سؤال للأخوة اللى عندهم سيارة byd f3

**mich_e_l2000** · 24-06-2008 08:27 PM

Byd F3 73500
Byd F6 240000
Byd F1 48000

**foxingtiger** · 24-08-2008 05:15 PM

طيب باشا دلوقتى تقولى لو سمحت ايه اخبارها معاك بالنسبة ل:
1 معدل استهلاك البنزين(الصفيحة بتعمل كام كيلو)
2 تحمل المشاوير الطويلة
3 اسعار الصيانة وقطع الغيار فى التوكيل وهل هى متوافرة فى الخارج ولا لأ واخبار معاملة التوكيل معاك اية
4 هل من اماكن اخرى غير التوكيل بتصلحها

لانى الصراحة بأفاضل بينها وبين ال لانوس 2008

**rabchek** · 30-10-2008 01:31 AM

السلام عليكم
انا اخوكم من الجزائر استاد في التعليم
مند ايام طلبت السيارة هده بالدات البيد اف 3
وكن صدقوني لا اعرف عليها الكثير الا انني احببتها من اول نظرة وقررت
اشتريها..بالاتفاق مع الوكيل وانا في الانتظار
طمنوني يا جماعة الله ايبارك فيكم

**muslem** · 02-11-2008 08:59 AM

المشاركة الأصلية كتبت بواسطة rabchek

السلام عليكم
انا اخوكم من الجزائر استاد في التعليم
مند ايام طلبت السيارة هده بالدات البيد اف 3
وكن صدقوني لا اعرف عليها الكثير الا انني احببتها من اول نظرة وقررت
اشتريها..بالاتفاق مع الوكيل وانا في الانتظار
طمنوني يا جماعة الله ايبارك فيكم

توكل على الله هى تعتبر عربية يابانى متجمعة فى الصيني هذا تعبير مجاز متور ياباني ميتسوبيشي باقي العربية تقدر تغيرها بالتويوتا الياباني و هذه ميزة لن تجده فى كثير من السيارات الصيني

**muslem** · 02-11-2008 09:06 AM

المشاركة الأصلية كتبت بواسطة foxingtiger

طيب باشا دلوقتى تقولى لو سمحت ايه اخبارها معاك بالنسبة ل:
1 معدل استهلاك البنزين(الصفيحة بتعمل كام كيلو)
2 تحمل المشاوير الطويلة
3 اسعار الصيانة وقطع الغيار فى التوكيل وهل هى متوافرة فى الخارج ولا لأ واخبار معاملة التوكيل معاك اية
4 هل من اماكن اخرى غير التوكيل بتصلحها

لانى الصراحة بأفاضل بينها وبين ال لانوس 2008

والله اناكنت زي حضرتك قبل ما اشترى البي واى دي لقيت المتور ياباني فدي ميزة طبعا طيب التفنيش طبعا برضوة تمام والحمد لله طيب الوسع اوسع من الدايو طيب المتور ياباني يبقي الاستهلاك طبعا اقل لان الياباني معروف فى الاستهلاك و دى حقيقة بعد لما اشتراتها
طيب نيجي لاهم حاجة بسبب الطرق المصرية وهى العلو فلقتها اعلى من اللانوس طبعا بكتير مثلها مثل التويوتا كرولا
التوكيل طبعا مهتم بها جدا و ابن صاحب شركة الامل هواللىماسك توكيلها
التصليح ممكن تصلح عن توكيل ميتسوبيشي و باقي العربية بودى و عفشة و صالون منتويوتا كرولا
فقط الفانوس هو اللى لازم من التوكيل او تعمله عند حد بتاع فوانيس اللى معروفين انهم بيعملوا فوانيس وشوش
المشاوير الطويلة انا سافرت بيها مرتين اسكندريةو مرة فيهم فضلت فول تانك لغاية لما وصلت اسكندرية و مع تشغيل التكييف كمان لكن المرة التانية كان اللى سايق مختلف عن الاول يمكن علشان كده الاستهلاك اختلف من واحد لتانى و الله اعلم لكن طبعا مخلص البنزين كان استهلاك معقول جدا حوالى تلت التانك او اقل شوية مع حساب انى تهت فى الوصول فلفيت كتير

**shankosi** · 02-11-2008 10:15 AM

انا مبسوط من الأخبار دي

عقبال شيري QQ وGeely و بيري وجريت وول ما يبقوا عربيات محترمة كده زي BYD

الأخ صاحب السيارة الجديد: ألف مبروك وربنا يعطيك خيرها ويكفيك شرها

وخلينا معاك عالخط وقلنا دائما ايه الأخبار.

تحياتي...

**ahmedfadel** · 07-03-2009 12:24 AM

عربية بصراحة

**ahmedelnahas** · 03-11-2009 02:51 AM

المشاركة الأصلية كتبت بواسطة ابوشريف

انا الصراحه مش عارف اشكرك ازاى ...جزاك الله خير

من كام شهراتفرجت على العربيه دى فى توكيل الامل بشارع النزهه

وعجبتنى جدا وخصوصا ارتفاعها عن الارض وسعرها المناسب

الشئ الوحيد الذى لم يعجبنى بها هو التابلوه من حيث الخامه لانه كان بلاستيك خفيف

وليس جلد كما فى الكرولا

لكن اكتشفت بعد كده ان معظم العربيات الحديثه تابلوهها بلاستيك وكمثال النيسان صنى

لكن المشكله فى التخوف من المنتج الصينى لانه لم يجرب بما فيه الكفايه

للاسف الوكيل السبب في طلبة نزول دفعات تابلوة بلاستيك لكن احمد ربنا ان عربيتي 2007 اول دفعة استلام تابلوة جلد وفيها كمان وش سماعات خلفية واربع دلايات للرفارف وكراسي اطيفة وشنطة عدة والكنبة الخلفية بتتفتح وحاجات كتيررررررررررر والعربية مشاء الله عليها ممتازة

**noureldenadel4** · 30-11-2009 02:25 PM

طب يا شباب معلش برضه الانذار مش بيعلى اوك طب ما ينفعش نوطيه الناس كلها بتشتكى منه باليل

حد عند حل بليززززززززززززز

**sv065** · 01-01-2010 10:35 PM

بخصوص صوت الإنذار الواطي الحقيقة أنا كمان عاوز أعليه لأنه ضعيف فعلا وكنت سألت في التوكيل علي الموضوع ده وعرفت إن السبب الرئيسي للصوت الواطي هو أن جهاز الإنذار موجود بالشنطة وصوته مكتوم نوعا ما

وسأقوم بمحاولة إضافة سرينة أخري لكي يصبح الصوت أعلي وسأخبركم بالنتيجة إن شاء الله