الموضوع: بعض اخطاء القياده الى بشوفها فى السواقين

لا لو مشغلتش الانتظار على المطب ماحدش هايشتمك ولا حاجة دى بتبقى جدعنة من اللى شايف المطب
بص الموقف فى مصر معقد شوية يعنى الكلام النظرى حاجة واللى بيحصل حاجة تانية وطبعا فيه اسباب كتير منها طبيعة الفهلوة المتاصلة فى الشخصية المصرية
عدم تنفيذ القانون على الجميع
حالة الشوارع المصرية والتى تمثل خطر داهم على قائدى العربات
المطبات عندنا مش علشان تهدى السرعة والا كان يبقى فيه اشارة للمطب قبله بمسافة جيدة والمطب يبقى متعلم وباين - المطب عندنا علشان يكسروا بيه العربيات
من الاخر ماتتعبش نفسك لما يبقى فيه تطبيق للقانون والشوارع تبقى بدون حفر ومطبات عشوائية هاتلاقى الناس ملتزمة جدا
وخد مثال على كدة الحزام معظم الناس دلوقتى بتلبس الحزام لانك هاتاخد عليه مخالفة لا محالة وبعد ما الناس كانت بتلبسه بس عشان المخالفات دلوقتى بقى فيه ثقافة جديدة وبقينا بنستخدمه للحماية الحقيقية

و مع ذلك في ناس برضه مابتصدقش

لسه كنت جاي من العاشر من رمضان و كان قدامي ميكروباص سياحي و شغل الانتظار فهديت سرعتي و شغلت الانتظار و فضلت وراه رغم أن كان فيه حارتين يمين و شمال فاضيين

لكن فجأة ظهر واحد فهلوي أوي و دخل من يميني و هنا كانت المفاجأة عربية نقل واقفة في الملف و مش باينة و البيه السواق بيغير فردة كاوتش للمقطورة و حاطط الاستبن في نصف الحارة اليمين

الحمد لله الراجل الفهلوي فرمل و لحق نفسه و أنا لما شوفته أتزنق هديت له خالص علشان يلحق يلم نفسه و يدخل قدامي بسرعة

هنا احنا بنبه بعض أن فيه حاجة علي الطريق بأشارات الانتظار لأن المطبات عندنا مش زي بره لها مواصفات و علامات تحذيرية قبلها , و لكن المطبات في مصر بتظهر فجأة و بدون سابق أنذار حتي لو كنت أنت بتمشي في الطريق ده كل يوم و حافظه شبر شبر

كمان الانتظار بنشغله لما يكون فيه رادار و ده بتشغيل الانتظار لمدة ثانيتين ثلاثة و بعدين نطفيه يقوم اللي جاي من ورا بسرعة يفهم و يهدي سرعته

هنا الاشارات و الانوار في مصر لغة لايفهمها الا رواد الطرق المصرية لأنهم أدري بها و بطبيعتها المتغيرة

مع خالص تحياتي
م/ سمير الشهاوي

المشاركة الأصلية كتبت بواسطة asemx1

ماهوا زى ما انتا قولت برضو الناس اعتادت على كدا كل النقط الى قولتها غلط وكلكم موافقين عليها دى كلها الناس اعتادت على كدا ان السرعه البطئه على الشمال وان محدش يقف للى بيعدى الشارع وكل دا الناس اعتادت على كدا
حضرتك الناس اعتادت انها تعمل الغلط وقانون المرور فى كل دول العالم مافيهوش انتظار على المطب الانتظار دى لما تقف على جنب تعمل انتظار واى بلد فى العالم الى مش بيعمل انتظار لما يقف على جنب بيتسحب رخصته
ومن جهه الحركه دى بتنفع ناس كتير زى ما بتقول يبقى كل النقط الى قولتها بتنفع ناس كتير
القانون دايما بيبقى مش فى صالح حد والى يخالفه اكيد للمنفعه الشخصيه او العامه ولو قولنا ان الحركه دى بتنفع ناس كتير فانا بقول بقى ان كل الغلطات الى بيعملوها السواقين بتنفع ناس كتير
وعلى فكره فى اليوم الى حضرتك هتكون متعود ومعتمد على الى ادامك يعمل اشاره على المطب ومايعملش هتشتمه لانك اخدت المطب وهوا لا مع انه ضغط فرامل ووقف على المطب لكن انتا كنت مش واخد بالك ومستنى منه الانتظار بس اتمنى تكون فهمت قصدى

حضرتك لان الكطبات فى اى حته فى الدنيا مدهونه بلون مخالف وعاكس يبان فى اى جو ضبابا او ظلام
انما عندنا الوضع يختلف