صوت تكة عند لف الدريكسيون شمال

**DrMax** · 25-07-2010 02:53 PM

السلام عليكم
النهاردة سافرت من طنطا للقاهرة وطبعا كلنا عارفين الطريق الزراعى عامل ازاى كلو شرايط صفرا اللى بتهد العربية دى وعين القط

المهم لما وصلت وانا بكسر الدريكسيون شمال ربع لفة كده بحس بتكة بسيطة كده بس وبتتسمع بسيط حتى لو واقف
والتكة مش موجودة غير فى المكان ده بس لكن لو لفيت يمين او كملت لف شمال مفيش حاجة
فتحت الكبوت التكة مش مسموعة فيه
مع العلم ان التكة دى مكنتش موجودة الصبح قبل مطلع عالزراعى
فهل فى مشكلة فى الاسكاترة او التارة نفسها ولا ده طبيعى بسبب الطريق الزراعى اللى كلو هبد ورزع وهتروح لوحدها ولا ايه؟؟لان العربية لسه جديدة 2009 وعاملة 2700 كيلو

منتظر ارائكم وشكرا جزيلا

**tigernet** · 25-07-2010 03:51 PM

دة صوت البارات او الفبرة بتاعت البطاحة عيزة تتشحم
الموضوع دة حصل معايا كدة مرة
كانت مرة البارات عايز يتقرط عليها و مرة البطاحة كانت عايز تتشحم

**DrMax** · 25-07-2010 04:25 PM

المشاركة الأصلية كتبت بواسطة tigernet

دة صوت البارات او الفبرة بتاعت البطاحة عيزة تتشحم
الموضوع دة حصل معايا كدة مرة
كانت مرة البارات عايز يتقرط عليها و مرة البطاحة كانت عايز تتشحم

اولا شكرا لردك
انا قريت قبل كده فى مشاركات فى القسم هنا ان الصوت ده بيحصل عادى فى البومه
يعنى ممكن اروح التوكيل يظبطو الصوت ده فى اى وقت عادى؟؟
الموضوع مش مقلق يعنى؟؟
معلش هتعبك معايا بس اصلى مقلق بس اكمن العربية لسه جديدة وبتقول ياهادى :)

**ahmedsaiad** · 25-07-2010 04:27 PM

متقلقش ياباشا ممكن زى الأخ الفاضل مقال ليك كانت عندى نفس المشكله وانا عند بتاع الزوايا قال لى البطاحات محتاجه تشحيم وشيك بالمره على جلب المقصات وفعلا لقيت جلبه مقص متاكله وده كله عشان انا بسافر المنصوره عالزراعى عالطول وكله هبد ورزع فى العربيه وربنا يسترها معنا جميعا

**ahms10** · 25-07-2010 05:07 PM

انا عندى نفس الوصت بيظهر بس يمين وشمال وفعلا بيحصل عند ربع لفة للدركسيون ورحت كشفت علية وكان من البارات بس هيا مفهاش مشكلة انا ماشى علية بقالى فترة هيا مجرد انى البارات بتخف شوية بس طبعا الافضل انى اغيرها وهروح كمان كام يوم كدة ان شاء اللة اغيرها الصوت عندى عبارة عن (تك) خفيفة اوى بس مع الوقت بتزيد شوية مش عارف عند حضرتك هتبقة اة المشكلة بس ان شاء اللة خير عامتا سعر البارات 1000جنية

**Eng.Osama.Afifi** · 25-07-2010 07:23 PM

نفس الحوار ده حصل معايا ... وطلع في الآخر في مسمار كدة كان عايز يتعمله إستعدال ( الجلبة بتاعته بتتخلع منه حاجة زي كدة )

روح لمركز ميتسوبيشي بتاع طريق المطار وحيعملهالك وأنت واقف

أنا كنت كتبت على الموضوع ده قبل كدة وروحت التوكيل العبقري قالي إنها كوبلن ( العربية مكانتش كملت 20,000 ) ... بس الراجل بتاع مركز ميتسوبيشي موبيل طريق المطار عملهالي وخد بتاع 17 جنيه كلام فاضي

**DrMax** · 26-07-2010 09:51 AM

المشاركة الأصلية كتبت بواسطة ahmedsaiad

متقلقش ياباشا ممكن زى الأخ الفاضل مقال ليك كانت عندى نفس المشكله وانا عند بتاع الزوايا قال لى البطاحات محتاجه تشحيم وشيك بالمره على جلب المقصات وفعلا لقيت جلبه مقص متاكله وده كله عشان انا بسافر المنصوره عالزراعى عالطول وكله هبد ورزع فى العربيه وربنا يسترها معنا جميعا

شكرا لرد حضرتك وربنا يسترها معانا جميعا ويرحمنا من الطرق اللى كلها هبد ورزع دى

المشاركة الأصلية كتبت بواسطة ahms10

انا عندى نفس الوصت بيظهر بس يمين وشمال وفعلا بيحصل عند ربع لفة للدركسيون ورحت كشفت علية وكان من البارات بس هيا مفهاش مشكلة انا ماشى علية بقالى فترة هيا مجرد انى البارات بتخف شوية بس طبعا الافضل انى اغيرها وهروح كمان كام يوم كدة ان شاء اللة اغيرها الصوت عندى عبارة عن (تك) خفيفة اوى بس مع الوقت بتزيد شوية مش عارف عند حضرتك هتبقة اة المشكلة بس ان شاء اللة خير عامتا سعر البارات 1000جنية

بس هية البارات تلحق تنعم بعد 2700 كيلو بس؟؟ ممكن تكون عايزة تربيط ولا حاجة..لو الصوت استمر هروح التوكيل ان شاء الله وربنا يسهل..شكرا ليك

المشاركة الأصلية كتبت بواسطة eng.osama.afifi

نفس الحوار ده حصل معايا ... وطلع في الآخر في مسمار كدة كان عايز يتعمله إستعدال ( الجلبة بتاعته بتتخلع منه حاجة زي كدة )

روح لمركز ميتسوبيشي بتاع طريق المطار وحيعملهالك وأنت واقف

أنا كنت كتبت على الموضوع ده قبل كدة وروحت التوكيل العبقري قالي إنها كوبلن ( العربية مكانتش كملت 20,000 ) ... بس الراجل بتاع مركز ميتسوبيشي موبيل طريق المطار عملهالي وخد بتاع 17 جنيه كلام فاضي

منا فى اعتقادى برضو انها مشكلة تربيط لان العربية يادوب عملة 2700 كيلو...هشوف التوكيل كده لانى فى الضمان وربنا يكرم..شكرا لحضرتك

**A.Gameil** · 26-07-2010 11:18 AM

المشاركة الأصلية كتبت بواسطة ahms10

انا عندى نفس الوصت بيظهر بس يمين وشمال وفعلا بيحصل عند ربع لفة للدركسيون ورحت كشفت علية وكان من البارات بس هيا مفهاش مشكلة انا ماشى علية بقالى فترة هيا مجرد انى البارات بتخف شوية بس طبعا الافضل انى اغيرها وهروح كمان كام يوم كدة ان شاء اللة اغيرها الصوت عندى عبارة عن (تك) خفيفة اوى بس مع الوقت بتزيد شوية مش عارف عند حضرتك هتبقة اة المشكلة بس ان شاء اللة خير عامتا سعر البارات 1000جنية

عاوز أتأكد من حضرتك عن موضوع البارات ده , حضرتك تقصد بارات علبة الدركسيون ؟ , بتاع العفشة بيقولي البارات خفيفه بس انا موش بسمع صوت تكه ولا حاجه بس وانا ماشي في طريق فية زلط صغير مثلاً بسمع صوت دبدبة جاية من العجل و كان فيه واحد اعرفه لما قولتله على موضوع بارات سألني إنت بتسمع تكه في الملفات بس ما أهتمتش لان بتاع العفشة كان كاشف عليها بس أنا دلوقتي موش عارف الصوت ده ممكن يكون من إية ؟؟
أنا عربيتى بومه 1300 مانيوال

**M!SHO** · 26-07-2010 12:46 PM

ان شاء الله تطلع حاجه بسيطه
وابقى طمنا يا دكتور

**ahms10** · 26-07-2010 12:47 PM

بص يا باشا هيا التكة صوتها واطى جدا فغالبا ممكن تكون بتظهر وحضرتك مش واخد بالك اصلى انا بركز اوى مع العربية يعنى انا عندى التكة دى مع انها زادت اوى كنت بسمعها لاخويا وهوة مش واخد بالة فا معنى انها خفيفة لازم تعمل تكة غالبا تقدر تحس فيها لو افى العربية وواقف تحتها وتخلى حد\ يهر الدركسيون هتلاقيها بترج هيا كدة كدة المفورض تتحرك لاكن من غير نبضات
عامتا انا لسة انهردة الحمد اللة مغيرها وحسيت بفرق جامد سواء فى نعومة الدركسيون والاصوات الى كنت بسمعها لما امشى فى حتة مكسرة كنت بحس انى بدوس على الولط بايدى وعلبة الدركيسون الداخلية كلها بتتهز جامد وتعمل اصوات بالاضافة طبعا انى التكة راحت والدركسيون بقة انعم