الموضوع: إن شاء الله عايز أشتري كاميرا ديجيتال slr ... ممكن إقراحات؟

المشاركة الأصلية كتبت بواسطة kareem_a

الشناوي اسعاره ارخص من بره , لأن مفيش ضمان التوكيل و الضمان ضمان المحل

انما طبعا التوكيل اسعاره اعلى

عامة الشناوي معروف و الناس بتشكر فيه جدا , المحل اصلا ليه خمس فروع في اسكندرية

الs8000 لازم تاخد بالك انها بحوالي 540 دولار , فارق السعر كبير

طبعا هي افضل من الs1000fd , لو فرق السعر مناسب ليك اكيد هتكون افضل

اما عن الاماكن التشتري منها , فطبعا الشناوي ارخصهم , غير كدة كله بيبيع بسعر التوكيل او فرق 50 جنيه مش اكتر , منهم كارفور و راديوشاك و رضوان العجيل و امثالهم

ممكن تسأل الشنواي على موضوع الضمان , لأن برده الكاميرات دي بيبقى عندهم منها بضمان الوكيل بس بتبقى اغلى شوية , الهما ال500 جنيه :)

و يا باشا مفيش تعب ولا حاجة والله :)

كلام جميل , كدا الموضوع محتاج طلعه اسكندريه واشوف موضوع الشناوى ده

بس متعرفش اى تجارب فى موضوع ضمان المحل ده , لو حصل حاجه ايه امكانياتهم فى الصيانه وايه مدى تجاوبهم لو الموضوع محتاج استبدال

يعنى بالمختصر ال 500 جنيه توفير ده هتبقى أزمه لو لا قدر الله فيها عيب ولا زيهم زى التوكيل نفس الاجراءات

ولو فرق السعر بسيط , بالنسبه لمبتدأ زى هل ال 8000 تستاهل ولا اخلينى دلوقتى فى ال 1000 واوفر فلوسى احسن ؟

المشاركة الأصلية كتبت بواسطة Ahmed Nouh

كلام جميل , كدا الموضوع محتاج طلعه اسكندريه واشوف موضوع الشناوى ده

بس متعرفش اى تجارب فى موضوع ضمان المحل ده , لو حصل حاجه ايه امكانياتهم فى الصيانه وايه مدى تجاوبهم لو الموضوع محتاج استبدال

يعنى بالمختصر ال 500 جنيه توفير ده هتبقى أزمه لو لا قدر الله فيها عيب ولا زيهم زى التوكيل نفس الاجراءات

ولو فرق السعر بسيط , بالنسبه لمبتدأ زى هل ال 8000 تستاهل ولا اخلينى دلوقتى فى ال 1000 واوفر فلوسى احسن ؟

الموضوع مش محتاج طالعة لاسكندرية , الشناوي ليه فرع في المهندسين

انا بصراحة متعاملتش معاه , تعاملت مع الكينج , واحد زايه بس متعاملتش معاه في كاميرا , هي اكسسوارات مش اكتر

ممكن تسأله في الموضوع دة , اسأله لو اشتريت الكاميرا و لقيت فيها عيب , هيبقى ايه الموقف , و هيبان من كلامه , لو كلامه مش باينله ملامح يبقى بلاش منه , لو قالك هصلحهالك ببلاش يبقى توكل على الله

الحاجات المهمة التتفوق فيها ال8000 ان فيها مانيوال فوكس و image stabalization , لو يهموك يبقى ال8000 لو لأ يبقى ال1000 افضل

المشاركة الأصلية كتبت بواسطة kareem_a

الموضوع مش محتاج طالعة لاسكندرية , الشناوي ليه فرع في المهندسين

انا بصراحة متعاملتش معاه , تعاملت مع الكينج , واحد زايه بس متعاملتش معاه في كاميرا , هي اكسسوارات مش اكتر

ممكن تسأله في الموضوع دة , اسأله لو اشتريت الكاميرا و لقيت فيها عيب , هيبقى ايه الموقف , و هيبان من كلامه , لو كلامه مش باينله ملامح يبقى بلاش منه , لو قالك هصلحهالك ببلاش يبقى توكل على الله

الحاجات المهمة التتفوق فيها ال8000 ان فيها مانيوال فوكس و image stabalization , لو يهموك يبقى ال8000 لو لأ يبقى ال1000 افضل

اول مره اعرف !! , انا فاكره فى اسكندرية بس وعلى موقعه حتى مش كاتب حكاية المهندسين دى

هحاول لما اروح افهم موضوع ضمان المحل ده منهم

انا خلاص استقريت على ال 1000 ان شاء الله لأنى مش غاوى مانيوال فوكس بصراحه انا يهمنى الاوتو لأنه اسرع وده هيفيدنى اكتر وكمان بسبب ان فى صور كتير باخدها عميانى فى وسط الزحمه مبينفعش ابص فى الشاشه :)

انا عارف ان كأحتراف المانيوال هيخلينى اعمل صور معينه ميعملهاش الاوتو بس النفع الاكبر هيحكمنى

ان شاء الله اول ما اتخلص من الحته الكومباكت اللى معاى هجيب الفوجى دى

المشاركة الأصلية كتبت بواسطة ahmed nouh

اول مره اعرف !! , انا فاكره فى اسكندرية بس وعلى موقعه حتى مش كاتب حكاية المهندسين دى

هحاول لما اروح افهم موضوع ضمان المحل ده منهم

انا خلاص استقريت على ال 1000 ان شاء الله لأنى مش غاوى مانيوال فوكس بصراحه انا يهمنى الاوتو لأنه اسرع وده هيفيدنى اكتر وكمان بسبب ان فى صور كتير باخدها عميانى فى وسط الزحمه مبينفعش ابص فى الشاشه :)

انا عارف ان كأحتراف المانيوال هيخلينى اعمل صور معينه ميعملهاش الاوتو بس النفع الاكبر هيحكمنى

ان شاء الله اول ما اتخلص من الحته الكومباكت اللى معاى هجيب الفوجى دى

هو يمكن عشان اصله في اسكندرية , انما انا رحت المحل مرة

و لو كدة يبقى ال1000 ممتازة و هتناسبك جدا

و ربنا يوفقك ان شاء الله :)

المشاركة الأصلية كتبت بواسطة Ahmed Nouh

اول مره اعرف !! , انا فاكره فى اسكندرية بس وعلى موقعه حتى مش كاتب حكاية المهندسين دى

هحاول لما اروح افهم موضوع ضمان المحل ده منهم

ده العنوان والتليفون يا أحمد

محلات الشناوى للتصوير والمرئيات 21 ش دجلة متفرع من ش شهاب
المهندسين, الجيزة
التليفون: 02-33369136, 012-7816656

المشاركة الأصلية كتبت بواسطة أبو حمزة

انا أددي صوت برضة لـ d90 طبعاً :)

متشكر جدا يا أبو حمزة

المشاركة الأصلية كتبت بواسطة kareem_a

.....................

في رأي , الd5000 هي الافضل كقيمة مقابل سعر , هاتها و حضرتك مستريح :)

بس التوكيل اسعاره جنوووووووون


................

إيه رأيك يا كريم باشا؟ d5000 واللا d90؟
وتنصحوني أشتري منين؟

هات النيكون و مش هاتندم d5000

يا جماعة أنا لسة مكلم الشناوي ولقيت عنده:
D5000 سعرها 4250 جنيه
d90 سعرها 6300 جنيه
بدون ضمان

التوكيل عنده ال d5000 ب 5500 جنيه و ضمان 6 شهور فقط, و معندوش ال d90.

إيه رأيكو؟ ... إن شاء الله عايز أنزل أشتري في أقرب فرصة و لو أمكن إن شاء الله النهاردة.