رابطة مالكي المكواة...لانسر 2001-2002-2003

**DRACULA** · 13-05-2011 02:49 AM

شكرا على الرد وهى عربية إبن خالتى وأخويا
انا شخصيا من نفس العيلة بس المرحلة اللى قبلكم
كريستالاوى
والحمد لله لينا مرايات ضم وكهربا والحياة عال العال
بس انا سمعت ان بيركبلها المرايات الكهربة بتاعت البومة
وبنفس الزرار ولكن مش ضم
فهل ده صحيح ولو صحيح سعرهم تقريبا كام؟

**shooter123** · 14-05-2011 02:43 AM

يا جدعان مفيش مرايات ضم صدقوني ولو لقيت حتلاقي بتاعت السفيك وشكلها علي العربية حيبقي زبالة

**Haitham10** · 14-05-2011 10:19 AM

تقريبا يا شوتر العربيه مفيهاش مرايات كهربا والزجاج الخلفي بيبقي اوكر عادة ودة نادرا لما تلاقي عربيه كدة واظن اتكلمنا احنا عن الموضوع دة ..

فالراجل بيدور علي مرايات كهربا بزرارها وطبعا بتوع البومة ينفعوا
اما سعرهم كام بالزرار معنديش فكره بصراحه هي المرايه الواحدة استيراد ب350 تقريبا وتايواني ب110

**HANYCAR** · 14-05-2011 07:12 PM

مساء الخير يا جماعة انا انشغلت شوية عنكم لانى كنت فى مشكلة موجودة فى العربية 2002 مانيوال جابتلى جنان
كنت سافرت فى شم النيم الى وادى النطرون وانا رايح العربية كانت ناعمة وزى الفل واول مرة فى حياتى اجيب 145
وبعدين دخلت على مدق علشان اخش مزرعة وربنا لا يوريكو لاقيت حاجة قاعدة تدقدق فى العفشة مع انى كنت ماشى على التانى زى السلحفاة وان خارج من المزرعة على نفس المدق سرحت ثانية مع الموبيل ولفت العربية ودخلت على شوية رمل عاليين مع العلم انى كنت ماشى على الثانى بردوه زى السلحفة وبعد ما طلعت على الطريق لاقيت خشونة رهيبة فى العربية
وبعدها بيومين رحت لبتاع العفشة وكان الاتى :
لاقيت الكوبلن الداخلى شمال بيدقدق جامد لانه كان فاضى شحم وعملناه
الكوبلن الخارجى يمين مفكوك من العمود بتاعه لان التيله اللى مسكاه اتكسرت وركبنا تيله جديده
بارة الدريكسيون الداخلية يمين فيها عضة خفيفة اوى وغيرناها بواحدة استعمال
ولاقينا قاعدة الماتور الجمل مقطوعة والقاعدة الصغيرة الامامية كمان وغيرناهم وزودنا الفتيس زيت علشان فكنا الكبالن
ولما طلعنا نجرب على يومين نلاقى خشانة مسمعه جامد فى العربية وفى الدوسات
ورفعنا العربية وكشفنا على العجل عجلة عجلة ولاقينا البلى كله كويس
فقالى العفشجى نرفع العربية من قدام ودورنا الماتور واديناها غيار وجاب لافيه وسمع البى عند الطنابير وسمع الفتيس وقالى البلى ناعم والفتيس هو فيه الخشونة
روحنا لبتاع فتيس وحكناله على الخشونة قالى بلى فتيس بس نجرب الاول
بعت معايا صنيعى من عنده راجل كبير ولما جريت وجت الخشانه قالى دوس دبرياج مور فتيس قالى الخشونة بردوه موجودة فالخشونة ديه خشونة بلى عجل
والمعلومة الجديدة اللى عرفها العفشجى من بتاع الفتيس ان بلى العجل يتعرف خشونته اكثر والعربية ماشيه مش وهى مرفوعة والخشونة اللى سمعها من الفتيس والعربية مرفوعة ده لانى الكبالن مش وخده راحتها والعربية مرفوعة فبتعمل حس الخشونة ده
المهم غيرت بلى العجل الامامى فالعربية استريحت شويه بسيطة ولكن بدره فى احساس بصوت خشونة مسمع فى العربية
فيا ترى فى حد قابلته مشكلة زى دى
وهل ممكن الكوبلن يعمل خشونة وليس طقة
وبعد شغل العفشة ده كله لما بمشى فى شوارع تعبانه على الهادى بسمع صوت دردره من العفشة

**Haitham10** · 16-05-2011 05:10 AM

أ.هاني اولا الف حمدلله علي سلامة عربيتك ... بالنسبه لقواعد الموتور هل غيرتها بتايلاندي ولا استيراد لان دي اكتر حاجه رخمة في اللانسر وحاول تشيك علي الكاوتش عشان ميكونش فيه هواا زيادة بيعمل صداع ليك وللعربيه

**HANYCAR** · 16-05-2011 08:27 AM

متشكر لردك يا هيثم باشا
بالنسبة لقواعد الماتور غيرت القاعدة الجمل اللى ورا الماتور بتايلاندى من شارع دمشق بـ 85 جنيه وكانت الاصلية عاملة فى حدود 375 والصغيرة اللى عند الريداتير غيرتها اصلى خلع من عند العفشجى بـ 100 جنيه
اما بالنسبة لمقاس الهواء فديما كنت اول ما اعمل شغل فى العربية او كل اسبوع اضبط الهوا بتاع الكاوتش
لكن الخشانة دى فجئة فى العربية ومش بتروح وتيجى نقول الكاوتش هواه زيادة او ناقص مش بياثر

**HANYCAR** · 16-05-2011 08:39 AM

بالنسبة لبلى العجل الخلفى سمعت انه بيتغير بالسرة فهل حد غيره قبل كده واتكلف كام تمن البلى بالسرة

**shooter123** · 16-05-2011 01:29 PM

سامع يا عم هيثم
امال الراجل ده بقي يقول اية ؟؟؟؟؟؟؟؟؟؟

**HANYCAR** · 16-05-2011 07:46 PM

فهمنى يا شوتر سامع ايه واقول ايه
هو انا اضحك عليا فى حاجة ارجو انك تفهمنى علشان محدش يشتغلنى
وبالنسبة للمساعدين الامامى حد جرب وجاب استيراد او جديد وبكام لانى العفشجى قلقنى شوية فى المساعدين الجديد لانه واحد جبله مساعدين kyb جداد ركبهملوا وبعدها بشهرين جه غيرهم ورماهم لانه لاقهم محجرين

**shooter123** · 17-05-2011 03:03 PM

لا يا هاني باشا لا تقلق من اي شئ
بس من وجهه نظري الشخصية التي لا تفرض عليك التقييد بها
ان العربية اصلا عفشتها كلها لازم تنزل وتجيب عفشة كاملة استيراد و4 طنابير بصرة العجل بالببلي انا عارف ان الموضوع مكلف بس عشان اجيبلك من الاخر

اما بالنسبة لكلامي مع هيثم ده لان عربيته هو عايز يبعها عشان فيها شوية اعطال بسيطة جدا فقلتله شوف بقي الراجل ده بيعاااااااااااااني وبرده صابر
معاك ربنا