الموضوع: حساس الكولنت

اعتقد ان معظمكم عارف موضوع اللمبة بتاعت Check Engine اللى متنورش اللى لما العربية تسخن
و قعدنا اتناقشنا و اقتنعت انه حساس الكولنت لأن ده الوحيد اللى ليه علاقة بالسخونية بالرغم انه مش عامل حاجة تانية بس اللمبة لما تنور العربية تبرجل
على اى حال
نزلت النهارده و اتكلت على الله عشان اجيبه
كل ما اروح لحد يقولى الفيبى
مفيش غير الفيبى
طيب ما اللى فى العربية و كملش كان فيبى
يبقى ايه الفايده
كله يقولك المانى و لا شم ريحة المانيا و شكله معفن و حقير
و اشكر عاطف بك صالح اللى اعتقد انه كرهنى النهارده بسبب المكالمات المتتاليه
قاللى الفيبى حرام صينى و معفن
دور على المايلى او التوبران
قعدت ادور لقيت البوش
اتصلت بيه قاللى راجع على علامة بوش اللى على الحساس عامله زى 8 بالأنجليزى جوه دايره
رجعت و خدته
و قلتله على نوع تانى اسبانى لقيته عند امريكان ستارز ب 50 جنيه
و الفيبى اجماع على سعر واحد 60 جنيه
البوش بعد نشفان الريق و المحايله 65 جنيه
و عليه العلامه المائية بتاعت A-Part
قارنت الرقم الكودى باللى على الحساس
الملاحظات الأولية
==== خنقة العربية خفت كتير فى القرص المفاجئ
==== اللمبة لما اخد مشوار محترم احكم
==== الحساس نفسه تحسة محترم و وزنه اتقل من الفيبى اللى خلعته و خامته احسن و نحاسه انضف
==== تركيبه اهيف مما يمكن تفك خرطوم الماف و مفتاح 19 بلدى و فك و ركب 10 دقايق لو الميكانيكى بظئ و العربية سخنه
==== هابتدى ارجع استهلاك البنزين و ابص تانى على البوجيهات

اللذيذ بقى
-=====--- ماف الفيكترا ايه الأصلى بوش بس فرنساوى ==== 2900 جنيه
=---==== الأيدل كنترول بوش اصلى المانى =========== 900 جنيه
====== مراية الفيكترا ايه العادة مش الكهربا == تايوانى === 85 جنيه -- الكهربا تزيد حوالى 60 جنيه
====== مراية الأسترا اللى بتركب على الفيكترا ======== 140 جنيه


نصائح و عبر

=====اللى يقولك الفيبى المانى و هو مش مكتوب عليه غير حرف f زى ده بالظبط و هو صينى ادعى عليه
======البوش ماركه محترمه بس غالية حبتين و لازم تلاقى علامة A-Part
=====و انت بتشترى اى قطعه غيار لازم يكون Part No بتاع العلبة هو المحفور عليها
التوبران و الماركه الأسبانى حلوين بس قليلين قوووووووووى و محدش جربهم من اللى اعرفهم


دى تجربة حساس الكولنت
من الساعه 5 انتهت الساعه 8.30