الموضوع: بلطجة الشوارع .. لحد أمتي ؟؟

المشاركة الأصلية كتبت بواسطة ashouhdy

لما تكون مروح الساعة 4 فى عز الحر و عمال تلف حوالين نفسك عشان تركن و مفرهد و قدامك رصيف كامل فاضى محجوز لاولاد البهوات المفاعيص لما يرجعوا من النادى او الساحل يركنوا وانت حتججنن ساعتها مش حيبقى مسمار دى فيها قتل

صدقني مقدر شعورك وكلنا بنشوف المهازل دي (دة البلد نصها بقى محجوز يا راجل)

لكن اي تصرف بالدراع هيقابلوه تصرف مماثل ومحدش هيبقى احسن من حد والطرفين مخطئين وهتعرض نفسك للمهانه

ودايما الأنسان المخطئ لما بتتخد ضد الأجراءات القانونية دون التعرض له بشكل مباشر بيبقى مكتوف الأيدي ولا يستطيع الرد لأنه عارف انه مخطئ

وتقدر حضرتك تعمل شكوى عن على وزارة الداخلية من خلال اللينك اللي حطة زميلنا المحترم الباشمهندس سمير ومتنساش الصور .... وربنا يعينك

أنا ليا رأى أن أى حد ساكن فى مكان ليه الحق أنه يرجع من شغله و يركن عربيته تحت بيتة,,,حط نفسك مكانه,كل يوم ترجع من الشغل و ماتقدرش تركن تحت بيتك علشان حد غريب جاى يخلص مصلحة راكن تحت بيتك فى المكان اللى أنت بتركن فيه من سنين طويله....طول عمرى بقول لازم الواحد يحط نفسه مكان الشخص اللى قدامة و هن هانقدر نتسامح و ماتوصلش ألأمور لدرجة الزعيق و الخناق

يكون إستعمال الطرق أيا كانت طبيعتها فى المرور على الوجه الذى لا يعرض الأرواح أو الأموال للخطر أو يؤدى إلى الإخلال بأمن الطريق أو يعطل أو يعوق إستعمال الغير له ، أو يقلق الراحة أو يضر بالبيئة

ده مش كلامي ده كلام القانون و العقوبات واضحة و سبق ان ذكرتها :
- الحبس لمدة تصل الي 6 شهور أو غرامة مالية تصل ال 1500 جنيه