رابطة مالكي المكواة...لانسر 2001-2002-2003

**mr_vampire** · 22-03-2011 07:13 PM

المشاركة الأصلية كتبت بواسطة shooter123

حبايبي هيثم وفامبير
هو الدكتور احمد فارما فين؟؟؟ يكونش بيحضر لصفقة ادوية كبيرة وبعد كام يوم نلاقيه في قسم ال bm

حوار الدينامو ده يا هيثم زي ما فامبير قال بالظبط بس انا عايز اسألك سؤال ممكن يبان انه تافه شوية اعذرني مقدماً
ممكن يكون الصفارة دي بسبب السيور او شداد الدينامو؟؟؟ جربت تشيك عليهم؟؟؟
معلش اصل ساعات كتيرة كانت بتحصل معايا اني اتوقع عيب كبير والاقيه بسبب حاجة هايفه

بالله عليك يا فامبير بلاش تروح الحديقة تاني لانك بتوحشنااااااااا
جرب يا هيثم وقولي وانا هنا اهو

انتا غيرت شداد الكاتينة قبل كدة ياشوتر؟؟؟؟ متعرفش سعره كام؟؟؟؟ لاني مغيرتهوش قبل كدة.

**Haitham10** · 23-03-2011 10:50 AM

الصوت ياشوتر شبه التصفير ولكنه مش تصفير او زي الي انتا تقصده الي هو (صريخ)
هو صوت خفيف كدة مخلوط في وسط صوت الموتور وبيبان موت وانا مثلا بركن او كدة ببقي سامعة وبضطر اقفل النور عشان يخف شوية
ايه الشداد دة الي تقصده هل البلية ولا ايه لاني غيرتها ..

بلية الكاتينة لو دة قصدك يا فامب كنت جبتها مرة ورجعتها ب120 تقريبا

حد فكر يغير الطارة

**unknown** · 23-03-2011 02:46 PM

في وصلة من المتور للكابرتير مش موجودة ممكن تكون ديه السبب اجبها منين وتمنها كام
انا عايز اعرف هل عربتي half injection ولا كابرتير يعني ينفع بنزين 80 ؟؟؟

**mr_vampire** · 23-03-2011 04:22 PM

المشاركة الأصلية كتبت بواسطة haitham10

الصوت ياشوتر شبه التصفير ولكنه مش تصفير او زي الي انتا تقصده الي هو (صريخ)
هو صوت خفيف كدة مخلوط في وسط صوت الموتور وبيبان موت وانا مثلا بركن او كدة ببقي سامعة وبضطر اقفل النور عشان يخف شوية
ايه الشداد دة الي تقصده هل البلية ولا ايه لاني غيرتها ..

بلية الكاتينة لو دة قصدك يا فامب كنت جبتها مرة ورجعتها ب120 تقريبا

حد فكر يغير الطارة

هي هي ياهيثم. اسمها اصلا بلية شداد الكاتينة . لانها هي ده اللي الميكانيكي بيرخيها عشان يعرف يطلع السير ويشدها لما يركب السير الجديد عشان يشد السير تاني بتبقي علي رجلاش كدة عشان تتحرك.

- وبلية ( لانها علي رمان بلي ) جزء ثابت داخلي اللي بيركب فيه المسمار ويتربط في جسم العربية وجزء متحرك اللي السير بيتحرك فوقه وبيدور مع السير.

كانت صناعة ايه ده اللي ب 120؟؟؟؟؟

بخصوص الطارة كنت فكرت مرة فكرة عابرة في طارة البومة الشكل الجديد بس عدلت عن الفكرة.

المشاركة الأصلية كتبت بواسطة unknown

في وصلة من المتور للكابرتير مش موجودة ممكن تكون ديه السبب اجبها منين وتمنها كام
انا عايز اعرف هل عربتي half injection ولا كابرتير يعني ينفع بنزين 80 ؟؟؟

السؤال الاول مش فاهمه وصلة ايه؟؟؟؟؟؟؟؟؟؟

وعربيتك كاربراتير صررررررررررررررررررف. وممكن تحطلها 80 بس تروح لميكانيكي يظبطلك الكهربا علي 80 بس هتسمع تسقيفة شوية لو كبست بنزين فجاة وممكن رجة لما تيجي تبطل. بس مفيش فرق يذكر فالسحب.

**shooter123** · 23-03-2011 07:08 PM

هي فعلا ب 120 بس مش فاكر صناعتها اية لان الكلام ده اول ما اشتريت العربية عملتلها سيرفس كامل وقمت بتغيير كل حاجة تقريبا من سير كتينه وبلية والبوجيهات والزيت وكله كله

حكاية تغيير الطارة دي بلاشها يا هيثم بطل لعب في العربية بقي
اية رايك لو انت مركب في العربية فرش جلد وعايز تظبط صالونك تخليه لونين بلد لون واحد تقريبا بنفس تكلفة تغيير الطارة

بالمناسبة يا رجالة بعد اقرار قانون الاحزاب الجديد انا نفسي اعمل حزب بس مش عارف توجه يبقي اية؟
ممكن تقترحوا عليا؟

( انا ليبرالي )

**mr_vampire** · 23-03-2011 07:30 PM

المشاركة الأصلية كتبت بواسطة shooter123

......................................

بالمناسبة يا رجالة بعد اقرار قانون الاحزاب الجديد انا نفسي اعمل حزب بس مش عارف توجه يبقي اية؟
ممكن تقترحوا عليا؟

( انا ليبرالي )

بما اننا في منتدي سيارات وداخل موضوع المكوجية بالتحديد يبقي ( حزب المكوجية الاشتراكي الديموقراطي الليبرالي ) ويكون منفصل تماما عن نقابة المكوجية عشان الناس متفهمش غلط

.
ولو علي التوجيهات مش هنغلب يعني ( ممكن نبقي لابدين فالدرة للساقطة واللاقطة وكدة فل اوي ).

ويكون من اهممممممممممم واول اهدافها تدعيم البنزين اكتر واكتر لمالكي اللانسر المكوة. وانا ممكن وقتها اكون من اول الاعضاء ( عايز مني حاجة تانية يامعلم ).

**Haitham10** · 23-03-2011 11:57 PM

طارة البومة السبور بموت فيها بس للاسف مش هتنفع تركب لازم اغير الماسورة كلها مش فاكر ليها اسم كدة المهم حسبة كبيره وفيلم طويل يعني ...
والعربيه فارشها جلد ارضيه وكراسي لا تقلق دي راحة فظيعة ...

ومتقولش ان ال80 فرق لا يذكر عشان هو يذكر ضعفين تلاته دلوقتي بجد نادر لما افكر اوصل اخر الدواسة باخد اي سحب انا عايزه بسهوله جدا ولازم ترجرج في التبطيل ونادر لما ميحصلش وبتكسفك كتير في التشغيل لو العربيه مش بارده ممكن متدورش هههههه
بس فرق النص في الفلوس بصراحة

**shooter123** · 24-03-2011 05:49 AM

طيب يا هيثم ورأيك ايه في الحزب وللعلم حيكون من اول اولاوياته دعم البنزين واسعار الكاوتش

فامبير حكاية انه يكون مخصص لملاك اللانسر مش حينفع لان القانون بيقول انه ميكونش علي اساس التمييز
فمش حينفع نميز العربيات عن بعضها لازم الكل سواسية ادام البنزين قصدي القانون

انا شايف كمرحلة اولي نلم تبرعات ولو لميت مبلغ حلو حعينك امين التنظيم يا فامبير
ومحدش يفهمني غلط في موضوع امين التنظيم دي هو اه فامبير مهندس بس مش زي احمد عز

**unknown** · 24-03-2011 10:23 AM

المشاركة الأصلية كتبت بواسطة mr_vampire

السؤال الاول مش فاهمه وصلة ايه؟؟؟؟؟؟؟؟؟؟

في وصلة من المتور للعامة بتاع الكابرتير مش موجوده عندي

**shooter123** · 24-03-2011 10:56 AM

فين الوصلة دي؟؟؟ يمكن تقصد الماسورة الكاوتش؟؟؟ ولو مش هي ينفع صورة بالنهار؟؟؟؟؟؟

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة