الموضوع: العربيه مش بتجري و عوزه صيانه

المشاركة الأصلية كتبت بواسطة eng_ahmedryad

شركة التوفيق وكيل NGK في مصر
أمام مصنع الرشيدي الميزان في السيدة زينب


بص يا باشا أنا عن نفسي بعمل صيانة العربية بنفسي بس أنا عندي Service Manual زي اللي في التوكيل بالظبط - كان جاي مع العربية - بمشي عليه

علشان ما أسيبش فرصة للسمع والظن ونصايح الناس اللي غالبا بتكون بعيدة عن الحقيقة

الـ Service Manual ده اللي الشركة عملاه وعارف عربيتها كويس جدا وعارفه هي بتحتاج أيه

لو مش عندك ممكن تدور عليه هنا في المنتدى أكيد هتلاقيه

وفي الحالة دي أمشي عليه مظبوط ، وقتها مش هايفرق بره الوكيل ولا جوه الوكيل

بالنسبة للزيت

الموضوع مش أغير أول بأول لأ ، الموضوع في نوعية الزيت المطلوبة لشغيل المحرك

أنت عملت 20,000 كم في سنة ونص ، وبالمعدل ده المفروض تستخدم زيت تخليقي مش معدني

وبوجه عام الموبيل XHP ده أسوأ زيت أستخدمته في حياتي ، لايصلح للعربيات أصلا

والزيوت اللي أنصحك بيها:

1. زيت فيسكو 5000 وده زيت تخليقي بقعد لحد 20,000 كم وسعره 220 جنيه تقريبا "ممتاز"

لو ملاقيتش

2. زيت شيل هيلكس ألترا وده زيت تخليقي بردو بس بيقعد لحد 10,000 كم وسعره 230 جنيع تقريبا

وماتنساش تغير فلتر الزيت معاه

أخر حاجة

فلتر البنزين مش بيتنضف بيتغير

ولله انا كنت قرئت الجتالوج كله و عرفت كل حاجه بس نسيت تاني هبقا اقرئه ان شاء الله
طب بلاش موبيل 1 كمان؟
اصلي انا مولود و ولدي كان بيحط موبيل في كل عربياته فخدها عنه بقا و مدورتش
بس هو الزيت الاول ده الاقيه في بنزينات ايه؟ بنزينه اسمها فيسكو يعني؟
انا كان معايا 3.5 كيلو من موبيل hp اهحطه المره دي و مستناش عليه كتير و احط الي حضرتك قلت عليهم
بس السؤال اغير فلتر الزيت ولا اخليه مع المره الجيه لاني مش هخلي ده يكمل معايا 3000 كيلو و اغيره
لاني لو غيرت الفلتر دلوقتي هطر اغيره تاني مع الزيت الجديد انت ايه رئيك؟
و عن فلتر البنزين اصحابي اصلا معاهم لانسر و بيعملو كدا بس خلاص مش هقرب له هسيبه و عند 50 الف هغيره
معلشي تعبتك معايا يا مان

المشاركة الأصلية كتبت بواسطة Adham

فلتر بنزين اللانسر بيبقى في التنك راكب عالطلمبة و بيتغير في ال 50 الف تقريبا

و كان تمنة 650 جنية من سنتين

دلوقتي ب 450 احسن سعر

دا انا سألت علي فلتر بنزين الاوكتيفا a4 لقيته ب 150!!! ولله المصريه دي مظبطانا خالص اسعار فوق المنافسه!
الف شكر علي المعلومه يا مان

المشاركة الأصلية كتبت بواسطة skybird

اللي يشتكي من سحب عربيته الاوتوماتيك.. يدخل

أنت بتعمل دعاية عن موضوعك في كل الصفحات و للا اية يا عم ههههه

بس انت موضوعك مافيهوش اي تعديلات و لا حاجة ترفع العزم

انت بتتكلم في مواضيع من المسلمات

هي تسقيط النقلة و الكيك داون للمبتدئين في سواقة الاوتوماتيك و مايعرفوش انة ممكن يسقط نقلات بالعصاية او بدواسة البنزين (الكيك داون)

و عامة نصايحك لن تؤدى الا لتدمير الفتيس الاوتوماتيك و كلاتشاتة من النتش و الحرق علية (برضة من غير زعل)