رابطة مالكي المكواة...لانسر 2001-2002-2003

**mr_vampire** · 31-05-2011 12:54 PM

المشاركة الأصلية كتبت بواسطة mohamed_abboud

شكرا يا باشا
العربية فابريقة دواخل
رشة برة
ماشية 92000
لسه جايبها انهاردة
خلصت على 56000 و لسه هسجل بكرة ان شاء الله عقد باسمى مش همشى بتوكيل
و فيها شوية حاجات بسيطة المفروض تتظبط

ربنا يباركلك فيها ياباشا.

**Haitham10** · 31-05-2011 12:58 PM

المشاركة الأصلية كتبت بواسطة mohamed_abboud

السلام عليكم
ازيكم يا شباب
يسعدنى و يشرفنى انى أنضم لأسرة المكوجية
الحمد لله جبت لانسر موديل 2001
كاملة أوتو
و الحمدلله العربية حالتها كويسة و عجبانى
بس فيها شوية حاجات بسيطة كده ... حالها حال أى عربية مستعملة
ادعولى بأه يا شباب ربنا يباركلى فيها

الف مبروك على العربيه
وطبعا بنرحب بيك معانا وربنا يباركلك فى العربيه ويديلك خيرها
وتفضل مبسوط بيها وراضى عنها وترضيك ان شاء الله

وياريت تقول الحاجات البسيطة يمكن تكون عدت علي حد فينا قبل كدة وحلها

**Haitham10** · 31-05-2011 01:09 PM

المشاركة الأصلية كتبت بواسطة ahsd2000

يا جماعه انا معايا 2003 مانيوال وكان عندي مشكله غريبه ..... اول ما ادور العربيه مابتدورش وهي بارده الا لما ازود بنزين دوسه خفيفه اما لوسخنه بتدور على طول .

المشكله التانيه اني لما بشغل التكييف بحس العربيه بين فتره والتانيه بتنتش نتشه خفيفه ومعاها صوت تصفيره صغيره ((تززيء)) . بيتكرر الصوت ده كل 30 ثانيه مثلا وبيختفي لما اطفي التكييف .

موضوع الدوارة دة له كذه سبب ومبدأيا السخان يوطي او يعلي مثلا او تنضيف للكرباتير , كهربه الموتور ودي بتبان مع التبطيل

المشكلة التانية دي زي ما فامبير قال لحضرتك ده صوت الكباس بيعمل تكه كل ما يشتغل ويفصل .. اما التزييئ ده اعتقد انه المروحه حاول تفتح الكبوت وتخلي حد يجرب معاك من جوه العربيه واسمع انت من بره لو من المروحه ولا لا يمكن عايزة تتزيت

فامب ... اخبار الفلتر معاك ايه عشان حطه في الخطه الجايه انفذه فلو في ملاحظات قولي عشان كله بيقولي بلاش .... ومنير بيقولك سامحه عشان عايز ينفذ هو كمان :b4_611:

واخبار التكييف ايه وطيت السلانسيه بتاعه ولا انا خربت ولا صلحت ولا ايه بالظبط سكوتك مقلقني حاسك بتحضرلنا مفاجأة .... وفارما مختفي فين اتحبس تاني ولا ايه ؟؟

**Mo Saleh** · 31-05-2011 01:30 PM

المشاركة الأصلية كتبت بواسطة haitham10

الف مبروك على العربيه
وطبعا بنرحب بيك معانا وربنا يباركلك فى العربيه ويديلك خيرها
وتفضل مبسوط بيها وراضى عنها وترضيك ان شاء الله

وياريت تقول الحاجات البسيطة يمكن تكون عدت علي حد فينا قبل كدة وحلها

ربنا يخليك يا هيثم باشا
الحاجات البسيطة دى عبارة عن ان اللمض الزينون اللى فى الفانوس بتعلق الأرضى بتاعها بيهرب و اللمبة بتاع الصالون محروقة و الدراع بتاع الاشارة فى اتجاه اليمين مبيرجعش اوتوماتيك لازم أرجعه بنفسى بس ف اتجاه الشمال شغال عادى
المؤشر بتاع عداد الكيلومتر و الأر بى ام مبينورش ( المؤشر بس مش العداد العداد منور و زى الفل )
العربية لسه معمول لها طقم سيرفيس سيور و زيت و كده فمش هغيرهم ممكن أغير زيت بس
العربيه فيها الكاسيت الأصلى الميتسوبيشى عاوز أجيب كاسيت سى دى
دى الحاجات يا باشا
يعنى تقريبا شوية شغل كهربا و كده الميكانيكا 100 100
و انهارده الحمد لله سجلت فى الشهر العقارى
يا ريت بأه يا باشا لو تكتبلى الميل لو مفهاش رخامة منى يعنى
و ربنا يباركلك انت و الشباب
بجد مجهود رائع منكم

**mr_vampire** · 01-06-2011 12:21 AM

[quote=haitham10;3873538957........................ ............................

فامب ... اخبار الفلتر معاك ايه عشان حطه في الخطه الجايه انفذه فلو في ملاحظات قولي عشان كله بيقولي بلاش .... ومنير بيقولك سامحه عشان عايز ينفذ هو كمان :b4_611:

واخبار التكييف ايه وطيت السلانسيه بتاعه ولا انا خربت ولا صلحت ولا ايه بالظبط سكوتك مقلقني حاسك بتحضرلنا مفاجأة .... وفارما مختفي فين اتحبس تاني ولا ايه ؟؟[/quote]

لا يامعلم نفذ وعلي ضمانتي واستمتع. بس اللي بيقولك بلاش . بلاش ليه ؟؟؟؟؟؟؟؟؟؟؟؟؟؟؟

والتكييف بقي تمام يامعلم وظبطت السلانسيه وبقي كله تمام الحمد لله.

**Haitham10** · 01-06-2011 12:16 PM

هو واحد بس يا فامب الي قالي بلاش عشان رد يتسمع .. هو مهندس
قالي الفلتر هيدخلك تراب لان مسامه اوسع وهيبهدلك المكنة فسد نفسي وقتها

غير كدة الاغلب بيقول بلاش وخلاص

**Memo_Lancer** · 01-06-2011 02:39 PM

السلام عليكم
دلوقتي يا جماعه انا الضيف من الكريستاوليه
بس انا بعمل درايه جدول و ان شاء الله ناوي علي مكواه
بس بقي لازم اجيب مواحده اسقط موتور محترم و تبرو و عزم جبار
و تعديل فرامل كامل
حد يقدر يقولي تتكلف كام الليه دي
و ان شاء الله تتقلب ايفو كشافين و اكصدامين و كبوت و روف جريل حوالي 4500
مستني الردود
و لو عايزو واحده موتور خلصان و عايوه تترش اعملها انا بمزاج
بس تكون فبريقه دواخل تعمل كام ؟

**mr_vampire** · 01-06-2011 02:56 PM

المشاركة الأصلية كتبت بواسطة haitham10

هو واحد بس يا فامب الي قالي بلاش عشان رد يتسمع .. هو مهندس
قالي الفلتر هيدخلك تراب لان مسامه اوسع وهيبهدلك المكنة فسد نفسي وقتها

غير كدة الاغلب بيقول بلاش وخلاص

معلش يعني ياهيثم بس الرأي بتاع ان مسامه اوسع ده مش صح خااااااااااااالص ليه ؟؟؟؟؟؟؟؟؟؟

لان اولا الفلتر نوعيته من جوا ( المرشح نفسه ) خامة عاملة زي الخيش او الشاش كدة يعني استحاااااااااااالة تعدي ذرة تراب غير انه من برا محمي بشبكة برده فتحاتها صغيرة عشان ترشح الهوا اللي داخل من التراب الكبير قبل مايدخل عالمرشح اللي شبه الخيش ده.

انا عايز تروح لبتاع فلاتر وتتفرج عليه و تشوف بعينك.

**shooter123** · 01-06-2011 06:40 PM

يعني عشان نقصر الحوار ده يا فامبير نعمل ايه؟؟؟؟؟؟؟؟
حجيب هيثم ونعمل اسقاط مباشر علي بنها بالعربيتين وحيبقي معانا غطاء جوي كمان
وكلمة كمان حخلي الدكتور احمد يتدخل
وربع حرف كمان حتشيل تكلفة العربيتين انت - ده غير البنزين وخلي بالك انا بحط 92 - فياريت نحل المشكلة دي باسرع وقت ممكن

بالنسبة لاخونا الكريستالوي اهلا بيك معنا فانت تعتبر ابن عمنا
بص يا سيدي هي الفكرة في المجمل ممتازة بس صدقني انا عشان اغير شكل العربية لايفو خارجي فقط صرفت حوالي 2500 جنية
وللاسف مزودوش من قيمة العربية
اما موضوع تسقيط الموتور ده فانا بحبذه بس في حالة واحدة فقط ان يكون زي ما انت قلت الموتور منتهي اساساً
يعني حتشيل وتركب وتعمل تعديل في الفرامل وتقويات للمحور الخلفي تجيب البار بتاع البومة الرياضية 1600 موجود عند اي حد بتاع مستعمل
والفوانيس مفيش اسهل من كدا وممكن ااقولك علي طريقة تعديل الفوانيس الامامية مش مكلفة وانا عملتها عندي وفامبير وهيثم والدكتور احمد فارما شافوها وممكن احطلك صورها لو حبيت - رغم اني بتشائم من موضوع الصور - فكر في الموضوع وتوكل علي الله

في انتظار الرد يا فامبير

**mr_vampire** · 01-06-2011 08:28 PM

المشاركة الأصلية كتبت بواسطة shooter123

يعني عشان نقصر الحوار ده يا فامبير نعمل ايه؟؟؟؟؟؟؟؟
حجيب هيثم ونعمل اسقاط مباشر علي بنها بالعربيتين وحيبقي معانا غطاء جوي كمان
وكلمة كمان حخلي الدكتور احمد يتدخل
وربع حرف كمان حتشيل تكلفة العربيتين انت - ده غير البنزين وخلي بالك انا بحط 92 - فياريت نحل المشكلة دي باسرع وقت ممكن

............................
في انتظار الرد يا فامبير

عشان نقصر الحوار يبقي تتوكلو علي الله وتدوسووووووووووووو

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة