الموضوع: أشكرك فيرنيتى يارافعة راسى المرة دى مع سيراتو كوبية !!!

المشاركة الأصلية كتبت بواسطة amrsabet

انا متشكر جدا على ردك ياريت لو تفيدنى اجيب الكاوتش ده منين وهل هو ليه صوت على الطريق ولا لا وهل الفرد دى طريه ولا ناشفه والفوجات انا لقيتها فى شارع دمشق ب 250 جم فلو حضرتك تفيدنى هيا فين ب 90 جم يبقى كتر خيرك وياترى فى كهربائى كويس فى م الجديدة او م نصر يركبهم من غير فيخدش حاجه على اساس انا عايز انهم يكونوا زى الفابريقة
حضرتك تنصحنى اخليهم بزرار ولا اخليهم على السهارى وايهم افضل مع العلم انا مركب كتاوت اصلا للنور ومركب لمبات اوسروم نايت بريكر ولكن هيا مش بتحتاج كتاوت
شكرا للافاده

الفردة دية اسمها achille platinium ودية احسن فردة تجيبها اولا كاوتش سرعات فية روتييشن نقشة رياضية خاصة للسيارات المزودة بالabs بجد فردة جميلة جدا خلى بالك الفردة عندى فى العربية يعنى بكلمك على تجربة واقعية :

1: عملت 40 الف كيلو والفردة نفسها شققت فبقت بتحتاج انى ازودها كل اسبوع واى مسمار او زجاج بيأثر فيها فورا
2: صوتها عالى الطريق مش هادى اوى بس كويس
3: ثبات فوق الوصف
4: مش طرية ومش ناشفة مقبولة واللى هيحدد اكتر نظام تعليق عربيتك
5: منظرها وهم وانت مركبها

طبعا بعد ماغيرتهم جيت اجيبها تانى مالقتهاش روحت جايب sonar تايوانى فردة جميلة جدا وكل حاجة وطرية وهادية بس مش للاداء الرياضى ومابقتش تقفش فى الارض زى ماكانت لسة زيرو , بس بردة جميلة جدا وادائها مرضى الى حد ما بس ماتنفعش السيارات الرياضية زى عربيتى بس على اى عربية تانية اعتقد هتقوم بالواجب وزيادة واقصى عمر ليها 40 الف كيلو

ولو انت عايز اداء على حساب الراحة اشترى بريدجستون وش جامدة جدا بس نااااااااااااااااشفة جدا
وهاتها turanza اما بقى لو مش فارقة معاك الفلوس وعايز الاتنين ثبات وراحة واداء عالى يبقى هات الاندرالين ب650 جنية الفردة

المشاركة الأصلية كتبت بواسطة kamatsho

لما ربنا يكرم كده ونركب عربيات محترمه زى ما الكتاب بيقول مفيهاش غلطه يبقى نجيب الاندرالين والميشلان

ربنا يكرمك ان شاء الله