رابطة مالكي المكواة...لانسر 2001-2002-2003

**ahmedharon** · 26-09-2011 06:26 PM

عاملين ايه وازيك يا elshweakh عامل ايه
انا قولت امسى عليكو كده

**elshweakh** · 26-09-2011 06:58 PM

ازيك يا احمد باشا والله لك وحشه
يارب تكون بخير
ومنور الموضوع كله
اخوك محمد الشويخ

**Haitham10** · 26-09-2011 10:01 PM

المشاركة الأصلية كتبت بواسطة ahmedharon

بس هتحتاج تعير عفشه 1600 وسيستم فرامل 1600 يعنى طنابير ومساعدين بتوع 1600 ولا هنحتاج نغير حاجه تانى

يابوحميد العفشه ال1600 اساسا متفرقش حاجة غير المساعدين وبيبقي في ميزان خلفي بس والمعلومة دى اتاكدت منها من كذه واحد بتاع استيراد لانسر
والطنابير لازم تتغير عشان الفرامل هتفرق ياكبير
واتقالي برضه هتغير ضفيره ومعرفش ايه كدة

**Haitham10** · 26-09-2011 10:07 PM

المشاركة الأصلية كتبت بواسطة prisoner

باشا طيب لو سمحتللى انت بتجيب منين فى الزقازيق يعنى اسم المنطقة اللى بتجيب منها حاجحات استيراد اصل انا قابلت واحد قبل كده وانا فى الزقازيق جار ابن عمى شغال فى الانسر وكان راكب ميراج تحفة وقعدت دردشت معاه شوية وشكله عنده حاجات كويسة بيستورد وشكله تقيل وتقريبا قاللى فى حتة كده اسمها هرية تقريبا مش متاكد من الاسم فكنت عايز اعرف ازاى اروحها من الزقازيق او فين المنطة اللى بتبيع قطع غيار استعمال داخل المدينة

ايوة المنطقة اسمها صح هرية ودي عند موقف الزراعة

وفي مكان تاني مش عارف اسمه بصراحه عند شيبوب بتاع الترصيص والزوايا تقريبا في طريق طريق ابو حماد هوه شيبوب دة اساسا مشهور جدا جدا وفي طريق الزراعة برضه وهرية من الناحية التانية للزراعة

هتلاقي جنبه كام واحد بتاع استيراد في الطريق وجنبه وقدامه بس افضلهم من حيث الحاجات الغريبه الي هتشوفها هو ملك اللانسر وعماد السمباوي
وعماد السمباوي دة حنين وحاجاته نضيفه وبيقولك بالفرز حسب الحاله بسعرها مش ماشيها بركاوي وفي سمباوي تاني ابن عمه في هرية دة شفاط فلوس حتي لو هتشتري شبكة
وملك اللانسر حسيته غالي برضه بس عنده نصاص امريكاني مكواة وبومة وكريستاله بس كلام عالي بصراحه

انا معايا كارت بتاع عماد دة ودى الارقام بس متصلتش عشان لو طلعت غلط انا مليش فيه

0109065666
0128223451

**Haitham10** · 26-09-2011 10:10 PM

المشاركة الأصلية كتبت بواسطة elshweakh

حبيب قلبى يا هيثم
والله فرحة بالعملته فى العربيه والف مبروك
وكنت مسافر كام يوم وله جاى وهغير زيت قولى ايه اخبار كاسترول

حبيبي يابن عمي الله يبارك فيك
حمدلله علي السلامة ياجميل وبالنسبة لكاسترول مقدرش اقولك حكم نهائي لاني لسه مكملتش بيه الف كيلو
لكن بجد زيت عجيب شوية لو المكنة بتاعتك حلوة حطه لو لاء بلاش عشان هيبقي خفيف عليها
لكن بيسخن بسرعه والحياة اسرع معاه بصراحه سواء دوارة الصبح او اي وقت تاني بدور وامشي لان مؤشر الحرارة مبينامش

**Haitham10** · 26-09-2011 10:16 PM

اخر تقرير

انا ركبت الديفل النهارده صوته غليظ وضخم وهادي فنفس الوقت عامل زي البيز
بس بحسه عالي اوي علي 1.5 لغاية 2.5 3 اربي ام
بعد كدة بيبقي شبه عادي يمكن دة بالنسبالي جوه الصالون هو بره بيطرش شوية الي ورايا
انا اول مرة اتعامل مع ديفل فمعرفش بس انا اوتوماتيك وطبيعتي بمشي في الحاجات دى وصوته كدة هيصدعني

هحاول اتعود عليه بس عجب كل الي سمعه اوي ومبوظتش العلبه الاصليه فكيتها من مساميرها
الديفل صاحب المحل قالي تركي وماعلينا هو ب270 وبتاع الشكمانات قالي دة مش صيني ونضيف مش وحش لو فحدود 300 350 فقلتله ربنا يطمنك
العلبة مش مدورة وشكلها فيه شبه من الاصليه وبوذها مبطط وعملتلها ماسورة زي الاصليه وركبتها بمسامير ودة اتكلف 80 جنيه .. نظام اقطع والحم ب30
عشان لو حد فكر.......

وملحقتش اروح للعفشجي عشان اغير الصرة واظبط
بسبب ربنا واعدني بواحد صاحبي جايب عربية كوري بدون ذكر انواع بنزقها من الخميس للنهارده واتزقت اكتر مامشيت وحاجة الله الوكيل خليتني ابوس لولو اللانسوره بتاعتنا ولسه سايبه عند ميكانيكي عشان زهقتله

دة انا لازم ادلعها من هنا ورايح الظاهر الواحد كان لازم يحس بقيمة الي معاه هههههههه

**ahmedharon** · 27-09-2011 12:03 AM

المشاركة الأصلية كتبت بواسطة haitham10

اخر تقرير

وملحقتش اروح للعفشجي عشان اغير الصرة واظبط
بسبب ربنا واعدني بواحد صاحبي جايب عربية كوري بدون ذكر انواع بنزقها من الخميس للنهارده واتزقت اكتر مامشيت وحاجة الله الوكيل خليتني ابوس لولو اللانسوره بتاعتنا ولسه سايبه عند ميكانيكي عشان زهقتله

دة انا لازم ادلعها من هنا ورايح الظاهر الواحد كان لازم يحس بقيمة الي معاه هههههههه

[justify]انا بقى ياسيدى كان معايا جولييت عربيه كورى يعنى [/justify]
[justify][/justify][justify]

انا مش هاقدر اقول بصراحه غير انى لو قعدت اشتم فيها من هنا لبكره مش هايكفينى الويل اللى شوفته من وراها

والله ياجدعان انا ما كنت بعرف اشترى شبشب بسببها الله يلعنها مطرح ما راحت

والحمد لله دلوقتى معايا المكواه الاصيله ربنا يباركلنا فى كل عربياتنا قولو امين

امييييييييييييييييييييييي ييييييييييييييييين

[/justify]

ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

مشرف القسم

**HANYCAR** · 27-09-2011 08:38 AM

متشكر يا هيثم على اهتمامك انا كنت مغير بوجيهات وفلتر الهوا وفلتر البنزين شهر يناير اللى فات واعتقد انه كويس لانى انا مش بخرج بالعربية اكثر من مرة فى الاسبوع او مرتين فى الشهر يعنى العربية غير مستهلكة وطبعا عندك فترة الثورة اللى محدش كان بيخرج فيها اصلا فانا كده اقصد ان الفلتر ملحقش يتسد وشاكر اهتمامك
وبالنسبة للكربراتير انت عملت قبل كده عند مركز الصفا عملية تنضيف والا تصليح يعنى اكس وباب والحاجات دى وهل اتظبط معاك الكربراتير وهل كان عندك اكل بنزين واتظبط بمعنى اصح عملت ايه بالظبط عند مركز الصفا وهل كان عندك عيب معين بتشتكى منه وشكرا

**Haitham10** · 27-09-2011 11:01 PM

اميين يا هارون يارب والحمدلله طبعا

يارب تكون بخير ياحج هاني وبصحة وسلامة
و انا خايف تبقي العربيه نامت منك وانت مش واخد بالك يعني حاول تفوقها وتحرق شوية علي غيارتها متخليش دايما السواقة هاديه زيادة عن اللزوم .... وطبعا عاذرك بس لما تلاقي اسفلت طيير شوية ومرة مع مرة هتحس بالفرق لاني بقالي فترة استخدامي قليل برضه
غير كدة مش عارف بصراحه يمكن عايزة ظبطة كهربا او للكربراتير

وبالنسبة لمركز الصفا لا مقابلنيش مشاكل في الكربراتير غير ظبطه وتنضيفه فقط ورحتلهم عشان كان عندي استهلاك عالي وكنت حابب اتاكد علي جهاز كشف العادم وكشفوا علي الكهربه برضه وقدموها درجتين وفرقت بصراحه جدا ومدفعتش غير الكشف 25 تقريبا .. في عضو معانا راح جربهم في رمضان وكان عنده مشاكل واتكلف 100 جنيه ولقي فرق كبير بعدها هو نظامهم وشغلهم محترم لو المسافة قريبة عدي عليهم

عموما انا اقتنعت ان العربيات الكربراتير بلاعة بنزين بدون مبالغة وتأقلمت خلاص

مقولتليش عملت ايه في موضوع الخشونة انا خفت عندي بعد ما غيرت الجلب بس بحسها بتدب فى النقر ومعرفش السبب

**HANYCAR** · 28-09-2011 08:44 AM

شكرا ليك يا هيثم على اهتمامك وتعبك وربنا يكرمك ويكرمنى فى لانسرتنا ولما اعمل اى حاجة هديك خبر على طول

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة