رابطة مالكي المكواة...لانسر 2001-2002-2003

**mr_vampire** · 22-03-2011 03:01 AM

المشاركة الأصلية كتبت بواسطة shooter123

حبيبي يا هيثم وحشني جدا
يا رجالة يا ريت اللي بيشتكي من اي فتيس يحدد هو مانيوال ولا اوتوماتيك
لو مانويل عندنا دكتور احمد فارما وعندنا الباشمهندس فامبير حبيبي اللي مطنشني
ولو اوتوماتيك معاكم العبد لله وهيثم باشا

حبيبي ياشوتر والله بس كنت موقوف كدة يوم ( اعتبرته فسحة فالحديقة ورجعت تاني الحمد لله ).

ياريت نحدد الكلام علي مانيوال ولا اوتوماتيك.

وانا عندي التقل بيبقي في الاول بس اول ماادورها وشوية وتسخن وتبقي فل الحمد لله. لو التقل بيبقي دايم يبقي ده قصة تانية بقي.

**unknown** · 22-03-2011 10:01 AM

ايه يارجالة ابيع العربية
مفيش حد معبرني اييييييييييييييييه

**shooter123** · 22-03-2011 11:10 AM

حبيبي يا فامبير
مشكلة الفتيس في بدء الدوارة دي طبيعية جدا لان الزيت بتاعه بيبقي لسه هو كمان بارد ولما العربية بتسخن كله بيمشي فل

unknown
هي اية المشكلة اصلا ويا ريت تكتب بالتفصيل وتحدد فتيسك مانيوال ولا اوتو

**Haitham10** · 22-03-2011 11:49 AM

unkown
مشكلتك دي في حاجتين .. السخان ودة مسمار بتعلي وتوطي منه ودة مهمته في وقت تشغيل العربيه وهي باردة ولو واطي زيادة هيخليها تعمل معاك كده

والترموستات .. ودة بيبقي في كوعة بتاعت المياه الي جايه من الرادياتير ودة بيبقي منظم دورة تبريد المياة حسب حرارتها ودة ممكن يخليها تسخن بالتصوير البطئ وبتفضل عصبيه حتي بعد ماتمشي بيها وتسخن لدقائق

شوتر .. متحرقش بالنقلات المانوال عشان هتحرق كدة زيت الفتيس برضه انا تقريبا من يوم ماقلتلك عليها مستخدمتهاش غير مرة
وسيبك من فامبير عشان دة اخد العدوي و مشي ورا فارما وادي جزاء الي ميسمعش الكلام ههههههههه بس كان شكلك حلو وانت موقوف يا نصه :D

**mr_vampire** · 22-03-2011 01:35 PM

المشاركة الأصلية كتبت بواسطة Haitham10

unkown
.................................................. ................................
وسيبك من فامبير عشان دة اخد العدوي و مشي ورا فارما وادي جزاء الي ميسمعش الكلام ههههههههه بس كان شكلك حلو وانت موقوف يا نصه :D

الوقف للرجالة. والوقف اللي ميكسرش بيقوي.

واحرق ياشوتر براحتك بالعند في هيثم واستمتع باحساس السحب المانوال.

**shooter123** · 22-03-2011 02:23 PM

حبيبي يا هيثم
متقلقش انا من ساعه ما انت قلتلي عليها ولجربتها ولقيتها بتاكل بنزين بعبط بطلتها

انا نفسي اعرف فامبير بيعمل ايه عشان كل يومين نلاقيه علي دكة الاحتياطي؟؟؟؟
اكدي بيضرب شيكابالا

**mr_vampire** · 22-03-2011 04:16 PM

المشاركة الأصلية كتبت بواسطة shooter123

....................................

انا نفسي اعرف فامبير بيعمل ايه عشان كل يومين نلاقيه علي دكة الاحتياطي؟؟؟؟
اكدي بيضرب شيكابالا

ولا حاجة ياشوتر خلاف بسيط مع المدير الفني فنتج عنه استنصاد. هو اكيد استنصاد. لابد وحتما انه استنصاد.

**Haitham10** · 22-03-2011 06:41 PM

نفس كلام اللعيب التاني الي برضه بيقعد عالدكة جمبك
احنا جايين نهدي النفوس ياجماعة

صحيح انا عندي حاجة غريبه مضايقاني وهي الدينامو
الدينامو شحنه مظبوط وحتي لما اتفك لاقينا البلي بتاعه مش خشن ومع ذلك غيرته ببلي ياباني احسن من الي كان فيه ومفيش اختلاف
بيطلع صوت زي التصفير كدة والنور بيحمل علي العربيه جامد اوي خصوصا مع السلانسيه وبيضعف

كهربائي اخر مازهق قالي عايز يتغير وانا مش مقتنع بصراحه للاسباب الي قلتها في الاول .... حد عنده فكرة او موقف زي دة قابله

وبرضه حد اشتري عمة الهوا الي فوق عشان المفروض اغير الي عندي الي يعرف سعرها يقول عشان لو غالية يبقي هعمل زي فامب واعمل كوع وفلتر سبور احسن

**mr_vampire** · 22-03-2011 06:53 PM

المشاركة الأصلية كتبت بواسطة Haitham10

نفس كلام اللعيب التاني الي برضه بيقعد عالدكة جمبك
احنا جايين نهدي النفوس ياجماعة

صحيح انا عندي حاجة غريبه مضايقاني وهي الدينامو
الدينامو شحنه مظبوط وحتي لما اتفك لاقينا البلي بتاعه مش خشن ومع ذلك غيرته ببلي ياباني احسن من الي كان فيه ومفيش اختلاف
بيطلع صوت زي التصفير كدة والنور بيحمل علي العربيه جامد اوي خصوصا مع السلانسيه وبيضعف

كهربائي اخر مازهق قالي عايز يتغير وانا مش مقتنع بصراحه للاسباب الي قلتها في الاول .... حد عنده فكرة او موقف زي دة قابله

وبرضه حد اشتري عمة الهوا الي فوق عشان المفروض اغير الي عندي الي يعرف سعرها يقول عشان لو غالية يبقي هعمل زي فامب واعمل كوع وفلتر سبور احسن

مادام جبت سيرتي يبقي انتا عالطريق الصائب بلا شك

دوس ياهيثم فحوار الفلتر الاسبور والله هتستمتع ولما تزهق منه شيل ورجعها زي الاول.

-بخصوص الدينامو: اكشف علي رمي الدينامو وهو ده الفيصل. انما حد يخترع ويقولك غيره يبقي يروح يلعب فالطين احسنله. وتحميل النور عالعربية فالسلانسيه عادي جدااااااااا وهتلاحظه فأغلبية العربيات ( بفرض ان البطارية حالتها تمام طبعا ).

**shooter123** · 22-03-2011 07:06 PM

حبايبي هيثم وفامبير
هو الدكتور احمد فارما فين؟؟؟ يكونش بيحضر لصفقة ادوية كبيرة وبعد كام يوم نلاقيه في قسم ال bm

حوار الدينامو ده يا هيثم زي ما فامبير قال بالظبط بس انا عايز اسألك سؤال ممكن يبان انه تافه شوية اعذرني مقدماً
ممكن يكون الصفارة دي بسبب السيور او شداد الدينامو؟؟؟ جربت تشيك عليهم؟؟؟
معلش اصل ساعات كتيرة كانت بتحصل معايا اني اتوقع عيب كبير والاقيه بسبب حاجة هايفه

بالله عليك يا فامبير بلاش تروح الحديقة تاني لانك بتوحشنااااااااا
جرب يا هيثم وقولي وانا هنا اهو