رابطة مالكي المكواة...لانسر 2001-2002-2003

**mr_vampire** · 13-08-2010 05:07 PM

طب معندكش فكرة في المانوال ممكن احرق عالغيار لحد كام عالار بي ام لاني مظبط اني اغير علي طول عند ال 3 وساعات 3ونص ده كدة كتير المكنة ولا عادي مادام مجبتش الريد زون. انا بسال كدة عشان مش عايز احرق علي غيار جامد ويبقي غلط عليه وفي نفس الوقت مش عايز اغير قبل مالغيار يشبع واكون بكتم العربية .

**shooter123** · 13-08-2010 07:07 PM

هات اخر نفس الغيار يا ابو حميد وطبعا ما تروحش علي الريد زوون
وكل سنة وانت طيب

**smwel** · 20-08-2010 07:14 AM

المشاركة الأصلية كتبت بواسطة shooter123

هات اخر نفس الغيار يا ابو حميد وطبعا ما تروحش علي الريد زوون
وكل سنة وانت طيب

اسف على التطفل و ارجو ان تقبلونى صديق لكم و انا من عشاق المكوه و ليا 3 شهور بدور على وحده خلتها حلوه قوى و مش لاقى لكن ان شاء الله الاقى بس كان عندى استفسار معنى كلام حضرتك انى ممكن افضل لغايت 5 فى ال rpm و ميحصلش حاجه للموتور و ارجو قبولى معكم

**MARTINDALE** · 20-08-2010 03:02 PM

اهلا بكل مكوجيه المنتدى

يا جماعه انا كنت حابب ابيع عربيتي بس ماليش في البيع خالص

عايز اعرف ممكن توسى كام
2003 مانيوال - باور - زجاج كهرباء - رافع زجاج اوتوماتيك - زينون - الكبوت والاكصدام الامامي رشيته نظافه - الحمدلله العربيه حالتها ممتازه ولسه مغير عفشتها.

ياريت لو حد يفيدني اتكلم في حدود كام؟؟

**A7MED_PHARMA** · 20-08-2010 10:46 PM

المشاركة الأصلية كتبت بواسطة ahsd2000

اهلا بكل مكوجيه المنتدى

يا جماعه انا كنت حابب ابيع عربيتي بس ماليش في البيع خالص

عايز اعرف ممكن توسى كام
2003 مانيوال - باور - زجاج كهرباء - رافع زجاج اوتوماتيك - زينون - الكبوت والاكصدام الامامي رشيته نظافه - الحمدلله العربيه حالتها ممتازه ولسه مغير عفشتها.

ياريت لو حد يفيدني اتكلم في حدود كام؟؟

لون العربية إيه؟؟
حالة الدواخل والخوارج؟؟
حالة الصالون ؟؟
حالة الموتور؟؟
....................
وعلى إفتراض إن كل حاجة تمام
يبقا مش أقل من 62 وإنت طالع

**shooter123** · 21-08-2010 07:34 AM

يا صمويل ده
الاول بس اهلا بيك صديق لنا كلنا
انت باين عليك دورت علي المكواة في حته تانية لان الدكتور السعر اللي قاله ده قريب جدا من الواقع خصوصا لما نبص لحاجتين مهمين جدا
( ارتفاع سعر العربية المكواة تحديدا لانها كاربراتير وده بيوفر في تكلفة التشغيل بنسبة تصل الي 40% بالاضافة لارتفاع اسعار السيارات بصفة عامة اوائل الشهر الحالي )
تصدق بقي اني عربيتي حاليا بظبطلها الاكصدامات والعتب واسبويلر ايفوليشن هي 2003 اوتوماتيك كاملة 4 وحدات رفع - فرش جلد - طقم جنوط ماليزي بكاوتش برجيستون سرعات - كاسيت سي دي مع جي ام بايونير وسماعات بايونير اصلية - سنسور بارك - شنطة طواري مستوردة تشمل حقيبة اسعافات اولية ومثلث عاكس ومنفاخ كهربي يعمل علي الولاعة وحاجات كتيرة تانية كماليات طبعا غير الاساسيات اللي هي تكييف تلاجة بمعني تلاجة وفامبير عارف لانه شاف عربيتي وجربها كمان وباور وسنتر ... الخ
وحقيقي اتحطلي علي الكبوت 68 الف وحياة الشهر اللي احنا فيه ده ومردتيش ابيع ( فقري طبعا ) بس انا جتلي فترة كنت فعلا حبيع ولكني تراجعت لان العربية مريحة وعشان اركب نفس المستوي محتاج ادفع مش ااقل من 20 الف وللاسف ممعيش
صدقني لو اتكعبلت في حالة ممتازة او علي الاقل جيدة الفلوس اللي حتدفعها حترجعلك راحة بال وتوافر قطع غيار وتكلفة تشغيل اقتصادية جدا واعتمادية عالية مقارنة باي سيارة في فئتها

حاجة اخيرة
ممكن كنت ابيع بال 68 واجيب بومة بس الفرق بيني وبين البومة 6 شهور لاني عربيتي موديل مارس 2003 والبومة نولت اكتوبر 2003 برده وانا مرتاح جدا لعربتي ومضمنش لو بعت الاقي بنفس الحالة ولا لأ حتي لو لانسر زيها
واسف علي الاطالة بس حبيت اديك فكرة عن سعر العربية دي بالذااااات

**rocker** · 21-08-2010 08:18 AM

المشاركة الأصلية كتبت بواسطة haitham10

حد فيكم جرب الاوتوماتيك بس الغيارات ياخدها مانوال وشاف العربيه بتسحب ازاي ؟
انا بالصدفه قلت اجرب واحرق شوية عشان افوق الموتور لاقيت ان

l = 60
2 = 90-100
3 = 150
وملحقتش ابقي اخليها تاخد الرابع علي الd عشان الطريق مساعدش بعد كذه محاولة

بس حقيقي تسقيط الغيارات بالفتيس احسن بكتير من الكيك داون والانتظار وبتحرق بمزاجك علي الغيار

صباح الخر يا هيثم
ممكن نعمل كده بالفتيس الاوتوماتيك من غير مشاكل بالموتور ؟
لان الكيك داون له نظام تانى فى الغيار
ممكن تحكى فى تجربتك صوت الموتور كان عامل ازاى ؟

**Haitham10** · 21-08-2010 08:22 AM

هو سعر العربيه دي لو عداد قليل وحالة رقم 1 هتساوي زي ما الدكتور قال 61 62 بس حاليا بسمع ان اسعار العربيات كلها زادت فمعرفش هتسوي كام

شوتر انت بتحط بنزين ايه وبيستهلك كام معاك في الصفيحة بالتكييف ومن غير

**Haitham10** · 21-08-2010 08:27 AM

المشاركة الأصلية كتبت بواسطة rocker

صباح الخر يا هيثم
ممكن نعمل كده بالفتيس الاوتوماتيك من غير مشاكل بالموتور ؟
لان الكيك داون له نظام تانى فى الغيار
ممكن تحكى فى تجربتك صوت الموتور كان عامل ازاى ؟

ماهو صوت الموتور كان اكتر حاجه حاببها خصوصا لما العربيه بتكن علي الغيار بتاعها بيبقي صوت الموتور رياضي اوي

عموما ممكن تجربها نقله نقله بس عينك علي الrpm ومتخليهوش يعدي 5 وفي نفس الوقت تكون خافف برجلك بنزين وتكمل كانها مانوال تدريجي علي الدواسة بس بسرعه شوية
هتحس بسحب وكلام تاني يمكن يكون الكلام دة كله زي الكيك داون بس تحكمك بيقرص زيادة علي العربيه .... طبعا كل الكلام دة لمجرد التجربه مش شغال عمال علي بطال لانها اكيد غلط الحرق علي الموتور كتير

علي فكره انا الغيارات مجابتش السرعات دي من اول مرة يعني التاني كان اخره 85 90 بقي بيجيب 100 بنفس القرصه وممكن يجيب اكتر بس مش عايز اولع في العربيه
والتالت بيجيب 140

بس خلو بالكم ... البنزين هيتشفط وهتنسي نفسك وهتعيش الدور

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة