العربية اتخبطت يا ريت تنصحوني...

**SeaShark** · 23-07-2010 04:05 PM

انا عايز ااخد رايكم في حاجه..

انا كنت راكن العربيه في مكان و كان في حد حاطط منه لله علبة صفيح مليانه اسمنت متثبته في الارض عشان الجراج الخاص بتاعه العلبة دي كان ارتفاعها حوالي25 سم يعني في الوضع الطبيعي و الواحد في العربيه و هي ادام العربيه بمسافه اقل من 1 متر الواحد ميشوفهاش
المهم و انا خارج بالعربية من المكان و مش شايفها طبعا عشان قصيره و قريبة من العربيه قمت داخل فيها للأسف

الخسائر:
1. كسور خفيفه في الاكصدام و دي انا كنت فاكر انها الحاجه الوحيده اللي حصلت.
2. لكن بعد فترة و العربيه مرفوعة بالصدفه في التوكيل لقيت في نفس مكان الخبطه الصدر و قاعدة الريدياتير فيهم خبطه برضه و بعد ما كشفوا عليها في التوكيل قولولي الريدياتير قاعد مش مستريح و الخبطه أثرت علي قاعدة الموتور بس مش مأثرة علي اداء العربية.

المهم انا قررت اني هصلح العربيه تبع التأمين عشان الكسور في الاكصدام مضايقاني جدا و كمان الخبطه اللي تحت حصوصا ان العربيه 2010 و لسه جديده
هل أروح يونياتد جروب اللي في الدراسه انا بعمل عندهم كل الصيانات يعني هما كويسين في الحاجات دي ولا لا؟
و هيعملوا ايه في الاكصدام اللي اتكسر و عايز ياخد دهان...ده ملهوش حل غير انه يتغير..هل هيرضوا يغيروه؟
انا قلقان جدا و مش عارف اعمل ايه

**egypt0777** · 23-07-2010 05:46 PM

حسبنا الله فى الاشكال اللى زى ده

قانون المرور الجديديه لا يطبق على الحالات اللى زى ده

ولا يطبق على الحزام بس

**hany_mohamed** · 23-07-2010 06:00 PM

مش عارف بس كان ممكن تعمل محضر للى حاطط كتل الاسمنت ده وكان هو اللى يدفع ثمن التصليح
هو ماينفعش تصلح فى التوكيل وتبعت الفواتير على التأمين بعد ما يعملوا المعاينة بتاعتهم ؟

**Ahmed.TV** · 24-07-2010 12:30 AM

فعلا مفروض تعمل محضر ومعاينة الاول
وبخصوص يونايتد جروب انا معرفش حاجة عنهم , بس اسمع انهم ناس محترمين ,
انت ممكن تروح السبع وتسال هناك وتشوف الصالح ليك بردوا
وابقا طمنا
وقدر الله ماشاء فعل