يبقى انت اكيد اكيد فى مصر
عرض للطباعة
يبقى انت اكيد اكيد فى مصر
فعلا....بقت حاجة تقرف
انا واحد من الناس اللى عاملة حديد امام عمارتها على فكرة انا ساكن فى فيصل
ودى فرصة كويسة انكم تسمعوا وجهة نظر الطرف الاخر
اولا الاسباب اللى خلتنى اعمل موضوع الحديد
انا وقرايبي كنا بنركن عربياتنا فى جراج قريب علشان نتقي شر التكاتك والمايكروباصات اللى بيختصروا الطريق من شارعنا
وكنت سايب الجيران اللى فى العمارات اللى حوالينا يركنوا براحتهم لكن كنت طالب من البوابين ومن الناس نفسهم اللى بلاقيهم صدفة بيركنوا
انهم ميركنوش امام المدخل ويبعدوا عن ابواب المخازن علشان نعرف نفتحها لان مفيش رصيف ادامهم
لكن زى العادة الناس بتقابل الادب بقلة الادب
الناس ركنت امام الباب بتاع العمارة لدرجة ان والله كنا ساعات بنطلع من على الكبوت بتاع العربية لانهم بيبقوا لازقين في بعض
والمخازن ركن ادامها ثلاث عربيات اصحابهم مش محتاجنهم رافعينهم يعنى لحد ما يشفولهم بيعة
وكل ما اسأل بواب عن اصحاب العربيات دى يقولوا منعرفوش
لدرجة اننا كنا بنشترى بضاعة بسعر اعلى علشان مش عارفين ناخد اللى جوة المخزن
المهم اتحايلت على البوابين وعلى اصحاب العربيات
بكل ادب للاسف كان ردهم دا شارع الحكومة انتا عايزنى اطلع العربية الشقة مليش دعوة هو كدة ويروح سايبنى وماشي
اخدت حوالى 3 شهور من ساعة ما سكنت على الحال ده
ورحت قالب على الوش الوحش بس الوحش قوى
الصوت الهادى اتحول لصوت رعد والكلام المؤدب اتحول لأسوأ الشتايم
واليد اللى مبتمسكش غير الماوس مسكت عمود حديد وهددت بكسر العربيات وزقها فى وسط الشارع ان ماتشلتش
ومسكت اتنين بوابين من رقبتهم وقلتلهم اللى هيركن هنا تبعكم او مش تبعكم هولع فيكم انتوا والعربية اللى هتركن
كنت متغاظ منهم اوى لانهم كانوا بيحلفوا بالله كدب ان العربيات مش تبعهم
والله فى ظرف 5 دقائق كان العمارة ادامها فاضي
وتانى يوم رحت عامل الحديد اللى بيتفك وخليت عربياتنا تركن ادام العمارة
ومع الوقت الناس اللى معايا بيكسلوا يحطوا الحديد لانهم عارفين ان محدش هيقدر يركن مكانهم
الخلاصة
لو اللى بيركن بيراعى مدخل العمارات انه ميركنش ادامهم حتى لو عمارته
اننا منركنش ادام المحلات لان دى محلات اكل عيش لاننا لو عايزين نشترى حاجة من محل ولقينا صف عربيات راكن ادامه ملزق فى بعضه مش هيمشي لاخر الشارع علشان يشترى لاء هنشترى من اللى بعده لو سهل اننا ندخله
او لو فى عربية جيباله بضاعة هينزلها ازاى
يعنى لازم نراعى ان مش كل الناس شباب لاء فى كبار فى السن فى حوامل مش كل الناس بتعرف تعمل شقلبظات
علشان تعرف تطلع عمارتها او تشترى حاجة
معلش طولت عليكم بس كان لازم اقول الظروف اللى بتخلي الواحد يعمل حديد امام عمارته او محله
وشكرا
------------------
محمد سالم
رحمتك يارب الجيران مشكلة فالركن وهاتك يا خبط في الإكصدام وتكلمه يقلك معلش صايم وعربيته مكيفة ناوي اركب قطرة في الإكصدام الخلفي ان شاء الله وده من النوعية اللي بترش البواب عشان يحط طوب امام العمارة شغل وسخ مع ان في ركنات كتير ادام العمارة ويروح يجيب عربيته من امام العمارة عشان يحطها جنب رصيف العمارة طيب ليه؟ ممكن يكون حاجة نفسي ربنا يهدينا جميعا ويغيرنا للأحسن قال صلي الله عليه وسلم"سوء الخلق يفسد العمل كما يفسد الخل العسل"يارب
انا من يومين جيت اركن عند البيت ملقتش مكان فعادي ركنت في اقرب مكان فاضي
تاني يوم بعتولي البواب قالولي عايزين من حضرتك تشيل العربية لان هنجيب رمل وزلط عادي نزلت وشلت عربيتي
وكان المفروض جايلي ضيوف بس معهمش عربيات
المهم الكلام ده كان الظهر
نزلت اجيب ضيوفي من منطقه قريبه قبل ادان المغرب بنص ساعه
ولما رجعت ملقتش مكان خالص
والعماره اللي فوشي اللي قالو هيجيبو زلط عندهم اماكن فاضيه كتير
فجيت ركنت والكلام ده قبل ادان المغرب ب 10 دقايق وانا قلت وقت الفطار ومعنديش مشكله اشيل العربية اول ميبعتولي
لسا بنزل من العربية لقيت واحد من العماره بيقولي نصا كده
انتا متركنش هنا!!!
ولأن ده اسلوب معجبنيش رديت قلتله واضح جدا انك بتعرف تكرم الضيوف وبدل متقول كل سنه وانتا طيب بتقولي كده عموما ده مش شارع ابوك ولعلمك بقا
انا كان عندي نيه اشيل العربية بعد الفطار
انما طالما الكلام كده العربية دي مش هتتزحزح من هنا الا لما انا اعوز
قالي بس هقولك على حاجه قلتله كلامي معاك خلص لانك عديت حدود الكلام اساسا وناديت بواب عمارتنا
قلتله لو حد جالك عشان تطلعلي انا بقولك اهو انا مش هنزل والعربية اهي فمكانها ولو حصل فيها خدش واحد هكسر دماغ اجدع واحد في الحاره ورقبتك في الموضوع
وطلعت بيتي بضيوفي
وللمعلوميه
ادي يومين اهو ولا زلط ولا رمل ولا حاجه
وللمعلوميه
تلات عربيات كانه راكنه عند عمارتنا وانا متكلمتش ولا اقدر اتكلم
لان الشارع مش بتاعي واللي يعوز يركن يركن
ياترى انا غلطت في حق الناس دي؟
تحياتي
لا طبعا حقك واللى عملتة هو الصح بس اول ما حتشيل العربية خلاص حتلاقى بقى زرع او طوب او عواميد ومش بعيد تلاقى عمود خرسانى يحجز المكان !!!
هما البوابين وبتوع الامن دول لازم تديهم فوق دماغهم عشان يتعلموا هما واللي مشغلهم الادب