رابطة مالكي المكواة...لانسر 2001-2002-2003

**HANYCAR** · 29-04-2011 01:59 AM

بعد مساء الخير يا جماعة
اولا باقولك يا دكتور حمدلله على سلامتك اللى يجى فى الحديد يتقدر عليه 0
وعلى فكرة كل ما تعمل حاجة فى العربية حيصل حاجة تانية بسبب العيون ربنا يكفينا شرها 0
وبعيد عنك ان عندى جار سكان فى وش البيت يكفيك شره منغص عليا حياتى شفنى اليومين اللى فاتوا خرجت كتير بالعربة وركز معايا خصوصا لما شفنى راجع يوم شم النسيم وعرف انى كنت بفسح الولاد وبعيد عنك العربية دبدبت وكركبت وخبطت وعلى السرعة من 40 الى 90 بقت تيجى خشانة فظيعة وتحس كانى فى بلى بيفرك فى العربية 0
وبعيد عنك يوم الاربعاء رحت لبتاع العفشة صرفت اكثر من 600 جنيه
لقيت قاعدة الماتور الجمل اتقطعت حبت بدلها تايلاندى بـ 110 جنيه
والقاعدة الامامية للماتور بردو اتقطعت جبت الاصلى استعمال بـ 100
وكوبلن كان بيخبط جامد قعد العفشجى يفك فيه اكثر من ساعة مكنش عايز يتفك واضطر انه يفك الكوبلن الثانى وكانت المفاجاة انه الكوبلن من ناحية ما يركب فى الطنابير كان مفكوك من بعضه لان التيله الداخلية كانت متفرتكة غير لها التيلة وملاه شحم والكوبلن الصغير المعصلج اتفك بعد صعوبة لاقى الكاس اللى بيركب فى الفتيس فاضية شحم خالص فقالى انه البوش اللى فى الكاس خفيف ولو اتملى شحم هيروح البوش والدقة الموجودة فيه والبارة الداخلية الطويلة اليمين مبوشة سنة بسيطة 0
فما ريك فى عين زى دى قاعدة فى وشك ليل ونهار ربنا يكفيك الشر 0
بس كنت عاوز اسال العربية لانسر 2002 منيوال 1300 بعد ماعملت شوية الشغل فى الكبالن فطبعا نزل بعض زيت الفتيس وكان العفشجى جرب معايا العربية وقالى الفتيس فيه نسبة خشونة ولما شاف الزيت قالى انه زيت فتيس 90 وقالى انه خفيف على الفتيس فى البلاد الحارة فاحسن تغيره لزيت فتيس موبيل 140 ولما لاقانى قلقان من حكاية التغيير قالى بلاش زود الزيت بدل اللى نزل اثناء فك الكبالن بكيلو 140 فهل الكلام ده يعالج خشونة الفتيس
ولو حبيت اغير زيت الفتيس من 90 الى 140 احتاج كام كيلو وهل يوجد ضرر
وهل ممكن ازود النقص على باقى الزيت 90 انى احط واحد كيلو 140 سيعالج الخشونة البسيطة الموجود فى الفتيس والا خلط الزيوت 90 مع 140 خطأ

**mr_vampire** · 29-04-2011 06:43 PM

هو المفروض مؤشر الأر بي أم يبقي علي كام ياشباب في السلانسيه من غير تكييف وبالتكييف؟؟؟؟؟؟؟؟

عملت معايا حركة بايخة اوي معايا امبارح بسبب السلانسيه والظاهر كانت اوطي من المفروض.

**HANYCAR** · 29-04-2011 09:42 PM

يا فامبير يا ريت توضح عملت معاك ايه بالضبط علشان اعرف اجوبك
وياريت يا جماعة حد يرد عليا فى موضوع زيت الفتيس علشان عاوز ازوده لو كان حد مر بالموضوع ده او سمع عنه ازود زيت فتيس منيوال كثافة 90 ولا 140 العفشجى بيفضل 140 لانه تقيل والفابريكه بتحط 90 فالعفشجى قالى ان ال90 للبلاد الحارة مبيبقاش حلو واللى ناقص عندى 1 ك والباقى 90 فاحط 140 ولا 90 افيدونى

**HANYCAR** · 30-04-2011 09:21 AM

طب حد يفيدنى يا مكوجية هو الفتيس المانيوال للانسر 2002 بياخد كام كيلو زيت

**HANYCAR** · 30-04-2011 11:39 AM

ايه يا مكوجية انتو فين محدش بيرد عليا ليه
دا انا خارج بالعربية وعاوز اعمل موضوع زيت الفتيس ده فمن فضلكم ردوا عليا

**mr_vampire** · 30-04-2011 02:48 PM

اللي حصل معايا مع التكييف اني لما اجي امور او اضرب فرامل طبعا بشيل رجلي من عالبنزين فطبعا الار بي ام بيقل خالص بس لاحظ انه كان تحت خاااااااااااااااااااااااا ااااااالص ممكن بين اول شرطتين فبطلت مني وشرقت وكنت في حتة زحمة جدا بس الحمد لله دارت بعد محاولتين.

هو المفروض لما اشغل التكييف الار بي ام يعلا ولا يقل ( علي اساس انه بيحمل عالموتور ).

وبخصوص استفسارك كام لتر للفتيس مش عارف والله لاني مجربتش اغيرله بكشف عليه بس.

**Haitham10** · 01-05-2011 06:40 AM

المفروض يعلي شرطة او اتنين .. وغالبا هتلاقيه 950 1000 للمانوال دة مع التكييف .. ودة سبب انها بتستهلك بنزين اكتر مع تشغيله...... ياهاني باشا لو اقدر افيدك في المانوال كنت قلتلك بس ممكن تشوف البومة 1300بتاخد كام في مواضيع القسم

**elshweakh** · 01-05-2011 07:22 AM

اولا موضوع الزيت بتاع الفتيس معرفش حاجه عنه لانى اوتو
ثانيا الحقونى بقااااااااا
التفويله بتعمل معايا 350 ك بس
ولسه مظبط كربراتير قريب جداااااا
بس واحد صاحبى قالى اغير بوجيهات واركبها 2 شمعه لان الى عندى واحد شمعه بس شغالين
مباظوش ايه رايكوا ممكن بجد ده يكون السبب

**mr_vampire** · 01-05-2011 02:10 PM

المشاركة الأصلية كتبت بواسطة haitham10

المفروض يعلي شرطة او اتنين .. وغالبا هتلاقيه 950 1000 للمانوال دة مع التكييف .. ودة سبب انها بتستهلك بنزين اكتر مع تشغيله...... ياهاني باشا لو اقدر افيدك في المانوال كنت قلتلك بس ممكن تشوف البومة 1300بتاخد كام في مواضيع القسم

طيب بقولك ياهيثم الار بي ام بيقل مع تشغيل التكييف وده اللي خلاها تبطل مني فده معناه ايه ؟؟؟؟؟؟؟؟؟؟؟

**zoro007** · 01-05-2011 03:57 PM

المشاركة الأصلية كتبت بواسطة mr_vampire

طيب بقولك ياهيثم الار بي ام بيقل مع تشغيل التكييف وده اللي خلاها تبطل مني فده معناه ايه ؟؟؟؟؟؟؟؟؟؟؟

حصلت معايا من كام يوم كنت روحت للميكانيكى يشيك على المكنه وبعدها حصل الموضوع دا ان لما اشغل التكييف الار بى ام يوطى واحس ان العربيه هتبطل

رجعتله تانى لقى خرطوم مفكوك من وقت الظبط اللى فات وركبه العمليه ظبطت

اكيد بنسبه كبيره فيه خرطوم مفكوك من مكانه