الموضوع: شديت مع الميجان انهارده

المشاركة الأصلية كتبت بواسطة noon_eg

انا ليا استفسار بيسط عن الصنى

انا معايا صنى 2010 منيوال عامله 3500 كم وحاسس ان السحب بتاعها بقى بطىء بصوره ملحوظه بعد ما رحت عملت صيانه الالف ( كانت العربيه عامله 1960 كم ساعتها ) عند السبع اللى فى المعادى -- المهم طلعت العربيه بعدها سحبها ضعيف جدا وبتبقى 128 لو شغلت التكييف !!!

علما بانى كنت باشتكى من بطىء فى الاداره الصبح بس كان السحب اكتر من ممتاز - المهم الناس هناك غيروا البوجيهات لعربيه زيرو وقاول ان كده المشكله اتحلت

وللاسف سحب العربيه بقى زى الزفت - ولسه مشكله بدأ الاداره زى ما هى ما اتحلتش

طبعا عملت شكوى فى نيسان مصر وقلت لهم مش عايز اروح السبع تانى لان اللى يعمل صيانه الالف ويطلع العربيه بعيب ما كناش فيها اصلا يبقى مركز اقل ما يقال عنه انهم مهملين وغايه فى الامبالاه -- فوجئت ان مركز السبع بيكلمونى علشان لو فيه مشكله فى العربيه اروح اعملها -- نفسى مسدوه انى اروح عندهم تانى بعد عملتهم التى لا تدل على اى حرفيه فى الشغل

وللاسف ما فضيتش خالص لمده شهر كامل انى اروح تانى ويبقى الوضع على ما هو عليه لحين اشعار اخر


السؤال بقى هو فيه اى حد هنا اشتكى من بطىء فى السحب بعد اى صيانه عملها فى السبع ؟ والتى تشمل تغيير بوجيهات عند 10 الاف كم او 15 الف مثلا ولا لأ ؟

علما بان صديق لى هنا فى المنتدى عنده المشكله دى حصلت بعد صيانه ال 10- الاف كم


معا العلم ان عربيتى السابقه صنى مو 99 عاشت معى 11 سنه و 280 الف كم بدون صيانات فى اى مركز صيانه وكانت زى الفل لانها غالبا ما رحتش عن السبع

-----------
حضرتك روحى تانى السبع واعرض مشكلتك تانى عليهم , لان عمر ما حد ما اشتكى من موضوع السحب , ولو غيروا البوجيهات قبل كدا , يمكن بردوا البوجيهات كان فيها مشاكل , وخاليهم بردوا يرجعوا ضفيرة الكهرباء

وطالما كلموا حضرتك يبقا لازم تروح لهم وتشيك ,وباذن الله الامور حتتحسن