رابطة مالكي المكواة...لانسر 2001-2002-2003

**mr_vampire** · 26-09-2010 01:45 AM

المشاركة الأصلية كتبت بواسطة a7med_pharma

هوا هوا نفس الحوض بتاع المكوة ..هوا بتاع البومة..ماعدا بوووز البومة الطويل
إنما مكان القواعد زي بعض ..والباقي زي بعضه

وللأسف...المكوة -والله أعلم- كلها 1300
أنا مكنتي سليمة ...بس عاوز الــ1600 ..وعاوز اوتوماتيك

لا فيه مكوة 1600 و 1800 و 2400 بس وارد امريكا لو سالت عند بتوع الاستيراد هتلاقي كتير بالفتيس وبالعفشة كاملة.

من ناحية تانية متهيالي هتلعب فالعربية جامد كدة هتقلل سعرها لو فكرت تبيع فبيع واشتري بومة 1600 اوتوماتيك بقي ( علي الاقل هتبقي اوتوماتيك اورينجال )بدل ماتجيب وميكانيكي يعك ويشيل ويحط. الا بقي لو انتا مصمم عالتمسك بالمكوة كشكل وعايز تحسن الاداء ومبتفكرش في بيع.

**bmya** · 26-09-2010 05:05 AM

التسقيط اليومين معتش مشكله زي زماان
وبصراحه المكوه عربيه شرسه اوي وشكلها شد من البومه لما بتتظبط بس الفرق كبير ياعم احمد اعتقد
لف لفه برده لو ناوي يعني انزل الحرفيين شف وانزل بورسعيد برده فوكك من بتوع الاقاليم بيغلوا في كل حاجه عشان المعروض قليل فكل محل بيضرب سعر مع نفسه

**shooter123** · 26-09-2010 09:12 AM

تصدقوا انها في الشد بتبقي جميلة اوي
والله بشد بيها جامد جدا جدا ومش بتقولي لا
في يوم كنت انا وابن عمي طالعين علي طريق المحلة الكبري وشدينا سوا هو معاه اوبل فيكتر 2000 سي سي اوتوماتيك وانا بالمكواة 2003 اوتوماتيك لعبت جامد معاه بس لما الطريق اتفتح يدوبك كنت شايف الفوانيس بتاعته
بس ده خلاني متمسك بها وبثباتها وسرعتها الممتازة وتجميعها الفوق الفظيع ولا كأنها اوتوماتيك

**A7MED_PHARMA** · 27-09-2010 10:03 PM

أنا كنت عند الكهربائي بتاع شريف bmya
وكان بيقولي إن واحد من زباينه كان مسقط 1600 اوتومايتك للمكوة
ودخل الموتور القديم في الجديد .. ودفع فرق 4000 جنيه
بس الموتور القديم بتاعه كان مهلوووووووك
وأنا الموتور بتاعي كويس
فأنا مستغلي الموضوع ده بصراحة ...

أول فرصة هنزل الحرفيين ..هشوف الحوار ده عامل كام هناك

**mr_vampire** · 29-09-2010 03:08 PM

المشاركة الأصلية كتبت بواسطة haitham10

انا موتوري كويس برضه وعامل 100 الف كيلو
بس بأمانة العربيه مغرية نفسي في شد احلي من كدة فعشان كدة مهتم في موضوع المكنة دة عشان اعمل حسابي واظبط عشان اتوكل علي الله فيها خصوصا لسه في موضوع عفشه متنساش وبأمانة لو في abs يبقي خربت
بس ربنا يسترها في خراب الجيوب

بمناسبة خراب الجيوب انا حطيت زيت فيسيكو 2000 المرادى قلت اجرب والتجربة حتي الان عســـل
الجركن بتغيير الزيت ب76 تقريبا وهنا بيقولوا بيقعد 10 الالاف كيلو والراجل قال 3000 وعموما انا كدة كدة من قبل مايوصل 3 هتابعه لحد مااعرف اخره كام وفي جميع الاحوال لو هيقدر يصمد ل5 يبقي جامد

وتوبة اني احط موبيل اكس نيله دة لانه فعلا بيشحرر المكنة من بعد اول الف زي مايكون ماشي عليها الف زيادة و105 كتير عليه بجد

ماله ياهيثم موبيل اكس لاني بحطه وبصراحة بلاحظ انه بعد اول الف منسوبه بيقل عن الماكس علي مقاس الزيت. وزيت فيسكو ده صناعة ايه وحسيت بفرق ازاي بين الاتنين؟؟؟؟؟؟؟؟؟ وهو انا ممكن اغير عادي الزيت ولا ممكن يعمل مشاكل فالمكنة؟؟؟؟؟؟؟

**A7MED_PHARMA** · 29-09-2010 04:40 PM

كويس أوي أنكوا فتحتوا موضوع الزيت

زي ماهيثم قال ..105 جنيه+الدخان
كتير عليه...وأنا حاسس فعلا إنه بيسود بعد أول ألف كيلو
ولزوجته بتخف

**shooter123** · 29-09-2010 05:12 PM

جربو ا موبيل 1 بيتغير كل 10000 كيلو
وأداء كويس اوى

**A7MED_PHARMA** · 29-09-2010 07:00 PM

المشاركة الأصلية كتبت بواسطة shooter123

جربو ا موبيل 1 بيتغير كل 10000 كيلو
وأداء كويس اوى

مش هوا ده إلي بيعدي الــ200 جنيه
200 وحاجة ..مش فاكر

بس كده مش يكون خطر ..يعني علشان الحر والحرت إلي بنحرته في العربيات
وتسيب الزيت فيها (مهما كانت جودته)..أكنر من كاااااام شهر

-

-

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة