب 550 ج و ممكن تنزل معاهم انت وشطارتك
هو حضرتك عاوز تغير مقصات علشان الدبدبه اللي في العفشه الاماميه
وياريت العفشجي يبصلك علي المقصات علشان اهم حاجه الجلب و البيض يكونو كويسين

اناكنت غيرت جلب وكبست البيض قبل كده بس المشكلة رجعت تاني بعد شهرين و واضح انموضوع الجلب غير معمر بالمرة

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة