رابطة مالكي المكواة...لانسر 2001-2002-2003

**Haitham10** · 03-10-2011 02:09 PM

المشاركة الأصلية كتبت بواسطة ahmedharon

لتانى مره نفس السؤال وياريت المره ديه حد يرد لو سمحتو

هل بنزين 80 ياثر على حاجه فى العربيه غير السحب

منا رديت عليك فوق عموما الاجابة الي فدماغك هتلاقيها في ورشة المنتدى عن البنزين 80 وتاثيره علي المحرك
انما بالنسبة للمكواة لما تحط فيها 80 مفيهاش مشكلة غير الرواسب والتنضيف كل شوية والسحب في غيبوبة يعني زيها زي اي عربيه

انا جتلي فترة طويلة كنت بحطه بس كنت بحس بالذنب

**Haitham10** · 03-10-2011 02:12 PM

المشاركة الأصلية كتبت بواسطة zezomac

الف شكر يا استاذ هيثم
هو انا مش عارف ايه الارقام بضبط هي العربية فيها جنوط سبور ١٤
ولو لقيت اعرض هيبقي كام ٧٠ ولا ايه
والف شكر ع اهتمامك

بص الارقام هفهمهالك ببساطة خالص
14 دة اول رقم وبيبقي مقاس الجنط
65 دة السُمك بتاع الكاوتش ارتفاعه من الجنط للطرف يعني
185 دة عرض الكاوتش نفسه .. المداس بتاعه

لو لقيت 195 60 مثلا يبقي تمام
ولو الميزانية تسمح يبقي متسترخصش وهات كاوتش نضيف يكون سيلنت ولا اي موديل حديث من بريدج ستون

**Haitham10** · 03-10-2011 02:14 PM

المشاركة الأصلية كتبت بواسطة unknown

ازيكو يامكوجية يارب تكونوا بخير
نزلت النهارده الصبح ابص علي العربية علشان التكيف مش شغال كويس لقيت مروحة واحده اللي شغالة

ممكن تكون هيا اللي ماثرة علي التكيف
انا كان عندي حاجة غريبة المروحتين بيشتغلوا مع بعض سواء مع التكيف او علشان يبرد العربية مش عارف ده عادي ولا ايه
والصح ايه

المفروض انت عندك المراوح دي بتبقي سرعتين .. واحدة بطيئه ودي الي بتشتغل كتير جوه البلد في الحر بتبقي صوتها ضعيف اما التانية بتشتغل اكيد مع التكييف ويمكن بتشتغل لو حرارة العربيه زادت بس كل فترة متباعدة ممكن تلاقي الفيوز بتاعها متشال او محروق روح لكهربائي وبتفرق في كفاءة التكييف والهوا الي واصلك

**unknown** · 03-10-2011 03:07 PM

المشاركة الأصلية كتبت بواسطة Haitham10

المفروض انت عندك المراوح دي بتبقي سرعتين .. واحدة بطيئه ودي الي بتشتغل كتير جوه البلد في الحر بتبقي صوتها ضعيف اما التانية بتشتغل اكيد مع التكييف ويمكن بتشتغل لو حرارة العربيه زادت بس كل فترة متباعدة ممكن تلاقي الفيوز بتاعها متشال او محروق روح لكهربائي وبتفرق في كفاءة التكييف والهوا الي واصلك

يعني مش طبيعي ان المروحتين يشتغلو علي طول مع بعض سواء مع التكيف او زياده الحرارة لاني عمري ما شوفت مروحة واحدة شغالة لوحدها

سؤال كمان
هو فيه كاتيرة تحت المتور اصلي عندي المتور بيملي تراب عالطول والريداتير بيتفك عادي ويتنضف ولا يتغسل بضغط المياه بس زي اللي في البنزينة ويتعمل كل اد ايه
ومشكور مقدما

**ahmedharon** · 04-10-2011 05:55 PM

مشكورين على ردودكم ياشباب

**Haitham10** · 05-10-2011 02:18 AM

المشاركة الأصلية كتبت بواسطة unknown

يعني مش طبيعي ان المروحتين يشتغلو علي طول مع بعض سواء مع التكيف او زياده الحرارة لاني عمري ما شوفت مروحة واحدة شغالة لوحدها

سؤال كمان
هو فيه كاتيرة تحت المتور اصلي عندي المتور بيملي تراب عالطول والريداتير بيتفك عادي ويتنضف ولا يتغسل بضغط المياه بس زي اللي في البنزينة ويتعمل كل اد ايه
ومشكور مقدما

ايوة بيبقي في كارتيره تحت لغاية الاكصدام لو هتجيبها ابقي قولي سعرها كام لان عندي كام حته معرفش راحو فين فشلت الي حواليهم وبقيت عندي نفس المشكلة

والرادياتير ممكن يتفك ويتنضف ويتغسلك دورة التبريد كلها بس في البنزينات العاديه بتبقي انجز وخلص نفسك محدش بيعمل الكلام دة لازم متخصص الافضل لك

**unknown** · 05-10-2011 12:48 PM

المشاركة الأصلية كتبت بواسطة haitham10

ايوة بيبقي في كارتيره تحت لغاية الاكصدام لو هتجيبها ابقي قولي سعرها كام لان عندي كام حته معرفش راحو فين فشلت الي حواليهم وبقيت عندي نفس المشكلة

والرادياتير ممكن يتفك ويتنضف ويتغسلك دورة التبريد كلها بس في البنزينات العاديه بتبقي انجز وخلص نفسك محدش بيعمل الكلام دة لازم متخصص الافضل لك

الحمد لله عملت المروحة امبارح طلع فيوز الحاجة اللي شاغلني اني معنديش درجتين زي ماانت بتقول المروحتين بشتغلوا مع بعض وبيفصلوا بردو مع بعض مش عارف ديه حاجة كويسة ولا ايه
هل الرادياتير ممكن يتسللك زي العربيات القديمة انا سعمت ان الرادياتيراللي وشه فيبر مش بيتسللك بيتغير لو اتسد فهل ده حقيقي ؟؟

**HANYCAR** · 07-10-2011 10:59 PM

مساء الخير يا جماعة انا كانت عندى مشكلة عدم سحب العربية وكنت سالتكم على خحل ليهل قبل كده
النهاردة رحت للميكانيكى وجد ان العربية نقصة سنه كهربا فزودها وطلعنا جربنا على الطريق هو ساق وجاب بيها سرع لحد 145 وانا سوقت جبت بيها لحد 125 ومش عارف ازود عن كده لان الطريق كان زحمة شوية بس حاسس انى بدوسلها بنوين كتير علشان اجيب بيها 125 على العكس من عربية دايو لانوس جبت بيها 150 بشعرة بنزين 0
والميكانيكى اكدلى ان اسطوانة الدبرياج كويسة جدا ومفيش عجل تقيل ودورة البنزين كويسة ايه السبب انى لازم ادوس بنزين جامد علشان تسحب وعندى احساس انها تقيلة فى السحب
ايه اسباب عدم السحب غير دورة البنزين والدبرياج فكروا وقلولى يا جماعة انا هتجنن
منتظر ردودكم

**ahmedharon** · 09-10-2011 07:41 PM

ياباشا اولا انت راكب عربيه 1300 وجسم العربيه اكبر واتقل من الانوس فى حين انها 1500 طبعا معادله محلوله

على فكره انا كان معايا جولييت وحاليا معايا مكواه ومعايا نفس الموضوع بالضبط بس هيا ديه الحقيقه فبلاش تجهد العربيه اكتر من طاقتها وعموما على السريع او الصحراوى يعنى هاتلاقيها بتجيب معاك بس بتاخد وقت شويه

**zezomac** · 19-10-2011 12:11 PM

صباح الفل يا جماعه
الناس بطلت تتكلم عن المكواه ولا ايه الحكاية

حبيت اطمن عليكم جميعا
ان شاء الله تكونوا بخير وسلامه وصحة جيدة

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة