استهلاك البنزين عالى جدا و منخفض جدا

**ahmedjumpo** · 25-07-2010 09:43 PM

صدق الله العظيم و ربنا يفرجها من عنده وكان ليه سؤال عندك يا هندسة لما جينا قسنا شحن الدينامو لاقيناه على السلانسيه 14 و لما شغلنا التكييف و الانوار و كل الاحمال الكهرباء بينزل الى 13 فهل القيم ديه كويسة و لا لاء علما ان البطارية كلورايد سائلة 66 امبير

**samirayad** · 25-07-2010 09:51 PM

هو 14 فولت بدون أحمال طبيعى وكويس

وأعتقد نزول الفولت ل13 مع الأحمال منطقى برضه

طالما القيمه أكبر من جهد البطاريه ( 12 فولت )

يعنى الدينامو اللى شايل الأحمال والبطاريه فى أمان

ومدخلتش فى شيل أحمال كهربيه مع الدينامو

وبأذن الله

حجرب القصه دى عندى

وأشوف السلوك ده طبيعى فعلا ولا لا

وإن كنت ميال إلى أنه سلوك طبيعى

________________________

بالمناسبه

أيه المانع أنك تجرب وحدة تحكم تانيه

على سبيل الأيجار لمدة أسبوع مثلا

بحيث تراقب فى الفتره دى أستهلاك البنزين

**MMamdouh** · 26-07-2010 10:28 AM

المشاركة الأصلية كتبت بواسطة ahmedjumpo

السلام عليكم ايها الخوة الكرام
انا عندى ظاهرة غريبة جدا فى استهلاك البنزين و هى ان والعربية باردة و على ما تسخن فهى تستهلك بنزين بشراهة غريبة جدا ,ويصبح الاستهلاك عالى جدا لما تيجى تعمل مشواير قصيرة حيث العربية تطفى و تبرد ثم تشغل و تبدا التسخين تانى اما لو العربية وصلت الى درجة الحرارة بتاعت التشغيل و مشيت بيها فان الاستهلاك يكون ممتاز جدا حيث يكون المتوسط 7 لتر فى 100 كم مع تشغيل التكييف كمان و فى الحالتين بكون ماشى فى طرق مفيهاش زحمة وبجد معرفش ايه السبب هل ممكن يكون حساس مثلا و لا ايه

انا مش شايف مشكلة

طبيعى ان العربية تستهلك بنزين كتير و هى بتسخن...دى مش حاجة غلط

MMamdouh

**MMamdouh** · 26-07-2010 03:51 PM

المشاركة الأصلية كتبت بواسطة ahmedjumpo

استاذ ممدوح كان عندى استفسارين
الاول اد ايه الوقت اللى بتحتاجه العربية علشان توصل الى درجة الحرارة التشغيلية بداءا من لحظة ادارة المحرك

مفيش زمن محدد لان الموضوع بيعتمد على حاجات كتير منها حرارة الجو و كفاءة المحرك و خلافة بس عموما الموضوع مش محتاج اكتر من 5 الى 6 دقائق عشان درجة حرارة الموتور توصل الى درجة حرارة العادية و مراوح التبريد تشتغل

ثانيا زى ما حضرتك قولت ان الطبيعى ان العربية تستهلك بنزين و هى بتسخن و لكن اعتقد و الله اعلم انه مش طبيعى انها تستهلك حوالى 4 لتر الى 5 لتر فى التسخين و ديه حسبتها بانى فولت العربية الى الزور من بنزينة جمب البيت و تانى يوم الصبح بعد ما سخنت العربية فولت من نفس البنزينة فكان المستهلك حوالى 5 لتر و العربية ما عملتش 4 كم مسافة و لا يوجد عندى اى تسريب فهل ده طبيعى لان كده البنزين هيخلص فى التسخين بس

مستحيل تسخين العربية يستهلك 4 لتر بنزين... دى كمية تكفى سواقة 40 كيلو مستحيل تتحرق بشكل طبيعى فى 5 او 10 دقائق

اكيد عندك تسريب فى التنك او المواسير... جرب نفس التجربة بس بليل متاخر اول ما العربية تبردعلى طول دور و سخن و فول حتلاقى البنزين منقصش بالشكل الكبير دة

MMamdouh

**tarek_2005** · 27-07-2010 11:04 AM

اعتقد والله اعلم ان هناك عامل من العوامل المؤثرة في استهلاك البنزين غائب عن الاستاذ احمد

كمية البخر في البنزين عند بيات السيارة وهنا يمكن يكون العربية بتتركن في جراج درجة حرارته عالية تودي الي بخر كمية كبيرة + هناك بعض مشاكل التسريب لاتكون ملحوظة
واليك هذه المشكلة وحلها لتعلم ان هناك عيوب يجب ملاحظتها بدقة

لدي صديقي سيارة باسات موديل 2000
وسافر صديقي لاحد الدول العربية وترك السيارة لزوجته وهي لا تعرف في قيادة مثل هذه السيارة فاكتفت بادارتها كل ثلاث ايام
وحتي لا اطيل

عند تسخين السيارة السيارة مش بتنقط بنزين ( بتشر ) بنزين من الخلف وبمجرد ان تسخن السيارة ولا نقطة بنزين تسقط منها

ذهبت الي السيارة ودورتها
لا توجد اي تسريبات بنزين بها

اخذت السيارة وبقا لها معي شهر وهذا ما اكتشفته

بعد ترك السيارة مدة طويلة اكثر من 8 ساعات بدون دوارة ثم تدويرها يحث تسريب في البنزين واول ما تسخن تبطل

واذا بشق صغيير غير ملحوظ بالعين المجردة في خرطوم البنزين الواصل من طرمبة البنزين الي الفلتر هو السبب

هذا الشق لايسرب بنزين والسيارة سخنة ولكن عندما يجف منه البنزين واعادة ضخه مرة اخري فيه يسرب حتي يتشبع بالبنزين فيوقف التسريب

راجع الخراطيم الخاصة بالبنزين بسيارتك وغير الجاف منها حتي ولو سليم

**MMamdouh** · 20-01-2011 02:09 PM

مش منطقى انك لما تطول فترة التسخين الاستهلاك يقل... اساسا تشغيل العربية على السلانسية مدة طويلة غلط

MMamdouh

-

الموضوع: استهلاك البنزين عالى جدا و منخفض جدا

LinkBack

أدوات الموضوع

عرض

-

-

-

المواضيع المتشابهه

استهلاك البنزين عالى

استهلاك عالى جدا فى البنزين

استهلاك البنزين عالى

استهلاك البنزين 92 للنوبيرا عالى بدون تكيف داخل القاهرة+لمبة البنزين

استهلاك البنزين عالى جدا

الكلمات الدلالية لهذا الموضوع

المفضلات

المفضلات

ضوابط المشاركة