الموضوع: إن شاء الله عايز أشتري كاميرا ديجيتال slr ... ممكن إقراحات؟

يا باشا ربنا يكرمك ومتشكر جدا لوقتك وسعة صدرك معايا,
طيب ماعليش آخر سؤال :)) ... رأيك nikon d5000 هي الأفضل في الفئة دي؟

المشاركة الأصلية كتبت بواسطة haroun707

نيكون d5000 او d3000

أحب أأكد بس إن الـ D3000 مفيهاش تصوير فيديو
وبصراحة من فرق السعر بين التوكيل وخارجه انا مستحرم سعر الوكيل خالص
الكاميرا بتاعتي تمنها في أمريكا أقل من 500 دولار سعرها عند الوكيل 4500 جنيه وأيامها مكانتش متوفرة كمان

بالنسبة لفكرة SLR ولا semi انا بصراحة مش حاسس إن فرق السعر كبير بين الاتنين وبالتالي انا من أنصار الـ SLR لأني أعتقد إن الشخص لو بيحب التصوير زي ما أنا مستشف من ردودك يبقى هاتندم في يوم إنك مجبتش ال SLR

المشاركة الأصلية كتبت بواسطة ahmed_afifi

بس لو ممكن توفر ميزانية اكبر وتجيب nikon d90 يكون افضل وذلك لوجود internal motor ودي يخليك ممكن تستخدم عدسات اكتر ودي مقارنة بينها وبين nikon d5000
nikon d5000 review: 1. Introduction: Digital photography review

ودي ال review بتاعة nikon d90
nikon d90 review: 1. Introduction: Digital photography review

انا أددي صوت برضة لـ d90 طبعاً :)

المشاركة الأصلية كتبت بواسطة kareem_a

و دة بعض من تصويري ارجو انه يعجب حضرتك :)

flickr: Kareem_a's photostream

مجموعة هايلة من الصور :)
أنا ضفتك على فليكر دلوقتي على فكرة

المشاركة الأصلية كتبت بواسطة ahmed nouh

بعد أذنك يا استاذ احمد , انا كان ليا سؤال فى سياق الكلام

هل الكاميرات ال fujifilm جودتها أقل من النيكون , ولا ده مجرد فرق علامات تجارية لأن السعر عاده بيكون اكبر للنيكون او الماركات التانية الكبيره عن الفوجى

ببساطه ماركه يعتمد عليها ككجوده ولا تعبانه ؟

وبالمره ايه رأيك يا كريم فى finepix s1000 و finepix s7000

وكمان اختهم الصغيرة finepix s700

انا بقالى فتره عايز اغير من الكومباكت لحاجه احسن ولفت نظرى اسعار ال 3 موديلات دى وامكانياتهم والكلام اللى مكتوب عنهم فى الريفيوهات خاصه s1000

انا الموضوع عندى زى استاذ احمد بالظبط , الكومباكت بطيئه فى التقاط الصوره وامكانياتها محدوده ومبتعجبنيش دقه الصوره بتاعتها ( سونى w120 )

محتاج حاجه اصور بيها اندوور واوت بسرعه ومزيد من الاحترافيه , خاصه ان شغلى كتير بيتطلب منى تصوير وببقى محتاج كاميرا سريعه والكومباكت ولا مره اسعفتنى

كنت بستغرب ان الناس دايما تسألني السؤال دة , و لكن بعد ما دخلت في التصوير لقيتني انا كمان بسأله لأي حد بيسألني عن كاميرا .......... الميزانية كام ؟ :)

قولي الميزانية و هعرف اقلك ايه انسب كاميرا , و هتجيب من مصر ولا من بره عشان الاسعار بتفرق جامد

هو انت بتصور عربيات ؟

المشاركة الأصلية كتبت بواسطة horsepower

يا باشا ربنا يكرمك ومتشكر جدا لوقتك وسعة صدرك معايا,
طيب ماعليش آخر سؤال :)) ... رأيك nikon d5000 هي الأفضل في الفئة دي؟

لا شكر على واجب ابدا يا باشا :)

في رأي , الd5000 هي الافضل كقيمة مقابل سعر , هاتها و حضرتك مستريح :)

بس التوكيل اسعاره جنوووووووون

المشاركة الأصلية كتبت بواسطة أبو حمزة

مجموعة هايلة من الصور :)
أنا ضفتك على فليكر دلوقتي على فكرة

متشكر جدا يا استاذ ابو حمزة :) , و لازم احييك بشدة على صورة السيريون و الترام , عجبوني جدا

و انا برده اضفتك يا باشا :)

المشاركة الأصلية كتبت بواسطة kareem_a

كنت بستغرب ان الناس دايما تسألني السؤال دة , و لكن بعد ما دخلت في التصوير لقيتني انا كمان بسأله لأي حد بيسألني عن كاميرا .......... الميزانية كام ؟ :)

قولي الميزانية و هعرف اقلك ايه انسب كاميرا , و هتجيب من مصر ولا من بره عشان الاسعار بتفرق جامد

هو انت بتصور عربيات ؟

الموضوع طلع كبير :)

بص هو مفيش ميزانيه اساسا , يعنى انا مكنتش هشترى بس الفكرة انى لقيت الموديلات اللى قولتلك عليها دى عند الشناوى عليها خصم

ال 1000 و ال 7000 ب 1250 جنيه بس !! , بصراحه اتفاجأت بالسعر وفكرت فيهم

خلينا نقول هجيب من مصر والحد الاقصى 1500 , اكثر من كدا يبقى هكنسل الفكرة :)

انا اصلا بصور بيها عاده فى مؤتمرات صحفيه سواء ناس او عربيات , بيبقى معاى مصور بس عاده بيتأخر وممكن ميجيش فبالتالى بصور انا وده اللى خلانى افكر اغير الكومباكت علشان عاده لو صورت بيها 50 صوره ميطلعش منهم الا 20 بس ينفعوا

المشاركة الأصلية كتبت بواسطة Ahmed Nouh

الموضوع طلع كبير :)

بص هو مفيش ميزانيه اساسا , يعنى انا مكنتش هشترى بس الفكرة انى لقيت الموديلات اللى قولتلك عليها دى عند الشناوى عليها خصم

ال 1000 و ال 7000 ب 1250 جنيه بس !! , بصراحه اتفاجأت بالسعر وفكرت فيهم

خلينا نقول هجيب من مصر والحد الاقصى 1500 , اكثر من كدا يبقى هكنسل الفكرة :)

انا اصلا بصور بيها عاده فى مؤتمرات صحفيه سواء ناس او عربيات , بيبقى معاى مصور بس عاده بيتأخر وممكن ميجيش فبالتالى بصور انا وده اللى خلانى افكر اغير الكومباكت علشان عاده لو صورت بيها 50 صوره ميطلعش منهم الا 20 بس ينفعوا

كلام جميل

بالنسبة للs7000 فالكاميرا دي مبقتش بتنتج تاني , و نزلت في 2004 يعني قديمة اوي

الs1000 , قصدك بيها الS1000fd صح ؟

الكاميرا دي بالسعر دة ممتازة , فيها تحكم كتير اوي و ممكن لو عوزت تخش في التصوير هتنفعك جامد

بس لازم تاخد بالك انها بتستخدم بطاريات قلم عادية , و انا شايف انهم في ظروف شغلك احسن من البطاريات الليثيوم

الكاميرا سعرها على امازون 200 دولار , يعني مش مستاهلة تجبها من بره