الموضوع: زيت كالتكس عايز رايكم بصراحة فيه ؟؟

يا جماعة ان استخدمت زيت كالتكس و حسيت ان الماكينة صوتها على شوية و اللزوجة بتاعت الزيت و الله كويسة جدا بس الزيت حاسس انه خفيف فممكن حد يدلنى على زيت تانى علشان انا عايز اغير الزيت ده بس يكون زيت اتقل شوية و كمان يكون يعمل 2000 او 3000 بالكتير

منتظر ردودكم يا اخوانى

المشاركة الأصلية كتبت بواسطة essam_shaaban

انا اسف للتدخل يا جماعة
لكن فعلا انا استخدمت زيوت فيسكو 2000 لمدة طويلة وهيه بتقعد حوالي 7 او 8 الاف كيلو لو الماتور مظبوط لما كنت بنزله علي 7 او 8 الاف كان العامل بيقولي لسه فيه لزوجة
بس للآسف انا اضطريت اغيره لزيت الامارات التقيل لان الماتور بدأ ياكل زيت والعربية عاوزه طقم شنبر انما هو فعلا زيت جبار وانا لي اخويا الكبير بيشتغل في شركة بترول قالي انه من اعظم الزيوت علي مستوي العالم في الكفاءة والهدوء واللزوجة وانا مش بعمل اعلان ولا حاجة لكن للنصح والارشاد والله الموفق

طيب هو

زيت فيسكو ده فيه منه 2000 او 3000 و لا اية ؟؟
زيت فيسكو ده متوفر فى اي بنزينة ؟؟؟ يعنى اجيبه منين ؟؟
طيب و اخبار اسعار الزيت ده اية ؟؟؟؟

بعد متابعتى للردود . احب اقول و عن تجربة فعلية زيت كالتكس وحش جدا و لزوجتة عند السخونة زبالة

انا حاليا بستعمل زيت مصر 1 بقالى اكتر من سنتين و هى تابع لمحطات مصر للبترول و هو زيت 10000 كم ب 85 جنية الاول كان ب 73 جنية و للعلم الموتور جديد و بغير كل 9000 كم و بيكون زى الفل يعنى لسة فى لزوجة و فى زيت تانى عندهم ب 185 جنية دا 20000كم بس انا محبزوش

انا بستعمل كالتكس ابو 38ج المفروض 1500كم وفعلا صوت المكنه عالى ...........طيب لو هغير هغير لايه يكون برضو كل 2000كم تقريبا عشان عندى المكنه خفيفه وبتاكل زيت وشكرا

المشاركة الأصلية كتبت بواسطة mohamed9999

انا بستعمل كالتكس ابو 38ج المفروض 1500كم وفعلا صوت المكنه عالى ...........طيب لو هغير هغير لايه يكون برضو كل 2000كم تقريبا عشان عندى المكنه خفيفه وبتاكل زيت وشكرا

استعمل اى زيت عادة بس مش بتاع كالتكس . مصر للبترول كويس اظن ب 32 جنية او التعاون برضة كويس