رابطة مالكي المكواة...لانسر 2001-2002-2003

**zoro007** · 16-08-2011 10:02 AM

عندى العربيه موديل 2001 مانوال الطبيعى بتاعها بتوصل ل 140 فى الوقت العادى لكن بعد كدا بتاخد وقت على متوصل لاعلى من كدا اقصى سرعه جبتها كان على الطريق الصحراوى القاهره اسكندريه كانت 165 بعد طبعا فتره من المشى والطريق كان ممهد يعنى مستوى ..

لو الطريق على شويه يعنى زى مزلقان طالع السرعه بتقل لو الطريق نازل شويه زى مزلقان نازل السرعه بتزيد

برضه متنسوش ان العربيه بقالها أكتر 10 سنين واكيد اداء المكنه وغيرها اقل من كتر الاستخدام غير انها 1300
ودايما ملحوظة عن تجربه اداء العربيه الاوتماتك اقل فى السرعه من المانوال لان الاوتماتك بيشد من عزم العربيه ايضا مما يسبب بطئها فى السرعه عن المانوال

**ahmedharon** · 16-08-2011 11:24 AM

انا عندى بتوصل لحد 100 فى العادى وبعد كده بتربط على كده بقى

هل ممكن يكون فى حاجه فى الفتيس ولا ايه مش عارف ايه الحل

وهل فى ليها مكنه 1600 تتسقط علطول من غير تعديل

**Haitham10** · 16-08-2011 07:58 PM

اظبطوا كهربة موتور للي بيشتكي انها بتقف علي 100
وكانت بتحصل معاييا لما كنت بلعب في الكهربه وبجرب

هي بصراحه زي ما زورو قال 140 فل بعد كدة بتطلع في الروح شوية وتناهد شوية عشان تعدي ال150
واقصي حاجة جبتها 170

**ahmedharon** · 17-08-2011 02:36 PM

يعنى تقصد الاسبراتير فوق شويه او تحت شويه كده يعنى
انا كنت بعمل كده فى التويوتا القديمه وكانت بتخليها طياره والله

**Haitham10** · 17-08-2011 08:55 PM

الله ينور عليك يا هارون
صح الكلام...
المرة الوحيدة الي العربيه كانت فيها مجنونة فعلا ..
لما ظبطت التاكيهات ونضفت الكربراتير وظبطته وفلاتر وسيور
وجابت يومها 170 والطريق مش مساعد طبعا بس كانت ممكن تجيب اكتر

**ahmedharon** · 18-08-2011 11:04 AM

ماشى يا هيثم هاظبط تاكيهات وانضف كربراتير واجرب ومساء الفل على كل االمكوجيه اللى زى السكر اللى فى المنتدى
بقولكو ايه ماتيجو نفطر فى يوم مع بعض فى القاهره عند ماى كوين او زى مانحدد

**ahmedharon** · 18-08-2011 03:00 PM

فى موضوع قريته كده بيقول ان ممكن تحط نص كيلو زيت باور مع التفويله الكامله مره او اتنين دا بيساعد على تحسين اداء طلمبة البنزين لانها بتكون تعبت وادائها قل عن الاول هل الكلام دا صحيح ياجماعه

**elshweakh** · 26-08-2011 04:44 AM

فينكم يا مكوجيه
كل عام وانتم بخير
طمنونى على نفسكم

**Haitham10** · 03-09-2011 09:52 AM

عودة من بعد عيد اعاده الله بالخير علينا جميعااا

كل واحد يثبت حضور وحالة لانسرته ايه حاليا وعمل ولا ناوي يعمل ايه

انا وقت الصيانة حان مكنة وعفشة
انا عندى العفشه اي نقر بتهبد وترزع يمكن جلب

بس الي مضايقني ان في حاجة .. اي تفاصيل في الارض العربيه معندهاش اي امتصاص بتتنطط بجسمها مع اي تفاصيل او مطبات
مع اني مغير طقم مساعدين جداد من 8 الالاف كيلو ؟؟

**Haitham10** · 05-09-2011 06:23 PM

مع انكم نايمين بس هسيبكم براحتكم وبعد كدة هجيبكم نفر نفر

الحمدلله عملت العفشه وغيرت جلب وتيش والحياه فرقت سما وارض وظبطت زوايا والحياه مية مية والباور كمان خف اصبح سلس فحركته

وصينت المكنة فلاتر وزيت .. حطيت كاسترول ماجنتيك

باقي ان شاء الله صرة خلفية عشان في بلية الله يرحمها وبقالي 8 شهور معرفتش العيب دة ولا حد قالي عليه وبتعمل خشانة وصوت من ورا غريب كنت فاكره مساعد ضرب ولا حاجة وكان عندي خشونة غبيه

بالمناسبة شفت جوز فوانيس خلفي شكلهم غريب وجديد وفيه شبه من رسمة فانوس الجيتا بالدواير ومكنش متعدل كان جاهز كدة

قريب التفاصيل وصور الفوانيس بس لما كله يجمع هنا ويمضي حضور الاول

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة